يا ريت الافاده بالادله المقنعه علشان انا مقدم علي الشراء وفي حيره شديده
مشكوريييييين.
يا ريت الافاده بالادله المقنعه علشان انا مقدم علي الشراء وفي حيره شديده
مشكوريييييين.
حضرتك مفيش وجه اساسا للمقارنه إن شاء الله الكورولا تكون هاي سوبر لوكس لاين
يا عم حرام عليك انت بتقارن فئتين مختلفين تماما و ماينفعش الكورولا و لا حتي الأوكتافيا تدخل في مقارنة مع الوحش الفرنسي ده ... البيجو تتفوق في كل حاجة ماعدا الأوتو بارك و أعتقد إنك مش هتحتاجه في البيجو عشان كدة كدة معاك حساسات أمامية و خلفية و كاميرا
طبعا ال 508 فئة اعلى ,,
أعتقد ان الكامرى هى المنافس الاقرب من تويوتا لل 508 لكن لان موتورها سعته كبيرة
فا سعرها بقى معدى اوى و عليه فا احنا ف مصر ممكن نقارن اى عربية بالتانية ساعت الشرا
لاننا بنقسم العربيات بفئات سعرية ,, لكن انت ماقولتش احتياجاتك ايه من العربية ؟
احترم كلامكم جميعا وفعلا المقارنه غير متكافئه
ولكن الموضوع اني عايز اشتري عربيه للاسره فردين واربع اطفال صغيرين
هتبقي العربيه الوحيده... مفيش عربيه تانيه
هتستخدم في المشاوير اليوميه + سفر 120ك كل اسبوع او اسبوعيين
انا بحب العربيه الي التسارع بتاعها حلو بس انا مش بجري علي سرعات عاليه
انا شفت البيجو عجبتني جدا وفعلا اتثبت, ولكن دخلت في نقاشات مع زملائي في الشغل ونصحوني بالكورولا او الهوندا
والبعد عن البيجو للاسباب الاتيه
1- موضوع البنزين 92 مشكوك فيه ويمكن ياثؤ علي الموتور بعد فتره الضمان وساعتها هلبس
2- العربيات اللي فيها تربو يعني صيانه اصعب ومكلفه اكتر
3- سعر اعاده البيع المنخفض
4-هتقعد طول حياتك تحت رحمه التوكيل ومش هتلاقي حد يصلحها بره وكمان مش هتلاقي قطع غيار الا في التوكيل وممكن ما تلقيش بعض قطع الغيار وتستني بقي
5- اعتماديه اقل وتكلفه صيانات وتشغيل اعلي
6- مش بتاعه بهدله وطرق مكسره ومطبات وكده
7-مفيهاش اكصدامات بارزه
8- من الاخر هتروقك
عكس كل الكلام ده في الكورولا..... علشان كده انا في حيره شديده
تحياتي..
لو بتفكر فى عربية يبقى ال 508
لو بتفكر فى كلام الناس والسوق يبقى الكورولا
بص حضرتك هسئلك سؤال هوا حد من زمايل الشغل معاه ال ٥٠٨ بلاش دي
حد معاه عربيه تربو ؟
التربو سيدي الفاضل نزل في العربيات من اول ٢٠٠٩ و انا فعلا كان معايا باسات Tsi في يناير ٢٠٠٩ يعني التربو داخل على ٦ سنين و شغال بكفاءه تامه و المشاكل اللي ظهرت بسبب الفتيس مش بسبب التربو و لما غيرت لعربيه من غير تربو بعدها عرفت قيمته
حتة بنزين ٩٢ عندك حق شويه بس مش كل العربيات و فيه عربيات بتسقف بسببه اما ال ٥٠٨ التجربه خير دليل انا ببقى على مطالع بتاعة جراج عمرو مكرم و العربيه ممكن تكون جايبه غيار عالي و بكبس عشان المطلع العربيه بتطلع بسهوله من غير ما تسقف و كل ما ابقى مقرر احط تفويله ٩٥ من باب التجربه ليس الا ارجع في كلامي عشان حاسس ان الموضوع مش جوهري
