اى سؤال او مشكله بخصوص بريليانس انا فى الخدمه

**bugatti.beah** · 13-09-2014 01:30 AM

بالنسبه لعلبه الدركسيون لما بتتغير بتركب علبه معدله غير الموجوده فى الاول والمساعديين كذلك اما بالنسبه للمؤشر دى حاجه طبيعيه فى العربيه دى

**mosho1985** · 13-09-2014 01:36 AM

سلام عليكم.........معروض عليا fsv اوتوماتيك موديل 2011 ماشيه 40000 كيلو متر ومطلوب 65000 ...اولا كنت محتاج اعرف راي حضرتك فى fsv مالها وماعليها ....وثانيا هل سعرها ده كويس....واخير افضل مكان اكشف فيه على العربيه ....وشكرا لحضرتك واعتذر للاطاله

**bugatti.beah** · 13-09-2014 01:36 AM

ببساطه ان جوه مفتاح العربيه فى ترانسبوندر زى ما بيقولو فحمايه بيبقى عليها كود بيبعت اشاره للكويل اللى هو راكب على الكونتك والكويل ده بيبعت اشاره لل bcm وده كنترول السنتر والكنترول ده بيبعت اشاره لكنترول المحرك علشان يبعت امر الدواره ومن غير الترانسبوندر ده مستحيل تشغيل العربيه وممكن حضرتك تجرب وتشيل الترانسبوندر من جوه المفتاح وهتلاقى لا حياه لمن تنادى والترانسبوندر ده بيتكود بجهاز الشركه عن طريق كود خاص ويارب اكون قدرت اوصل الفكره وانا تحت امرك

**TylerDurden** · 13-09-2014 01:57 AM

شكرا لحضرتك جزيلا واسف علي السؤال ده بس انا لسا جديد..
وانا كده نويت ان شاء الله كاول عربيه ليا brilliance frv cross واتمني تكون العربيه اعتماديه واعطالها قليله... وشكرا جزيلا لسعة صدرك وجوابك :) يعني كده ان شاء الله الحراميه مش هيعرفوا يعملوا حاجه معاها الا بالونش :D

**mosho1985** · 13-09-2014 02:26 AM

سلام عليكم bugatti.beah .........معروض عليا fsv اوتوماتيك موديل 2011 ماشيه 40000 كيلو متر ومطلوب 65000 ...اولا كنت محتاج اعرف راي حضرتك فى fsv مالها وماعليها ....وثانيا هل سعرها ده كويس....واخير افضل مكان اكشف فيه على العربيه ....وشكرا لحضرتك واعتذر للاطاله

**bugatti.beah** · 13-09-2014 07:13 PM

ال fsv فى الفتره الاخيره ابتدى يظهر فيها مشكله فى ال abs بالنسبه للعربيه اللى حضرتك بتقول عليها هى كده خرجت ضمان كهربا وطبعاً لو فى صوت فى العلبه دى كده على حسابك مشاكلها قليله زى علبه او كاست مجموعه زراير زجاج وكده حاجات بسيطه وخصوصاً الاوتوماتك بالنسبه لسعرها ممكن تبقى اقل ب 3 الاف افضل مكان هو الوكيل ب 300 جنيه تقرير حاله ميكانيكا وكهربا وسمكره ليه الوكيل لان فى شويه حاجات كده بالجهاز بيتكشف عليها مهمه جداً فى قرار الشرا وتحت امرك فى اى سؤال

**mosho1985** · 13-09-2014 07:45 PM

المشاركة الأصلية كتبت بواسطة bugatti.beah

ال fsv فى الفتره الاخيره ابتدى يظهر فيها مشكله فى ال abs بالنسبه للعربيه اللى حضرتك بتقول عليها هى كده خرجت ضمان كهربا وطبعاً لو فى صوت فى العلبه دى كده على حسابك مشاكلها قليله زى علبه او كاست مجموعه زراير زجاج وكده حاجات بسيطه وخصوصاً الاوتوماتك بالنسبه لسعرها ممكن تبقى اقل ب 3 الاف افضل مكان هو الوكيل ب 300 جنيه تقرير حاله ميكانيكا وكهربا وسمكره ليه الوكيل لان فى شويه حاجات كده بالجهاز بيتكشف عليها مهمه جداً فى قرار الشرا وتحت امرك فى اى سؤال

اانا لشكر حضرتك لاهتمامك بالرد وعندى استفسار عن تكلفة اصلاح المشكله اللى حضرتك قولت عليها بجانب ان صاحب العربيه نفسه قالى انها عايزه حساس شكمان طنمبوره خلفى

**YahiaAshraf** · 13-09-2014 07:52 PM

المشاركة الأصلية كتبت بواسطة bugatti.beah

وللعلم هى موتور ميتسوبيشى مايفك بس صناعه صينى

اختلف مع حضرتك يا فندم اثناء عمل صيانة ال 2000 كم الراجل اكد لى ان المحرك هو نفس بتاع ميتسوبيشى لانسر شارك الأوريجينال مش تكنولوجيا ميتسوبيشى والكلام ده مؤكد من كذا واحد

**YahiaAshraf** · 13-09-2014 07:54 PM

المشاركة الأصلية كتبت بواسطة khaledelshafie

اهلا بيك يا فندم انا نفسى اشترى عربية عالية شوية وبصراحة القاشقاى والسبورتاج والسوبارو اسعارهم جامدة اوى ولما دورت عرفت العربية بريايانس v5 وقريت كل المواضيع عنها في المنتدى وعاجبانى جدا بس خايف من تجربة الصينى علما انى كنت راكب لانسر بومة سبورت وراحت منى في حادث شديد وبعتها خردة فانا حاليا بفاضل بين لانسر شارك تانى فئة او ال v5 او ازود شوية واجيب كيا سول ....حضرتك تنصحنى بايه ؟؟؟علما ان العربية هتكون للمدام والاولاد لانى حارج مصر حاليا

العربية معانا وما شاء الله عليها ويرجى العلم ان كان معانا قبليها فولكس فاجن سوران 2009

وهتنسى اساسا انك راكب عربية صينى اركب العربية بنفسك وشوف