الف مبروك عليك انا معجب بالعربيه دى اوى
ياريت كانو نزلوها بالموتور الاسكاى اكتف
رقم العضوية : 147492
تاريخ التسجيل : 19Aug2013
المشاركات : 126
النوع : ذكر
الاقامة : الكويت
السيارة: ميتسوبيشي جالنت
السيارة[2]: مازدا 3 2015
الحالة :
انا عارف اني تعبت الاعضاء كلهم معايا في اختيار عربية جديدة بعد تجربة الفلوانس واستبعادها فقط لاختلاف شكل المقدمة هنا في الكويت عن الفيس لفت في مصر وبعد تجربة قيادة للنيسان سينترا واستبعادها بسبب شكل التابلوه تسعينات وكمان الموتور ضعيف على حجم العربية وطلعتها بطيئة وبعد تجربة الرائعة كورولا 2015 واستبعادها بسبب انها نازلة بالفتيس القديم اربع نقلات وكمان مبالغ جدا في سعرها ومتنفضة تماما من الاوبشن اللي في مصر وبعد تجربة هوندا سيتي الجديدة العربية صوت موتورها صدمني عالي جدا غير انها حجمها الداخلي مريحنيش حاسسها ضيقة تعبتووووو نيجي لاخر تجربة قيادة عملتها النهاردة وهي مازدا 3 2015 قولت اروح اشوفها جايز تعجبني نبداء بالشكل الخارجي باختصار تحفة فنية في التصميم ولا مقارنة بينها كشكل خارجي وبين كل العربيات السابقة مع خالص احترامي لملاكها لا كن فعلا المازدة 3 وخصوصا اللون الاحمر المميز ليها رائعة ومتناسقة من الامام ومن الخلف اما من الداخل تصميم التابلوه والعدادات جميلة ومتناسقة لاكن الملفت فعلا هو جودة الخامات افضل من التويوتا والسينترا بمراحل فعلا في اهتمام بجودة الخامات الداخلية
مواصفات العربية هنا موتور 1600 سي سي 107 حصان والفتيس اربع غيارات وفيه امكانية النقل اليدوي 5 غيارات اعتقد هو نفس الموتور والفتيس القديم فملاك المازدا القدامى ياريت يفيدوني عن امكانياته وهلا فعلا اعتمادي زي مواتير وفتيس الكورولا والا ايه اخباره في مصر نرجع لباقي المواصفات رنجات 16 الومنيوم وفوج لايت واضاءة نهارية تعمل بمجرد تحريك الفتيس على d ومثبت سرعة وتحكم بالصوت من الدريكسيون وازرار تحكم للبلوتوث ويو اس بي و ايو اكس وشاشة صغيرة في اعلى التابلوه للتحكم بالكاسيت واتنين وسائد هواء وابي اس +اي بي دي والمفاجاءة بقى فيها esp والمريات كهرباء تحكم فقط والكنبة الخلفية قابلة للطي + استارت انجن ودخول بدون مفتاح والعربية نازلة فئة واحدة بس للموتور 1600 نيجي بقي للقيادة اول حاجة استغربتها دواسة البنزين طالعة من الارضية للعربية مش عارف المازدة القديمة كدة والا لاء المهم انطلفنا وافاجاءة بالباور ايه الحلوة والطعامة دي بامانة ينافسها بس باور الفلوانس ريشة وانت واقف بمعنى الكلمة وبيتقل معا السرعة بصراحة رائع نيجي للموتور ساحبته جميلة مش بتاع شد وكدة لاكن معقول جدا ااقيمه 8/10 بس المشكلة صوته بيعلى لما تقرص عليه ودا اعتقد بسبب الفتيس الاربع غيار بس الصوت مش مزعج مثلا زي الشارك لا ااقل بكتير طبعا ثبات العربية خرافي وكمان العزل بتاعها اديله 9/10 عداد الر بي ام ديجيتال لاكن عداد السرعة عادي وافاجاء انه متحدد سرعته لحد 260 كم/س مش عارف بردة دا عادي في المازدة المهم الكاسيت صوته يعتبر جيد 7/10 بس جربت راديو ممكن يكون الفلاش والسي دي احسن مكان الفلاش غريب داخل مسند اليد اللي جنب السائق و الشنطة واسعة جدا اعتقد 490 لتر يعيبها ان بس مدخلها ضيق شوية اما التكييف رائع مع العلم درجة الحرارة كانت برة النهاردة 48 لاني كنت بعد الساعة 4 لاكن التكيف كان على سرعة 3 من سبع سرعات ممتاز
