الموضوع: للاهميه مشكله فى سكودا a7 موديل 2014

خير ان شاء الله - اعتقد ان التوكيل محترم و هيجبلك حقك بس المهم تقفش عليهم لأن السيارة زيرو
و اشكرك لأنى كنت بفكر فى السكودا بس كده القصة خلصت و سأتجه لليابانى بأذن الله

[QUOTE=master-007;3875742158]احييييه ... الشركه دى معدش ليها سوق خلاص بعد ظهور العيب تانى فى a7[/Q
والله عندك حق ههههههههههههههههههههه

والله للاسف التوكيلات ده الواحد مننا بيخدش ولا حق ولا باطل
وشكرا لكم جميعا على مشاركتكم هذا الموضوع
واتمنى من الاعضاء ان من ليديه حل لكي نأخذ حقنا من هذه الشركه بطرق قانونيه او غير قانونيه
ابلاغي بهذا الحل
وشكرا لكم جميعا

المشاركة الأصلية كتبت بواسطة Mohamedjetta

يا باشا برضو الاخوه وانا واحد منهم اللي بتقول ان المشاكل معظمها اتحلت عشان شايفين تجارب قدمنا ومفيش مشاكل
منهم عربيتنا جيتا 2011 فتيس dsg عداد 109 الف وعلي فكره لو حصل حاجه في الفتيس عندنا انا اول واحد هولع في فولكس :D
احب اقول لصاحب الموضوع ربنا يعين ابن خالتك و يخربيت الفتيس ده اللي مع ناس كويس ومع ناس بيقلب عليهم ... ربنا يستر......... لازم ابن خالتك يطلب سياره بديله

اوع تكون حضرتك خدت الموضوع بشكل شخصي كده انا ممكن اتضايق جدا من نفسي حضرتك على المستوى الشخصي من الناس المحترمه و المهذبه جدا و دي مش مجامله
احنا هنا بنناقش بشكل موضوعي بمعنى لما اجي اناقش مشكله معينه اسيب انطباعي و احساسي على جنب و القي نظره من فوق على الموضوع كلية

مبدئيا الفتيس يعتبر اختراع رهيب و ده على المستوى النظري و انا شخصيا مقتنع انه ممكن يمشي نص مليون كيلو بدون اي مشكله بس تحت ظروف معينه طرق شبه طوالي يعني ده لو كان نزل مصر من ٢٠ سنه مثلا كان الحال هيكون عكس الحالي تماما
انا هشرح لحضرتك الفكره اللي بتخليه ليه يبوظ بسرعه
السر في موضوع ال ٢ كلاتش لو حضرتك بتتسارع و الطريق مش لازم يكون فاضي هنقول ماشي هنا الفتيس هيتعامل بسهوله و نعومه شديده لانه جايب نقله و محضر للنقله اللي بعديها بالاسطوانه التانيه stand by مفيش مشكله لحد هنا و مش هتحس بالنقلات و العربيه عزمها شديد لانه فتيس مانيوال و لغاية هنا كلام جميل ولا جنس بني ادم يقدر يعترض
نييجي بقى للزحمه هنفترض انك ماشي على سرعة ٣٠ و العربيه واخده تالت بالاسطوانه الاولى و طبعا الاسطوانه التانيه محضره رابع على اساس انهم عاملين حسابهم على موضوع التسارع فقط هنفترض ان اللي قدامك وقف هنا و انت بتشيل رجلك من البنزين الاسطوانه نمره ٢ في جزء من الثانيه بتكون جابتلك الرابع و اول ما بتدوس فرامل نفس الاسطوانه بتنزل من الرابع للتاني و ده اللي بيلخبط الفتيس و يسبب الرجه عشان مفيش اسطوانه محضره للنقله الاقل دايما الاسطوانه اللي مش شغاله بتروح للنقله الاعلى و ده اللي بيجيب اجل الفتيس و طبعا تفاديا للموضوع ده الناس ابتدت تسوقها مانيوال عشان ما تاخدش النقله الاعلى و ترجع تاني نقلتين كاملين
طبعا مع الزحمه الشديده بيحصل تاءكل سريع لطقم الدبرياج و تلقى العربيه ابتدت ترعش في الطلعه الى اخره
نشوف بقى هل الحل ده عملي ولا لاء انا في رائيي انه حل وسط يعني بياءجل حدوث المشكله مش بيمنعها وده يبان من العدد اللي وصل للتوكيل اللي هوا ٩ عربيات و بعدين هل ده على مستوى مصر كلها ولا مستوى فرع الغردقه فقط ؟
هنقول انه على مستوى مصر هقول لحضرتك على معلومه صغيره قدام كل عربيه جابت فتيس اعمل حسابك مش اقل من ١٠ عربيات فيهم رعشه و دردره و رجه و سايبنهم على كده عشان لما بيتحطوا على الجهاز مفيش حاجه بتبان لسبب بسيط ان المشاكل بتبان لما الفتيس بيبقى ماشي و بيسخن مش و العربيه واقفه و خلي بالك احنا بنتكلم على عربيه نزلت الفتيس في الشكل الجديد حوالي ٣ اشهر فقط
ربنا يبارك لكل الناس في عربياتها و يمنع عنهم المشاكل عشان انا فعلا مجرب حرقة الدم دي و انشاءالله الفتيس يقعدمع حضرتك لمليون كيلو و خصوصا ان الطرق عندكم ارحم من مصر بكتير
تحياتي

أنا شايف إن المشكلة الكبيرة مش في الفتيس المشكله في الثلاث شهور إللي حيستناهم ، ودي مايتسكتش عليها أبدا ولازم العربية تتصلح فورا ياإما يدوله عربية بديلة لحد أما عربيته تخلص

والصراحة ياجماعة أنا عن نفسي مستعد أجيب tsi بمتورها الجبار وإن شاء الله أصلح الفتيس كل يوم ولا إني أركب ال ١٦٠٠ بمتورها التعبان ، سحب زبالة الزبالة إذا ماقورنت بال tsi وواستهلاك بنزين زيادة مرة ونص ،
أنا بعد أما جربت ودقت طعم ال tsi 140 hp ( وتجربة طبعا عمري ماحنساها)شايف إن ٩٠٪ من متعة العربية في متورها مش بس فخامتها يعني مش معقول أبقى دافع ربع مليون في العربية وتيجي فيرنا تقطعني فين فخامة ونضافة العربية ساعتها !!! ده غير طبعا عفشتها التورشن بيم ، يعني لاثبات يليق بسعرها ولا حتى المتور

وال dsg نازل بقاله ١٠ سنين دلوقتي وأكيد قربوا أوي إنهم يشوفوله حل مسألة وقت ليس إلا