الموضوع: بحمد لله استلمت ورخصت سوزوكي سويفت 2015 ديزاير سيدان

المشاركة الأصلية كتبت بواسطة wesam elmansy

انا اتفرجت على العربيه فى معرض م. نصر و عجبتنى و حجزتها ب 5000 جنيه بس من مودرن موتورز دمياط لانى من المنصوره و دا اقرب لى و الاستلام لسه من شهر ل شهرين و دى اول عربيه لى و عايز نصائح منك يا برنس لما استلم العربيه استلمها الزاى و ادور على ايه فيها و محتاج اعرف ايه افضل شركه تامين سيارات عشان عايز تامين شامل بس تكون شركه سمعتها كويسه لانى شركات التامين فى مصر سمعتها زى الزفت بفكر فى شركه قناه السويس ايه رايكم فيها

مبروك الحجز و عقبال الاستلام على خير بأذن الله و بالنسبة للأستلام ممكن تشوف الاتى عامة لأى عربية :
تشيك على كل السوائل اللى فى الموتور
تلف حوالين العربية علشان نقلها بالسواقه و تتأكد من عدم وجود حكات او خرابيش او ما شابه
تركب العربية و تدورها و تتأكد ان كل حاجة شغالة زى التكييف و كل الانوار و الاشارات و المساحات و الزراير
يعنى من حقك تجرب كل حاجة قبل ما تمضى بالاستلام

بالنسبة لشركات التأمين علشان همه زى بعض فمش فارقه كتير الشركة دى من دى

و ربنا يوفقك و مبروك مقدما

دى شوية صور لما استلمتها و جرشتها و بعد ما رخصت










و على فكرة كل صورة فى محافظة مختلفة - اى خدمة :)

المشاركة الأصلية كتبت بواسطة wesam elmansy

الف مبروك و ربنا يديك خيرها و يكفيك شرها
يا ريت يا برنس تفكرنا بالاوراق و الاجراءات المهمه عند الترخيص فى المرور و تفكرنا بالتكلفه

الله يبارك فيك و عقبالك وتؤمر يا وسام باشا

لازم يكون معاك فاتورة الشراء و الافراج الجمركى و جواب المرور و صورة افراج مجمع لكذا عربية
هما بيدوك الكلام ده كله بعد سداد الفلوس فى التوكيل

الترخيص كلفنى يوم فى المرور و بيتكلف حوالى 1200 ج للثلاث سنين
شامل كل الحاجات من طفاية و مثلث و شنطة اسعافات وضريبة ( 835 ج) و تأمين اجبارى (275ج ) و لوحات معدنية

اى خدمة يا باشا

المشاركة الأصلية كتبت بواسطة m.m.mohsen

العربية فعلا ممتازة بس لو اهتموا بيها شوية

المشاركة الأصلية كتبت بواسطة mohmet

الف مبروك
ربنا يديك خيرها و يكفيك شرها

المشاركة الأصلية كتبت بواسطة omar_saad

الف مبروك و ربنا يبارك لك و يكفيك شرها
اما بالنسبة للتوكيل -- اتمني انا لا مساوئه عاجلا
فقط طفح الكيل..............................

المشاركة الأصلية كتبت بواسطة ahmzd

رينا يبارك لحضرتك في عربيتك ويطعمك خيرها ويكفيك شرها .

المشاركة الأصلية كتبت بواسطة ahmed_moeaz

ربنا يباركلك فيها ويكفيك شرها

المشاركة الأصلية كتبت بواسطة egyptiandiver

ربنا يباركلك فيها

المشاركة الأصلية كتبت بواسطة ahmedz310

مليووون مبرووك وربنا يديك خيرها ويكفيك شرها

الله يبارك في حضراتكم جميعاً و يرزقكم خيراً