الموضوع: بحمد لله استلمت ورخصت سوزوكي سويفت 2015 ديزاير سيدان

المشاركة الأصلية كتبت بواسطة el prince

أنا الحقيقة مجربتش موضوع ملو الكاوتش نيتروجين فمش هاقدر اقول رأى فى حاجه مجربتهاش و لو انى مش مقتنع ان فيه حد بيعمل حاجه صح عندنا اصلا





اعتقد مفيش مشكلة لأن العربية جديدة و البطارية بالطبع
و ممكن تسيب المفتاح مع اخوك او حد قريبك يدورها ربع ساعة كل اسبوع مثلا علشان احنا ف الشتا

بالنسبه لصيانه الالف كيلوا ان شاء الله انا اعتقد ان انا مش هاجيب الالف كيلو قبل 3 او 4 شهور لانى اغلب الوقت هتكون السياره مركونه فى الجراج لظروف الشغل دا عادى و لا هيبقى غلط مثلا ان اروح اعمل صيانه الالف بعد 3 او 4 شهور هل دا غلط على العربيه ولا اروح مثلا بعد 3 شهور حتى لو العربيه ما جابتش الالف كيلو و انا من المنصوره هل الافضل ان اول صيانه تكون فى المركز الرئيسى فى ابو رواش عشان عايز اركب جهاز تتبع فى العربيه ب 2500 جنيه ولا استقرب و اروح فرع المنوفيه و تنصحنى باى نوع زيت و لو عايز جركن سائل تبريد محرك معايا فى العربيه اجيبه من التوكيل و لا لسه بدرى لانى سمعت ان كل الميه الخضرا اللى بتنباع مغشوشه و مش حلوه و ايه اللى لازم يكون معايا فى العربيه للطوارئ او السفر الطويل

بالنسبه لجهاز التتبع gps tracker انا دورت ع النت و لقيت ان الجهاز الكويس و اللى ناس ركبته و بتشكر فيه جهاز اسمه gps tracker tk 106 و دا تمنه من سوق دوت كوم 900 جنيه او 950 جنيه و فى شركه فى مصر اسمها شركه فيمتو موقعها ع النت fimto.com بتوصله لحد البيت بس طبعا المشكله فى التركيب لانه بيركب على الدائره ابكهربيه بتاع و العربيه وانا اتصلت على فرع ابو رواش وقالولى ان عندهم جهاز تتبع ب 2500 جنيه بالتركيب طبعا فرق كبير فى السعر فانا عايز اسالهم ان انا عندى الجهاز بتاعى و همو ممكن يركبوه و يضيفوا تمن التركيب على فاتوره الصيانه

المشاركة الأصلية كتبت بواسطة wesam elmansy

بالنسبه لجهاز التتبع gps tracker انا دورت ع النت و لقيت ان الجهاز الكويس و اللى ناس ركبته و بتشكر فيه جهاز اسمه gps tracker tk 106 و دا تمنه من سوق دوت كوم 900 جنيه او 950 جنيه و فى شركه فى مصر اسمها شركه فيمتو موقعها ع النت fimto.com بتوصله لحد البيت بس طبعا المشكله فى التركيب لانه بيركب على الدائره ابكهربيه بتاع و العربيه وانا اتصلت على فرع ابو رواش وقالولى ان عندهم جهاز تتبع ب 2500 جنيه بالتركيب طبعا فرق كبير فى السعر فانا عايز اسالهم ان انا عندى الجهاز بتاعى و همو ممكن يركبوه و يضيفوا تمن التركيب على فاتوره الصيانه

انا اتصلت النهارده على قسم الاكسسوارات فى ابو رواش و قلتله انا عندى جهاز تتبع gps tk 106 ممكن اجيبه معايا و اركبه فى التوكيل قال لى ما اقدرش اركب حاجه من بره التوكيل دا طبعا عشان هما عنهم الجهاز بتركيبه 2500 جنيه و دا فرق كبير فى السعر خللى الجهاز تمنه الف جنيه يركبوه ب 2500 جنيه و حساسات الركن بيقول ب 650 جنيه برضو كتير دى ع النت ما تجيبش 300 جنيه بصراحه اسعار الاكسسوار مبالغ فيها جدا
الافضل اخد معايا الزيت اللى هيغير للعربيه و لا اغيره قبل ما اروح اعمل صيانه الالف تنصحنى بايه يا برنس وكنت عايز اسالك بالنسبه لفرش السياره من جوه كنت عايز اعمل فرش جلد عشان احافظ على الفرش الاصلى من الوساخه انت عملت الفرش دا ولا سايبها بفرش بلادها و يتكلف كام لو كنت عملته

بالنسبه لمؤشر الحراره بعد ما تمشى مسافه او تكون مسافر العادى انه يكون فى النص كده يبقى حراره العربيه عادى و لا المفروض يبقى قبل النص

متشكر يا برنس على توضيحك لمؤشر الحراره ؛

عندى استفسار عن نوع البطاريه هى بطاريه جافه بس هى كام امبير و ازاى احافظ على عمر البطاريه؟