بخصوص بقى الاعتماديه و الزحمه و الطرق المكسره انا من ساعة ما جبت ال ٥٠٨ مش عايز اسوق السيفيك و العربيه ما بتتحركش نهائي رغم اني كنت متوقع اني هستعملها بجانب البيجو عشان مش وش بهدله بس البيجو اثبتت نفسها رغم ان مشاوري اليومي عباره عن شئ من العذاب و برجع من صلاح سالم لغاية المطار في عز الذروه
اما موضوع الاكصطدمات انا شخصيا اتعرضت لموقف ان واحد بكورولا كان غرز في حته رمل و حب يزق العربيه باكصطدامه في اكصطدامي الخلفي من الجنب لدرجة ان اكصطدامه اتعجن بالكامل و وفعلا حصل المحظور و وصل للشنطه و قلبي وقع في رجلي اول ما اتحركت بالعربيه اكصطدامي رجع لوضعه بالمللي و الشنطه و الاكصطدام مفيش فيهم خربوش
من الاخر حضرتك لو اترددت يبقى مبروك عليك الكورولا هيا صفقه معقوله و عربية مدينه و اعتماديه من الطراز الاول
بالنسبه لسؤال حضرتك انا هجاوبك
في اتنين من زمايلي معاهم 508 واحده 2012 والثانيه 2015
ال 2012 عامله 50000ك و2015 عامله 15000ك
2012 صاحبه قالي من ساعه ما جبتها بحط 95 لحد مره ما لقتش 95 خالص اضطرييت احط 92 نورت لمبة check engine بس العربيه مشيت وراح التوكيل اتهرب من الاجابه ومرضاش يقول ايه السبب بس بعد التفويله ما خلصت وحط 95 تاني اللمبه طفت ورجعت طبيعيه
2015 بيحط 92 علي كلامه مفيش اي مشاكل بس السحب ب 95 احسن كتيير
واحد تاني معاه volovo s60 1.6 terbo بيحط من ساعه ما جاب العربيه 92 زي التوكيل ما قال بعد 3 سنين فجاه check engine والعربيه وقفت خاالص... بعد ما راح التوكيل قالوا الموتور باظ ومحتاج يتغير وغيروه في الضمان بس ما رضيوش يقولوا ايه السبب.... ف الله اعلم السبب البنزين ولا حاجه تاني
انا عارف ان بيجو عدلت من اول موديل 2013 علشان بنزين 92 بس اللي مش مؤكد اذا كان له تاثير ممكن يظهر بعدين بعد فتره الضمان وساعتها هغني ظلمووه
وبعدين من الواقع ان كل العربيات اللي فيها terbo المفروض بتزين 95-98 حتي البيجو 2015 مكتوب علي التنك كده واقرب مثال الاوبل انسنيجيا......
تحيااااتي..
طب ما كلامك بيقول ان التربو في حد ذاته مش مشكله
و بالنسبه لصاحبك اللي معاه ٢٠١٢ هل لغاية النهارده بيستعمل 95 المفروض انه ينزل السوفت وير و خلاص عشان الموتور بالفتيس كهاردوير هوا هوا بتاع ٢٠١٥
و حتة انه وصل لل ٥٠ الف دي حاجه مشجعه مبدئيا ربنا يطمنك
نييجي بقى ان العربيه ماشيه بال ٩٢ بس الاداء اقوى بال ٩٥ كلام مظبوط ولو اني لسه مجربتش بس متوقع النتيجه
الاداء بال ٩٢ يعتبر قوي جدا الفكره ان بال ٩٢ العربيه ١٥٦ حصان و بال ٩٥ بتوصل لل ١٦٣ بعد تعديل السوفت وير و التسارع بال ٩٢ ملوش حل يحسسك ان العربيه مستعده للانطلاق من اقل لمسه لدرجة لو فيه عربيه على الشمال بتشد و قدامي عربيه بطيئه يمين و انا ببقى جاي لسه من وراهم بعمل الغرزه بسهوله
طيب بغض النظر عن موضوع البنزين ده..
هو فعلا العربيه دي تكلفه تشغيلها هتبقي اعلي operation cost مقارنه بالكورولا
صيانات قطع غيار ... قطع غيار معمره او لا مقارنه بالكورولا...
