اقتباس المشاركة الأصلية كتبت بواسطة el prince مشاهدة المشاركة
أولاً : 1000 1000 مبروك و يديك خيرها و يكفيك شرها يا رب
ثانياً : الساعة بتتظبط من الزرارين اللى فى عدادات التابلوه دوس عليهم مع بعض ثوانى و بعدين اظبط من اللى ف اليمين

ثالثاً : الصيانة العادية و فلتر الهوا هما هاينضفهولك فى التوكيل مع صيانة الالف و مع كل 5000 كم
- اوعى اوعى اوعى تحط فى الريدياتير مية من الحنفية ابوس ايدك - انت المفروض ماتفتحش غطا الريدياتير أصلاً - و تعاملك كله يكون مع قربة المياه اللى واصلة مع الريدياتير بمية خضراء فقط فقط و ده لسه بدرى عليه قوى يعنى على صيانة ال 40 الف كده - ماتفكرش ف الموضوع - انت بس من فترة للتانية بص على مؤشر الميه فى القربة بين ال لو و الماكس يبقى تمام

- استهلاك البنزين ده عالى شوية ممكن تكون رجلك بتقرص شوية وواخد على المانيوال
المفروض ان عندى بعد صيانة ال 1000 و بعد قطع حوالى 1500 كم و صل المعدل لحوالى 17 كم/ لتر
خف رجلك شوية و ماتخليش ال ار بى ام يعدى 2.5 او 3000 بالكتير لحد ماتعمل اول صيانة الدنيا هاتختلف للأحسن بأذن الله
شكرا يا برنس على المعلومات القيمه دى انا ظبطت الساعه و انل فعلا قرات فى كتالوج السياره ان لازم يكون سائل التبريد نصفه ميه مقطره و نصفه سائل تبريد و انا لغايت دلوقتى ما فتحتش الكبوت اصلا و العربيه مريحانى اوى بس بالنسبه للنيتروجين لو روحت لحد بتاع كاوتش و فضاللى الاربع عجلات و ملاهم نيتروجين بيكون افضل من الهوا بس فى حد قال ان عشان النيتروجين يديلك الفائده لازم يكون الكاوتش ما فيش فيه ذره هوا و دا مفيش حد بيعرف يعمله فى مصر انت ايه رايك ؟