تفاصيل أسعار النت الجديدة فى مصر.....كارثة بكل المقاييس

**NaderNabil** · 21-07-2007 01:37 PM

النظام الاول : التحميل 2 جيجا ........ والجيجا الزيادة ب 10 جنيه
او
النظام الثانى : 60ساعة فى الشهر ...........والساعة الزيادة ب 1.5 جنيه

السرعات 512 و 1 ميجا :
الاسعار وحدود التحميل او عدد الساعات متروك للشركات هى اللى تحدد (مجال للتنافس )

السرعة 2 ميجا :
السعر استرشاديا عند 760 جنيها شهريا والتحميل مفتوح

والرئيس التنفيذى للجهاز القومى لتنظيم الاتصالات بيقول ان متوسط الاستهلاك لكل منزل على مستوى العالم للانترنت فائق السرعة لايزيد عن 1 إلى 2 جيجابايت-حسبما ذكر الموقع الرسمي للحزب الوطني الديموقراطي!!!!!!!!!!!!!!!!!!!!!!!!!!!! !!!!!!!!!!! !!!
وبيقول كمان ان الزيادة عن هذا المعدل تحدث عند تحميل أفلام أو موسيقى أو أغانى وهو ما يستوجب دفع المقابل عن هذه الخدمة مشيرا إلى أن الهدف من الانترنت هو إتاحة المعلومات والاستفادة منها وليس مجرد تحميل الأفلام !!!!!!!!!!!!!!!!!!!!!!!!!!

وبالنسبة للاشتراكات المنزلية السارية بالفعل، قال الرئيس التنفيذى للجهاز القومى لتنظيم الاتصالات إنه من حق المشترك أن يستمر فى الحصول على سرعة 256 كيلوبايت/ثانية غير مقيدة بسعة تحميل بالقيمة المتعاقد عليها من قبل حتى نهاية عقده أو التحول إلى نظام الاشتراك الشهرى بمبلغ 45 جنيها مع التقيد بسعة التحميل 2 جيجابايت أو نظام 60 ساعة شهريا أو الباقات الجديدة وسداد قيمة الاستهلاك أو الساعات الزائدة.
(منقوللللل)
قللوللي نعمل ايه فالكارثة دي!!!!

**mina_ramsis** · 21-07-2007 01:43 PM

على فكرة ده كده بيشجع فكرة وصلات النت علشان هتبقى الحل الارخص للمشتركيين

**محمد المشد** · 21-07-2007 02:15 PM

حتى نكون موضوعين ، انا بصراحة شايف ان هناك تقدم فى كل شىء بالنسبة للاتصالات فالاسعار هنا فى السعودية مازالت غالية بالنسبة للنت وتوصيلاتة اما فى مصر اعتقد ان الكلام ان النت فعلا من اجل الحصول على المعلومات فهذا كلام منطقى وسليم اما تحميل الافلام وخلافة اعتقد انه خارج حدود المطلوب ومن يرغب فى ذلك فعلية الدفع وهذا منطقى

**PRO-DRIVE** · 21-07-2007 03:27 PM

معلش ^^ حضرتك طبعا غير منطقى شوف مستوى الدخل فى السعوديه كام و مستوى الدخل فى مصر كام غير كدة فى السعودية موبايلى دخلت لعبت فى حسابات الاتصالات السعودية عشان كدة حترخص كمان موضوع 2 جيجا ده ليييييه !!!!!!! لييييييه !!!!!!! طيب و ايه الفرق كدة من انى اجيب DSL فى شركه مقدمه خدمات فى العالم بتقدم DSL تقول تقعدوا معرفش 60 ساعة اذا اساسا انا هنا الكمبيوتر مفتوح 24/7 كل يوم يعنى فى 3 ايام خلاص خلصت :shock: :? :shock: :? طيب اذا كان الهدف فعلا انهم ميخلوش الناس تحمل افلام و كده ليه 2 ميجا مش محدد ؟؟؟ معرفش بس شكلها كده الحل ان نجيب الفضائى 1 WAY و دة التحميل مفتوح و الUPLOAD تشغله دايل اب او حتى وصله بس كدة ظلللللم

**NaderNabil** · 21-07-2007 03:31 PM

المشاركة الأصلية كتبت بواسطة 911 turbo

؟؟؟ معرفش بس شكلها كده الحل ان نجيب الفضائى 1 WAY و دة التحميل مفتوح و الUPLOAD تشغله دايل اب او حتى وصله بس كدة ظلللللم