من الاخر عايز اعرف اذا هتكون في متناول امكانياتي ولا لا
وطبعا الكلام اني هفضل طول عمري مع التوكيل كصيانه وقطع غيار صحيح جدا لاتي ماعتقدش هتلاقي قطع غيارها بره
تحياتي....
اختياري هيكون بيجو 508 بدون تفكير لو معايا 250 الف بس خد بالك في فيس ليفت نازل قريب جدا و بالمناسبة دي فئة تانية خالص مع الانسيجنيا و الباسات و السكودا سوبيرب و الكامري و الفورد مونديو كلهم d-segment اما الكورولا فهي c-Segment زي الاسترا و ال A7 و الفوكاس.
لكن لو بتدور علي ال running cost كصيانة و قطع غيار يبقي كورولا
كلام مظبوط وشكلها كده الفيس ليفت ده هيغير سعرها خالص فشكلها هتنط وهتبقي خارج االميزانيه
هو انا سالت التوكيل وزميلي اللي معاه واحده فقالي ان صياتتها مش اوفر
يعني 10000 حوالي 1000 جنيه وال 50000 حوالي 3300 جنيه ودي تعتبر اغلي صيانه
قطع الغيار برده معقوله تيل 600 كبوت 3500 فانوس 1300 فلاتر رخيصة يعني 65 170 55 بوجيهات 75 سير 170 كده يعني
بس رغم كل ده نش عارف الناس مخوفاني منها ليه...
يا ريت اللي ركب ياباني وفرنساوي او عنده خبره يفدني اكتر
مشدكورييين
ربنا يوفقك للاختيار السليم بس أكيد البيجو هتكون احسن فى كل حاجة
سؤال لو تسمح هى ال 508 اول فئة ايه كماليتها وتنقص ايه عن الهاى لاين
كما ليأت اول فئه فيها abs & asr& ESP و مساعد مرتفعات وسنسور بارك و مود سيورت وليدات ومرايه صالون تعتيم و تكيف خلفي و مداخل usb , تحكم طاره و بلوتوث و مثبت سرعه ومحدد سرعه ومرايات ضم ومساعد فقرات قطنيه كهرباء في كرسي السائق و درج مبرد في التابلوه ومخدع وسط خلفي
علي فكره في بعض الموزعين بيقولوا ان احتمال كبير ان الدفعه القادمه تبقي الشكل الجديد او علي اول يناير
البيجو طبعا والفرق كبير
لكن من كلام حضرتك شكلك قلقان
يبقي اختار الوسط واركب كورولا عربية تنفع للسوق
الصراحه الهوندا في موضوع ال running coast خصوصا لو كانت زيرو ملهاش حل ولا الكوري في زمانه بعكس الفكره السائده تماااااما
كل اللي صرفته عليها في ٦٠ الف كم بخلاف الزيت و الفلتر ١٤٠٠ جنيه فقط لاغير قيمة تيل ورا و قدام و فلتر هوا
البيجو لسه مش عارف فمش هفتي
بس عايز اقولك من ساعة ما جبت البيجو مركبتش السيفيك نهائي و لا حتى مشوار من باب اني اسخنها و بخليهم في البيت يدوروها كل كام يوم
ممكن حضرتك تفكر فى السيراتو
بصمه للأربع ابواب - ستارت انجن - غلق الزجاج ببصمه اليد من اي باب - ستائر خلفيه وجانبيه - فرامل يد كهرباء - جنط 17 - زينون متحرك - فوجات مضيئه مع التقاطعات - تكيف رباعي التحكم للركاب الأماميه والخلفية - كرسي كهرباء للسائق ( مش فاكر للراكب كمان ولا لأ ) - فرش جلد
دا ئل انا متأكد منه وفاكرة.