واخيرا انا عاملت الموضوع دا عشان في عضو كان عامل موضوع مدمر فيه العربيه لانه خسر 16 الف جنيه لاكن بصراحة 90% من كلامه لم اجده والعربية اقيمها 9/10 اجمالا ينقصها فتيس احدث وموتور ااقوي ودا متوفر في الفئة ال 2000 سي سي وفتيس ست غيارات
سعر العربية تخيلو ارخص من الكورولا الفاضية بحوال 5 الاف جنيه تقريبا نفس سعر السنترا مع فارق الاوبشن الرهيب لصالح المازدا غير جودة الخامات
نيجي لمربط الفرس عاوز رايكم بامانة خصوصا ملاك مازدا 3 في مصر اجيب العربية واستخدمها خمس سنين وانزل بيها وهل فعلا اعتمادية زي الكورولا والانسروالا اعطالها كتير واخاليني في الكورولا رغم انها متنفضة حتى من الفتيس الجديد
وتاني حاجة اخبار قطع غيارها ايه في مصر سامع انها غالي فهل متوفرة برة اللتوكيل والا صعب ودوخة عليها ارجو افادتي لاني بجد والله تعبت من كتر اللف وخلا زهقت ولازم اشتري العربية خلال ايام وتحية لجميع القائمين على اروع منتدي سيارات
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
الف مبروك عليك انا معجب بالعربيه دى اوى
ياريت كانو نزلوها بالموتور الاسكاى اكتف
رقم العضوية : 8078
تاريخ التسجيل : 28Mar2008
المشاركات : 498
النوع : ذكر
الاقامة : Sheikh Zayed
السيارة: Hyundai
السيارة[2]: NubiraII--------SOLD
دراجة بخارية: I Hope
الحالة :
اشترى الالفين سي سي و استمتع بيها و لما تيجى نازل مصر بيعها و اشترى هنا جديد , اعتقد اسعار قطع غيار المازدا استهبال من عمو غبور .
رقم العضوية : 86801
تاريخ التسجيل : 25Jan2011
المشاركات : 3
النوع : ذكر
الاقامة : egypt
السيارة: hyundai
السيارة[2]: nissan
الحالة :
متابع
رقم العضوية : 3311
تاريخ التسجيل : 19Nov2007
المشاركات : 310
النوع : ذكر
الاقامة : cairo
السيارة: جوك 2014
السيارة[2]: mazda 3 2008
دراجة بخارية: لا يوجد
الحالة :
ده اقوي حاجة فيها اعتمادية الموتور و الفتيس
معايا 2008 من الزيرو ماغيرتش غير الفلاتر و البوجيهات و الزيوت بالنسبة للموتور وشكرا
وبقرص عليها كتير و كيك دوان علي اخر الدواسة و مازالت العربية بتبهرني باءدائها.. الموتور و الفتيس بحالة الزيرو
والحقيقة انا مستخسر ابيعها لانها اصيلة جدا ..اكتر من ست سنين فحت و 135 الف كم و مافيش عيوب نهائي وكل حاجة شاغلة فيها.. الصناعة اليابانية في رائي اقوي حتي من الالماني كا اعتمادية
رقم العضوية : 147492
تاريخ التسجيل : 19Aug2013
المشاركات : 126
النوع : ذكر
الاقامة : الكويت
السيارة: ميتسوبيشي جالنت
السيارة[2]: مازدا 3 2015
الحالة :
[QUOTE=janjon1978;3875741204]ده اقوي حاجة فيها اعتمادية الموتور و الفتيس
معايا 2008 من الزيرو ماغيرتش غير الفلاتر و البوجيهات و الزيوت بالنسبة للموتور وشكرا
وبقرص عليها كتير و كيك دوان علي اخر الدواسة و مازالت العربية بتبهرني باءدائها.. الموتور و الفتيس بحالة الزيرو
والحقيقة انا مستخسر ابيعها لانها اصيلة جدا ..اكتر من ست سنين فحت و 135 الف كم و مافيش عيوب نهائي وكل حاجة شاغلة فيها.. الصناعة اليابانية في رائي اقوي حتي من الالماني كا اعتمادية
انا متشكر جدا لحضرتك طمنتي من ناحية الفتيس والموتور بس ممكن تقولي اخبار قطع الغيار ايه متوفرة برة التوكيل واسعارها اخبارها ايه ولو ممكن اعرف سير الكاتينة بتاعها حديد والا بيتبدل وفي انتظار اراء باقي الملا وشكرا للجميع
رقم العضوية : 158566
تاريخ التسجيل : 08Apr2014
