تفاصيل أسعار النت الجديدة فى مصر.....كارثة بكل المقاييس

**amrnader** · 25-07-2007 10:13 PM

المشاركة الأصلية كتبت بواسطة ahmed1981

شركة TE Data حرامية ونصابين وبيدو أي حد نصف السرعة في أي شركة تاني

ودي تجربة شخصية مع Link و TE Data
الإتنين تعاقدت على سرعة 256 وشركة Link كان الداونلود ضعف TE Data بالظبط

انا عكسك خالص، جربت Tedata و Link و EgyNet. الصراحة TeData انضف واحدة فيهم فى موضوع السرعة، على طول بنزل بال 256Kbits/second ، بتوع Link و EgyNet طلعوا عينى كانت السرعة فعلا النص، و زهقونى عمال ما عملت cancellation

**محمدايهاب** · 25-07-2007 10:40 PM

طبعا 2جيجا قليل جدا جدا ودي اسمعها استهبال من وزير الأتصالات أنا فاهم أن الهدف هو حماية حقوق الأفلام و الأغاني و الكلام ده
الغريب في الموضوع ان السيد أحمد نظيف مهندس اتصالات وأكيد فاهم الكلام ده لا حول ولا قوة إلا بالله
بس أنا مع الأستاذ محمد المشد و لسة من يومين كنت بتكلم مع مجموعة من الناس و بقولوهم أن السوق الوحيد في مصر اللي في منافسة في صالح المستهلك المصري هو سوق الأتصالات ( خاصة الموبايلات ) و فعلا مصر رخيصة جدا في أسعار الاتصالات بخض النظر عن دخل الفرد

**ahmed1981** · 25-07-2007 11:14 PM

الأستاذ جندي قال:
أنا عندى تى داتا و الداونلود عندى بيوصل لـ 30 كيلو فى الtorrents لكن مشكلتهم ان الدعم الفنى بتاعهم يشل

يا عم جندي أنا كان الداونلود على لينك 60 والله 60
ولما غيرت إلى TA Data الداونلود أصبح 30

يعني نص الأولاني

**جندى مجند** · 26-07-2007 01:18 AM

المشاركة الأصلية كتبت بواسطة ahmed1981

الأستاذ جندي قال:
أنا عندى تى داتا و الداونلود عندى بيوصل لـ 30 كيلو فى الtorrents لكن مشكلتهم ان الدعم الفنى بتاعهم يشل

يا عم جندي أنا كان الداونلود على لينك 60 والله 60
ولما غيرت إلى TA Data الداونلود أصبح 30

يعني نص الأولاني

معلش فهمهالى تيجى ازاى دى ... السرعة الـ 256 Kbit/sec معناها و باعتبار ان البايت=8 بت:
256÷8=32 كيلوبايت فى الثانية و دى أقصى سرعة داونلود من خط سرعته 256 كيلوبت (راجع هذه الصفحة من ويكيبيديا للتأكيد: http://en.wikipedia.org/wiki/Kilobit_per_second) فلو سرعة الداونلود مع لينك 60 يبقى هم بيدوا سرعة 512 للى متعاقد على 256 و دى طبعاً حاجة جميلة مش عيب اطلاقاً و يمكن يكونوا بيعملوها بطريقة غير معلنة كنوع من الدعاية لكن أنا أقصد ان تى داتا بأحصل منها على سرعة داونلود تساوى الخدمة المتعاقد عليها مش أقل و كدة تبقى الشركة عداها العيب ... لكن لو لينك بتعمل اللى حضرتك بتقوله فعلاً يبقى ممتاز ... أنا حأجرب كدة معاهم شهر و أشوف ايه النظام :)

**amrnader** · 26-07-2007 01:31 AM

المشاركة الأصلية كتبت بواسطة ahmed1981

الأستاذ جندي قال:
أنا عندى تى داتا و الداونلود عندى بيوصل لـ 30 كيلو فى الtorrents لكن مشكلتهم ان الدعم الفنى بتاعهم يشل

يا عم جندي أنا كان الداونلود على لينك 60 والله 60
ولما غيرت إلى TA Data الداونلود أصبح 30

يعني نص الأولاني

اللى حضرتك بتقول عليه ده كان عرض خاص كان بيدى ضعف السرعة لأن الشركة خسرت كتير من زباينها، لكن بشكل عام Link من الشركات اللى بتديك سرعة بتتغير على مدار اليوم و ساعات اوقات الذروة السرعة بتوصل لأقل من 10كيلوبايت/ثانية.

**NaderNabil** · 26-07-2007 01:44 AM

2day at ((el beet beetak show)), the president of (el sherka el masryea lele itisalat, was talking:

he said that the current sharee7a will continue and it wont be changed, which means the 256 line will give u unlimited download normally but for the 95 pounds.

the new shari7a is made to "tad3eem" the lower income people who cant afford to pay the 95 pounds, by makeing them pay only 45 pounds and get 2gb each month, if he wants more he has to pay extra fees

i think now the picture is cleared. and all the Egyption beabole misunderstood this descicion

my self i will continue using the 95 l.e. line and i think the 45 one will be a great choce for people who dont care about downloading

**NaderNabil** · 26-07-2007 02:13 AM

أكد الدكتور طارق كامل وزير الاتصالات وتكنولوجيا المعلومات أنه لا إلغاء لأي اشتراك سار بالنظام الحالي للانترنت وأن شركات الانترنت سوف تحترم تعاقداتها الحالية ومن يرغب من المشتركين في النظام الحالي يستطيع تحويل اشتراكه للنظام الجديد إذا رغب .

وان جميع الاشتراكات الحالية وكمثال الاشتراك الأساسي بسعر 95 جنيه شهريا لسرعة 256 كيلو أو غيره مستمرة حسب التعاقد ولن تلغى .

والكلام ده لسه متحدد النهادرة بس فى البيان الصحفى لوزارة الاتصالات وتكنولوجيا المعلومات .

واثبات الكلام ده هنا

http://www.mcit.gov.eg/ar/announcement.aspx

او هنا

http://masrawy.com/News/2007/Egypt/E.../internet.aspx

وكمان هنا

http://www.tra.gov.eg/arabic/News_Ne...?PID=36&ID=116

__________________

**Nader** · 26-07-2007 10:28 AM

هضيف كمان يا نادر ان في بعض الشركات قامت بتخفيض السرعة 512 إلى 90 جنية والميجا إلي 125 جنية. شوية وهنقل الخبر بالتفصيل.

**PRO-DRIVE** · 26-07-2007 01:54 PM

واحد قريبى فى اليابان عندهم الوايرلس فى البيوت ب 28 دولار فى الشهر بس :shock: :shock: :shock: دة للكلام من سنتين و السرعة بتبقى 10 ميجا و اذا عاوز 20 ميجا بتدفع 40 $$ فى الشهر او حاجة كده مش فاكر الرقم صح