الموضوع: بفكر فى سيفيك 2014

المشاركة الأصلية كتبت بواسطة cosmicone

انا كان معايا سيفيك 2007 و حالياً معايا a7 تربو

هقول رأى بكل حياديه ان شاء الله و مش عارف فى حاجه اتغيرت اوى فى السفيك 2014 ولا لا

1-الشكل الخارجى انا شايف الأكتافيا احلى و ارقى و السيفيك رياضيه اكتر بس دى ازواق عموماً

2-المحرك السيفيك كان حلو اوى ما شاء الله و مجربتش ال1600 بتاع الأسكودا بس اظن بتاع السفيك هيكون اقوى

3-الخامات الأسكودا بفرق شاسع عن السفيك ال2014 البلاستيك كلها و بفرق كويس عن ال2007 الى كانت فيها سوفت بلاستيك (جلد) فى حتت كتير

4-العفشه الأسكودا احسن شويه فى الهبد فى المطبات عن السيفيك بس فيها صوت خبطات ساعات من ورا شبه الصوت الى كان قدام يمين فى السيفيك ال2007 من علبة الدركسيون بس سمعت ان سكودا بتغير المساعدين حالياً فى التوكيل لتفادى العيب ده

5-الثبات السيفيك 2007 تكسب بمراحل فى الغرز و الرياح الجانبيه الشديده و التنطيط على الأرض الى مش مستويه و الأكتافيا تكسب بمراحل فى عدم احساس السرعه خالص

6-التزييق و التقفيل مع ان الأكتفيا فيها بعد الأصوات الخفيفه داخلياً فى الحر الشديد بس لكن اصواتها اقل و مكتومه اوى عن السيفيك

7-صوت العجل على الأرض فى السفيك كان فظيع و فى الأكتافيا واطى جداً

8-الوسع فى الكنبه و الشنطه الأكتافيا اوسع بمراحل فى كل حاجه

9-العلو الأكتافيا اعلى جداً و الى فى مصر نازله بحاجه اسمها extra high pack لو rough road package ده معليها اوى عن الأرض و ده الى مأثر شويه مع التنطيط و الرياح الجانبيه مقارنه بالهوندا

10-الinfotament system بتاع الأسكودا يدبح بتاع الهوندا تماماً مع انى مجربتش ال i-mid للأمانه بس عوماً دايماً الأوربى اقوى فى الأوبشنز و انظمة المعلومات

11-تكييف الa7 افوى من السيفيك معرفش ازاى :) بس الفلتر بتاع التكييف بيعمل ريحه بسرعه كا 11 الف كيلو كده عكس الهوندا مكنش ليه ريحه خالص.

مساء الجمال
كلام جميل بس انت وانت بتقارن السيفيك جايب عيوب الشكل السابق اللي كان معاك بالاضافه لعيوب الشكل الحالي فالمفروض المقارنه تكون للشكل الحالي
يعني مثلا ازاي الاوكتافيا اعلى جدا من السيفيك ٢٠١٤ اللي تعتبر حاليا من اعلى العربيات في مصر
وبرضه ازاي تكييف الاوكتافيا اقوي ده انا عشان كان عندي التكييف الرقمي كنت بظبطه على ٢٧ و كان بيخليني اتلج
وبرضه حتة صوت الكاوتش كانت فعلا تحس ان ورشه شغاله بس ده كان في الجيل التامن عشان العربيه واطيه بعكس الجيل الحالي
من الاخر اللي يحب يركب عربيه فخمه و ملوش في الجري غير في السفر يجيب الاوكتافيا
اللي يحب ان العربيه تكون متجاوبه معاه و ادائها رشيق مع ثبات معقول واعتماديه عاليه جدا وارخص عربيه في العالم بالنسبه لمصاريف الصيانه بالنسبه للمستهلكات يجيب السيفيك

المشاركة الأصلية كتبت بواسطة cosmicone

بص يا ريس

انا كنت بحاول انقل الى انا عارفه عن العربيه من استعمالى للجيل التامن

الجيل الجديد كل الى ممكن اجزم بيه الخامات لكن طبعاً لا اعرف العزل و لا كده اخباره ايه

العلو بتاع العربيه ممكن تجيبلى السيفيك الجديده كام ارتفاعها بعد اذنك؟

انا اظن ارتفاع ارتفاع الأكتافيا الى فى مصر و هيا نازله بالأكسترا هايت باك 155mm

التكييف ده من استخدامى انا الشخصى فى الجيل التامن و كان عادى مش تاتش و حالياً فى الأكتافا عادى بردوا مش تاتش بس الفتحات الخلفيه بتفرق جامد اوى فى تسقيع العربيه كلها

الجرى دى انا معايا التربو الحمد لله ;) لكن فاهم قصدك للى بيشترى ال1600 :)

شنطة الأكتافيا اظن 580 او 590 لتر معلوماتى ان السفيك كانت 430لتر

توكيل هوندا احسن بكتير من ارتوك اوتو مفيش كلام

السيفيك الجديده ١٦٠ مم يعني اعلى من الاوكتافيا و نازله بال vsa كتحهيز اساسي من اول فئه اللي هوا esp