المشاركات : 117
النوع : ذكر
الاقامة : الرحاب
السيارة: تويوتا
السيارة[2]: مازدا
دراجة بخارية: هوندا
الحالة :
قطع الغيار موجودة للقديمة في التوكيل وبرة جديد واستيراد
رقم العضوية : 63536
تاريخ التسجيل : 27Feb2010
المشاركات : 790
النوع : ذكر
الاقامة : 6th of October
السيارة: 2014 Kia Cerato
السيارة[2]: Mazda 6 Ultra
دراجة بخارية: No
الحالة :
انا كنت في نفسك حيرتك .. و قصرت الاختيارات في الأخر على عربيتين
مازدا 3 .. و كيا سيراتو
المازدا 3 .. شكل رهيب و خامات ممتازة و ثبات عالي
كيا سيراتو .. امكانيات كتيرة و خامات جيدة و اعادة بيع سهلة .. و كمان عليها خصومات حوالي 700 دينار
بس موتور مازدا و الفتيس بتاعها عقدوني و قفلوني من العربية .. مع اني كنت هموت و اشتريها
في الأخر اشتريت السيراتو .. للأسباب السابقة و بردو قلت تغيير لأني معايا مازدا 6
خلي بالك من حاجة مهمة .. قطع الغيار انا عمري ما لاقيتها بره الوكالة .. الكلام بالنسبة لمازدا 6 و اعتقد نفسه بالنسبة ل مازدا 3 .. الناس كانت بتغير تيل الفرامل ب 7 دينار و انا بغيره ب 40
بردو لو نويت على مازدا اعمل حسابك انك هتقعد بيها فترة و تنزلها .. بيعها صعب في الكويت و ملهاش سوق
لو مش فارق معاك الموتور اتكل على الله .. و ابقى اديني لفة :)
و مبروك مقدما
"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"
رقم العضوية : 147492
تاريخ التسجيل : 19Aug2013
المشاركات : 126
النوع : ذكر
الاقامة : الكويت
السيارة: ميتسوبيشي جالنت
السيارة[2]: مازدا 3 2015
الحالة :
رقم العضوية : 63536
تاريخ التسجيل : 27Feb2010
المشاركات : 790
النوع : ذكر
الاقامة : 6th of October
السيارة: 2014 Kia Cerato
السيارة[2]: Mazda 6 Ultra
دراجة بخارية: No
الحالة :
انا مش بقولك كده علشان تقلق .. انا بقولك كده علشان ناخد بالك
برده زي ما قولتلك انا بتكلم على مازدا 6 الترا .. و دي مش منتشرة هنا في الكويت .. انت ممكن تنزل الشويخ و تسال عن المازدا 3
حاجة تانية تطمنك .. انت بتشتري عربية جديدة .. يعني مع التأمين ضد الحوادث لا قدر الله مش هتحتاج تغير حاجة غير التيل و الزيت لمدة 5 سنوات .. ده او حافظت على الصيانة .. فمتقلقش اوي
بانسبة للكورولا .. فمعجبتنيش خالص .. شكلها حلو .. بس من جوه وحشة جدا .. و خامتها زي الزفت .. و مفيش امكانيات .. وسعرها عالي كان جوالي 5500 دينار ده
في المقابل السيراتو شكلها كويس و خامتها الداخلية جيدة جدا .. و كماليتها بالهبل .. و انا أساسا جايب العربية علشان تبقى عربية تانية في البيت .. استخدامها مش كتير يعني .. و سعرها ارخص بحوالي 1300 دينار لأنها تصفيات موديلات 2014 .. فقولت باي باي كورولا
روح كيا اتفرج .. انا كنت زيك .. و اخر عربية شوفتها بعد ما لفيت الوكالات كلها كانت كيا و خرجت من المعرض مقرر اني هشتري .. مع اني كنت بشوفها في الشارع كتير و عمرها ما جت في بالي
انت هنا في الكويت شايف الكوري عامل ايه .. سيبك من الكلام بتاع الكوري و الياباني و الأوروبي بتاع مصر ده .. الكوري زيه زي الياباني .. الأوروبي هنا يبقى عليك و على bmw و مرسيدس .. رينو و سيات و سكودا مش بياكلو هنا عيش
اتمنى اكون افدتك .. لو عندك سؤال لا تردد .. انا تحت امرك و لفيت كتير قبل ما اشتري فعندي خلفية جيدة عن الموضوع
بالتوفيق
"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"
المفضلات