More Info PLEAAASSEE :lol: :D
Prices, who does it, Speed.....etc

**mina_ramsis** · 21-07-2007 03:32 PM

ياريت يا تيربو تقولى ايه نظام الفضائى ده و تكلفته كام كله على بعضه كده

**PRO-DRIVE** · 21-07-2007 03:54 PM

موضوع الاشتراكات دى بتختلف كتير بين مقدمين الخدمه و انا معرفش حد فى مصر بصراحة بس حقعد ادور دلوقتى شوف مثلا هنا http://www.wseet.net/new/ سرعه 2 ميجا و التحميل 2 جيجا بيقول انك فى السنه حتدفع 4200/12 شهر اذا الشهر كده حيوقف ب350 جنيه :D بس طبعا انا عندى شخصيا استعداد ادفع اكتر من ال350 جنيه دول عشان يكون التحميل Unlimited و خصوصا بقى مع 2 ميجا انا ححاول اقعد دلوقتى اشوف مقدمين الخدمات بتاعتها فى مصر بس الحركه دى مشهوره اوى فى البحرين معرفش لية بس كتير بحرينيين بيعملوها بس المهم انك متدفعش بالشهر تدفع بالسنه عشان اوفر كتييير على فكره محدش يضمن الناس دى من الانترنت لازم تشوف شركه لها مقر فى مصر و على فكره اذا انت جبت الاجهزة بنفسك الانترنت بيبقى مجاانى و السرعة اوبن على ما اعتقد بس الاجهزة غاااااليه و حتحتاج تركب طبق فوق من الاول و كده

**د.أحمد سمير** · 22-07-2007 04:28 AM

هذه الفكرة الشيطانية الجديدة هترجعنا تاني لسيكولوجية الاتصال عبر التليفون ، هنرجع مرة تانية نحافظ على الوقت وعلى التحميل ، ونقفل ونفتح ونرجع نفتح ونقفل ، حاجة آخر قرف .
المفروض ألا تكون هناك رقابة على الاستخدام تحت أي ظرف ، ولابد من مرفق تنظيم الاتصالات أن يكون من بين البدائل التي يقدمها وجود نظام مفتوح غير محدد بساعات أو سعة تحميل ، وللمشترك الحرية أن يختار الباقة المحدودة أو غير المحدودة ، وهذا الإجراء الذي ينوون استخدامه سيزيد من الوصلات ولن يخفضها ، وبعدين هما مالهم أصلاً الناس بتستخدم النت في إيه ، هي الحكومة بتدعم النت يعني أبداً المسألة كانت على نظام تخفيض المقابل بهدف توسيع المشاركة التي تعني زيادة في هامش الربح بالتبعية ، وعلى هذا الأساس الشركات قدمت خدماتها ، لكن هذا النظام أعتقد أنه محكوم عليه بالفشل مسبقاً .
ولا هي بقت محلبة زي التليفونات الأرضية والكهرباء ...الخ

**rady** · 22-07-2007 11:42 AM

أنا مشترك مع TEDATA ولما عرفت الأخبار الرهيبة ده اتصلت بخدمة العملاء فقالولي ان الكلام ده على 256 بس لكن باقي السرعات مش هتتغير .... ياريت لو حد كمان يكلمهم أو يشوف الشركات التانية هتقول ايه عشان الناس تبقى عارفة

22-07-2007 01:27 PM

والله انا مش عارف هما ليه بيعملوا كده المفروض ان الجهاز ده معني بتطوير الاتصالات في مصر والوقوف بجانب المستهلك ومجتمع الاتصالات ككل ضد الاحتكار او اي ممارسات من شائنها تهديد مستقبل تكنولوجيا الاتصالات في مصر فضلا عن حث الشركات علي تحديث تقنياتها ووضع مقاييس مصرية لهذة التقنيات وديه حاجات كنا بنعاني منها وبشدة لاكن بما انها جهة حكومية منشئة بناء علي قانون تنظيم الاتصالات بتاع 2003 فطبيعي انها تنتهج السياسة العامة للدولة وافتكروا اللي حصل للتليفونات الارضية في الكام سنة اللي فاتت

لاكن الحق يقال اننا كنا بنعاني منها اكتر مع الشركات اللي الحكومة ليها نصيب فيها زي شركة تي اي داتا اللي شركة المصرية للاتصالات ليها نصيب فيها والشركة ديه والله تفننت في ابتكار اساليب للغش والتدليس علي العملاء (في مجال حلول الشركات وشبكات الربط VPN /MPLS /Framerelay) وكانت النتيجة اني وقفت خدمة معاهم بعد معاناه مريرة استمرت حوالي سنة
المهم رسيت العطا علي اجي نت وان كانت الاخيرة صاحبة تكنولوجيا اقدم ولاكن اكثر اعتمادية ومصداقية وفي الاخر ارخص في الاسعار من لينك دوت نت المنافس الاكثر تفوقا تقنيا واداريا بس في الاخر البزنس بيعرف بس احتياجات وامكانيات فكان اختياري لشركة اجي نت لانها هتديني خدمة يعتمد عليها وباسعار اقل (حوالي النصف) مقارنة باي شركة تانية (زي راية ولينك وتي اي زفت) المهم مشي الحال كويس مع اجي نت ونفقلت شبكتي فرع فرع عليها واذا بي افاجئ بان الجهاز المدعوق ده فرض علي الشركات تسعيرة لخدمات الربط
انا مش عايز اطول عليكم بس الحاصل دلوقتي ان ايجي نت (المسكينة) مهدده الان بفقد ميزتها التنافسية نظرا للاسعار الجديده وفي المقابل تي اي داتا (ذات الاستثمار الحكومي) بتقوم بحملة نشيطة جدا لاعادة رصيدها المفقود من العملاء وباسعار خاصة جدا انا مش عايز افسر اكتر من كده (والحدق يفهم)
ربنا يطلعنا منها علي خير بقي

--------------
ابو نورا (نانا الزنانة )