بس خلاص في شكل جديد علي شهر يناير بالكتير ان منلش علي شهر 11 القادم - فلو تم الأستقرار علي البيجو يمكن حجز الشكل الجديد من التوكيل خلاص
تحياتي
ريح دماغك كورولا
لو ملكش في حتة متعة السواقه و بعتبر العربيه وسيله انتقال من مكان لمكان و عايز اعتماديه عاليه يبقى كورولا و ده مش تقليل على فكره للعربيه بالعكس
لو بتحب الفخامه و القوه و البرسيتيج و عايز تبقى دايما حاسس انك راكب عربيه بجد يبقى بيجو ٥٠٨ او اي حاجه في نفس الفئه عشان مبقاش متحيز
والموضوع ملوش دعوه بكمية الكماليات والا السيراتو الهايلاين تبقى احلى من ال c180 الجديده
لو ملكش في حتة متعة السواقه و بعتبر العربيه وسيله انتقال من مكان لمكان و عايز اعتماديه عاليه يبقى كورولا و ده مش تقليل على فكره للعربيه بالعكس
لو بتحب الفخامه و القوه و البرسيتيج و عايز تبقى دايما حاسس انك راكب عربيه بجد يبقى بيجو ٥٠٨ او اي حاجه في نفس الفئه عشان مبقاش متحيز
والموضوع ملوش دعوه بكمية الكماليات والا السيراتو الهايلاين تبقى احلى من ال c180 الجديده
الاستاذ هاني رد على حضرتك .. انا مش قصدي ال508 وحشه بس الفكره ان صاحب الموضوع محتار . انا لو مقلق من اي عربيه فى اي حاجه مبحاولش اقنع نفسي بيها .. والكورولا اعتماديه جداااا .. البيجو هتنزل شويه فى اعاده البيع .. على العموم استخير وربنا يكرمك
سيدي الفاضل
بعد النقاط دي كللها
شوف عربيه في رينج ال 100 الف ووفر فلوسك
الكورولا عربيه ممتازه, وده مافيهوش نقاش
بس كسواقه وكده, مافيهاش اي جديد وبما ان الاسعار عندنا في السما
سعرها داخل على الربع مليون
فاذا كنت فعلا مش واخد العربيه الا وسيلة مواصلات صدقني وفر فلوسك احسن
اسمحلي اقولك حاجه
اركب البيجو انت مش كل يوم بتجيب عربية بالابهة و الفخامة دي
دي عربية من ضمن عربيات اللي تركبها و تحس انك دفعت ربع مليون جنيه
لكن الكورولا دي و الكوري مازلت بقول اخرها ١٦٠ الف جنيه و استغلاها
انا جبت مرة الانترا ٢٠١٢ ب ١٣٠ الف و مستغليها قولت جنب المرسيدس و بعتها بعد ست شهور مش عربيه مع كامل احترامي لملاكها و جبت سيفيك اللي برقبة اي كوري و تويوتا
عاوز تقضي يومك و مشاويرك هات اي حاجه كله زي بعضه
ولا راكب ركيب و مزاجك عالي هات حاجه تبسطك
اسأل نفسك و قرر انت ادرى الناس بنفسك
مش عارف اعلق اقول ايه.....بصراحه كل الاخوه هنا مشكورين قالو كل حاجه ممكن تتقال
بصراحه لو حضرتك بتفكر فى ركوبة عربيه بمعني الكلمه وفخامه....... تكون 508 وانت مغمض
لو بتفكر فى حاجه مشهوره اكتر واعادة بيع ....... تكون كورولا
لو بتفكر فى حاجه تنقلك واسرتك من مكان لمكان باقل استهلاك واعادة بيع كويسه ......شوف حاجه مستعمله حالة جيده
فى امان الله
الكورولا تكسب ؟ من كل النواحى انا معايا بيجو 508 خليجى وبفكر اقلبها وارجع لكوكو حبيبتى ياراجل بلامنظرة كدابه الكوكو سيارة اعتماديه ولو بتفكر فى اعاده البيع مش هاتشترى اى سيارة طول عمرك والامر لله ثم لك
ده كان راءي chef في مداخله قبل كده
هههههههههههههه بعد البيجو 508 مافيش عربيه ولو بجد فارس وتمام انصحك تاخد الهاى لاين جامده جدااااااااااااااا اما الستروين والبى ام والباسات والخ الخ ؟ اركن على جنب ؟ الفئه الخامسه من الاسد الفرنسى وبخ على كده ؟ دى نصيحتى والامر لله من قبل ومن بعد
و ادي الموضوع كاملا
http://www.nilemotors.net/Nile/337234-508-4.html
ايدك على ١٠٠ جنيه