بحمد لله استلمت ورخصت سوزوكي سويفت 2015 ديزاير سيدان

**El Prince** · 13-10-2014 11:34 AM

المشاركة الأصلية كتبت بواسطة mahmoud.fathy

حسيت بفرق بعد عمل الصيانة ؟؟؟

فارق ايجابى بسيط فى نعومة العفشة
فارق ايجابى كبير و ملحوظ فى السحب و التجميع

تحياتى

**محمد بلال** · 18-10-2014 01:50 AM

المشاركة الأصلية كتبت بواسطة el prince

شكرا يا باشا و الله يبارك فيك

و انا عمال افتكر فى مميزات تانية :
- نظام ال يو اس بى اللى بيشغل كل حاجه بلفات كبيرة وصغيرة و كمان بيشحن الموبيل و يشغل اللى عليه
- الكرسى بيرتفع بزراع هيدروليكى رائع بمسافة كبيرة
- مرايات الاجناب كاشفة العربية و الطريق كله و ده راجع لحجمها الكبير و التصميم الجميل اللى مكتمل بـ ليد الاشارات
- الاشارات باختيارين : لمسه واحده تديك 3 مرات اشارة - او تنزل الدراع عادى و تدى اشارة لحد ما تلف و هى ترجع تانى

و كلما افتكر حاجه هاقولكوا

الف مبروك وشكرا على التقرير الرائع
ممكن حضرتك تشرح لى جزئية الاشارة " الاشارات باختيارين : لمسه واحده تديك 3 مرات اشارة - او تنزل الدراع عادى و تدى اشارة لحد ما تلف و هى ترجع تانى"

**El Prince** · 18-10-2014 03:10 PM

المشاركة الأصلية كتبت بواسطة محمد بلال

الف مبروك وشكرا على التقرير الرائع
ممكن حضرتك تشرح لى جزئية الاشارة " الاشارات باختيارين : لمسه واحده تديك 3 مرات اشارة - او تنزل الدراع عادى و تدى اشارة لحد ما تلف و هى ترجع تانى"

الله يبارك فى حضرتك و عقبالك

الاشارات : طبعا انت عارف ان العادى فى العربيات ان لما تيجى مثلا تدخل يمين بترفع الدراع لفوق و تفضل العربية تدى اشارة لحد ما انت تنزل الدراع او ينزل مكانه مع عدلة الدركسيون

لكن السويفت فيها العادى و فيها اختيار اضافى جميل و هو انك يادوب تلمس الدراع لفوق و بيترفع 2 مللى تقريبا و بيرجع تانى مكانه و ده بيدى عدد 3 مرات اشارة فى الاتجاه اللى انت عامله
حاجه شيك كده و توفير للازعاج و الكهرباء :)

و اى خدمة و تحت امرك فى اى وقت

**El Prince** · 20-10-2014 10:49 AM

آخر التطورات :

ركبت انذار فى التوكيل بـ 770 جنيه فقط لا غير شامل الانذار و التركيب و البرمجة على ريموت المفتاح الاصلى و ضرائب المبيعات ... و خد حوالى ساعتين بغسيل العربية :)

حاولت اخد العلبة علشان اعرف نوعه ايه و المواصفات و الذى منه ( اصل انا بحب الالكترونيكس )

بس مارضيوش !!!! و كل اللى عرفته منهم ان نوعه " كوبرا " و ان البورده بتاعته سيمنز المانى و انه بيتجمع فى كوريا
و فيه 3 درجات للضبط السينسور عملوه متوسط على 2 و شغال حلو و صوته كويس

اكتشفت حاجة حلوة برضه ان فلتر الزيت بتاع الموتور " suzuki made in japan " و انا كنت فاكره هندى
على كده سعره معقول 63 ج

العربية ما شاء الله بتجيب 120 كم/س بمنتهى السهوله و الاريحية و من غير اى احساس بشئ غير عادى - منتهى الثبات و النعومة - كأنى ماشى على 70 مثلاً

تحياتى :)

