اقتباس المشاركة الأصلية كتبت بواسطة ^samy^ مشاهدة المشاركة
الف مبروك و ربنا يباركلك فيها و يكفيك شرها.
ممكن حضرتك تقولى هيا الافضل ولا الاتراج و تنصحنى بيها ولا لا انا معايه تمنها و عايز اجيبها بس متردد انا بعت بروتون برسونا بسبب استهلاك البنزين و قررت اجيب دى او الاتراج و كلام صاحب المعرض انها عفشتها وحشه و عربيه مش كويسه دا صح ولا علشان يقنعنى بالاتراج ..
و التسليم بعد اد ايه و جبتها منين ..
شكرا :)

الله يبارك فيك

و الله يا باشا انا قبل ما اشترى قارنت بينها و بين الاتراج و ركبت دى و دى و اخدت قرار و اتكلت على الله بشراء السوزوكى السويفت السيدان و الحمد لله

بالنسبة للعفشة هى لا توصف بكلمة " وحشة " !!

تصميم العربية و ارتفاعها مخللى العفشة قوية و ناشفة شوية بس بطريقة مقبولة
و ده مقابل مميزات هامة زى : الارتفاع الممتاز و اللى بيخليها ماتحكش فى اى مطب مهما كان عالى
و ميزة الثبات الممتاز على السرعات و فى الملفات

و استهلاكها الفعلى للبنزين الصفيحة بتعمل من 315 كم الى 350 كم مختلط طوالى و زحمة مدينة
و حسب طريقة و ظروف القيادة
فى السفر و الطوالى بتعمل اكتر من كده طبعا و ده كمان بمرور الوقت و بعد الـ 5000 كم بيبان بالظبط

و انا حجزتها مع التوكيل مباشرة و استلمتها بعد حوالى شهر

اى خدمة و بالتوفيق