الموضوع: بحمد لله استلمت ورخصت سوزوكي سويفت 2015 ديزاير سيدان

المشاركة الأصلية كتبت بواسطة wesam elmansy

بالنسبه لجهاز التتبع gps tracker انا دورت ع النت و لقيت ان الجهاز الكويس و اللى ناس ركبته و بتشكر فيه جهاز اسمه gps tracker tk 106 و دا تمنه من سوق دوت كوم 900 جنيه او 950 جنيه و فى شركه فى مصر اسمها شركه فيمتو موقعها ع النت fimto.com بتوصله لحد البيت بس طبعا المشكله فى التركيب لانه بيركب على الدائره ابكهربيه بتاع و العربيه وانا اتصلت على فرع ابو رواش وقالولى ان عندهم جهاز تتبع ب 2500 جنيه بالتركيب طبعا فرق كبير فى السعر فانا عايز اسالهم ان انا عندى الجهاز بتاعى و همو ممكن يركبوه و يضيفوا تمن التركيب على فاتوره الصيانه

انا اتصلت النهارده على قسم الاكسسوارات فى ابو رواش و قلتله انا عندى جهاز تتبع gps tk 106 ممكن اجيبه معايا و اركبه فى التوكيل قال لى ما اقدرش اركب حاجه من بره التوكيل دا طبعا عشان هما عنهم الجهاز بتركيبه 2500 جنيه و دا فرق كبير فى السعر خللى الجهاز تمنه الف جنيه يركبوه ب 2500 جنيه و حساسات الركن بيقول ب 650 جنيه برضو كتير دى ع النت ما تجيبش 300 جنيه بصراحه اسعار الاكسسوار مبالغ فيها جدا
الافضل اخد معايا الزيت اللى هيغير للعربيه و لا اغيره قبل ما اروح اعمل صيانه الالف تنصحنى بايه يا برنس وكنت عايز اسالك بالنسبه لفرش السياره من جوه كنت عايز اعمل فرش جلد عشان احافظ على الفرش الاصلى من الوساخه انت عملت الفرش دا ولا سايبها بفرش بلادها و يتكلف كام لو كنت عملته

المشاركة الأصلية كتبت بواسطة shadymuhamed1

لو سمحت انا بفكر بجدية ف العربية دي الاتوماتيك بتاعها
بس عايز اسأل هي فيها sport mode ولا لا والعفشة بتاعتها مقارنة بالنيو اكسنت 2010 اطرى ولا انشف ؟

العربيه ما ينفعش تقارنها بالاكسنت 2010 حرام عليك دى عربيه بودى ممتاز و عاليه عن الارض و ثابته و العفشه بتاعة السوزوكى و نظام التعليق بتاع عربيات الرالى اساسا و بعدين الكورى كله مواتير كبيره و عفشه تعبانه جدا و صاج ورق بمعنى الكلمه

المشاركة الأصلية كتبت بواسطة wesam elmansy

العربيه ما ينفعش تقارنها بالاكسنت 2010 حرام عليك دى عربيه بودى ممتاز و عاليه عن الارض و ثابته و العفشه بتاعة السوزوكى و نظام التعليق بتاع عربيات الرالى اساسا و بعدين الكورى كله مواتير كبيره و عفشه تعبانه جدا و صاج ورق بمعنى الكلمه

انا بقارن بس علشان دي اللي كنت بسوقها والصراحة العفشة بتاعتها بتتعب اللي قاعد ورا ف لو السويفت زيها كنت هغير رأيي بس برضوا انا معرفتش العفشه طرية ولا ناشفة ؟؟؟

تمام كده اوووووي
انا اخدت قراري بنسبة 80 % فاضل بس وقت الشراء اني الاقي ميعاد التسليم مناسب مش 7 -8 شهور
بس ممكن طلب اخير
ممكن صورة للمفاتيح بتاعتها لو مفيهاش تعب

بالنسبه لمؤشر الحراره بعد ما تمشى مسافه او تكون مسافر العادى انه يكون فى النص كده يبقى حراره العربيه عادى و لا المفروض يبقى قبل النص