**ahmed_moeaz** · 20-10-2014 12:09 PM

ربنا يكفيك شرها ويرزقك خيرها ومبروك الانذار هيا مش العربية فيها امبلوزير هتحتاج الانذار ف ايه ؟

**El Prince** · 20-10-2014 12:53 PM

المشاركة الأصلية كتبت بواسطة ahmed_moeaz

ربنا يكفيك شرها ويرزقك خيرها ومبروك الانذار هيا مش العربية فيها امبلوزير هتحتاج الانذار ف ايه ؟

ربنا يخليك يا باشا

الامبوليزر يحمى السيارة من سرقتها و الاستيلاء عليها بالكامل ( يعنى لا قدر الله صاحبها ينزل مايلاقيهاش )

انما الانذار لمنع سرقة محتويات السيارة اللى داخل الصالون او الادراج او الكاوتش و الجنوط او البطارية من الكبوت .... الخ أو واحد يسند أو يقعد عليها او يخبطها .. الخ من افعال المصريين باعتبار اى سيارة فى الشارع هى ملكية و مصطبة عامة !!!

و احنا بناخد بالاسباب و الاعتماد اولاً و أخيرا على الله يحمينا من معدومى الضمير و خربى الذمم

تحياتى

**m.shalapy** · 20-10-2014 01:43 PM

ربنا يباركلك فيها ويكفيك شرها وموضوع حضرتك بجد شيق وياريت تواتينا بأي حاجه تحصل مع حضرتك
تحياتی

**jackson_75** · 20-10-2014 10:03 PM

أنا قرءت المشاركات كلها والف مليون مبروك ، بس حضرتك ما وضحتش هى كام سي سي ؟

**ahmed.Elashy** · 20-10-2014 11:02 PM

الف مبروك ع العربيه . احسن حاجه عجباني انهم مش باخلين ف وسائل الامان الباقي كله مش مشكله . لو كانوا زودوا الايمبولايزر كان تمام
سعرها معقول
استهلاك بنزين عالي جدا
عمليه جدا
نقطه بس عاوز استفسر فيها . حضرتك بتقول ال abs عامل شغل
اللي اعرفه انه بيشتغل ف حياتك كلها تلات او اربع مرات بس لما تدوس فرامل فجاه وبيساعد فقط فقط ف المناوره ومالوش اي علاقه بكفاءه الفرامل او قوه الفرامل . طالما انت بتشكر ف الفرامل يبقي نوعيه التيل كويسه

**D . a .\ AYMAN** · 20-10-2014 11:20 PM

المشاركة الأصلية كتبت بواسطة ahmed.elashy

الف مبروك ع العربيه . احسن حاجه عجباني انهم مش باخلين ف وسائل الامان الباقي كله مش مشكله . لو كانوا زودوا الايمبولايزر كان تمام
سعرها معقول
استهلاك بنزين عالي جدا
عمليه جدا
نقطه بس عاوز استفسر فيها . حضرتك بتقول ال abs عامل شغل
اللي اعرفه انه بيشتغل ف حياتك كلها تلات او اربع مرات بس لما تدوس فرامل فجاه وبيساعد فقط فقط ف المناوره ومالوش اي علاقه بكفاءه الفرامل او قوه الفرامل . طالما انت بتشكر ف الفرامل يبقي نوعيه التيل كويسه

هي فيها engine immobilizer فعلا ... ونظام أمان بتاع سوزوكي اسمه icats

الموضوع: بحمد لله استلمت ورخصت سوزوكي سويفت 2015 ديزاير سيدان

LinkBack

أدوات الموضوع

عرض

-

-

-

-

-

-

-

المواضيع المتشابهه

بحمد لله استلمت سوزوكي سويفت 2015 هاتشباك

رينو سانديرو سيبواي و ﻻ سوزوكي سويفت 2015 هاتشباك

فين تقرير بعد استخدام سوزوكي سويفت 2015

سعر سوزوكي سويفت ديزاير اوتوماتيك

أيهما أفضل: برايد سيدان، أم سوزوكي سويفت؟

الكلمات الدلالية لهذا الموضوع

المفضلات

المفضلات

ضوابط المشاركة