الموضوع: تجربة شراء و قيادة byd l3 2015 الجديدة - تقييم l3

ألف مبروك ... ربنا يكفيك شرها
نستأذن حضرتك تقول لنا ... (أسف مقدما على الاطالة)
- هل الكنبة الخلفية بتتفرد و لا لأ؟
-هل احساسك بخامات و جودة الخامات فىى العربية انها صينى و على أد فلوسها و لا انت حاسس ان فلوسك اتصرفت في حاجة تفرحك؟
-هل الكماليات الكتيرة الموجودة في العربية زى فتحة السقف مثلا ... موتورها له صوت عالى أو زنة بزيادة و لا ناعم و تمام؟
-صوت العربية عالى؟ .... هل الموتور ناعم مثلا لدرجة انك أوقات مش عارف العربية دايرة و لا لأ ... أم انك حاسس دايما بهزة و العربية دايرة و واقفة؟
-أخبار الشاشة و الكاميرا ايه (الوضوح ... الحساسية ... حاجة تفرح كدة يا باشا و لا ايه؟)

شكرا مقدما على الرد

مليون مبروك وربنا يديك خيرها و يكفيك شرها

المشاركة الأصلية كتبت بواسطة ابو ياسمين

ولكن L3 تتميز بأن انظمة الفرامل فيها من صنع شركة بوش العالمية

والفقرة التالية من صفحة السيارة على الموقع الرسمى للشركة الأم

مع ملاحظة ان new F3 فى بلادها هى نفسها L3 فى مصر

BOSCH ABS+EBD - BOSCH ABS

Anti-lock Brake System (ABS) :New F3 ABS uses four channels and four sensors enabling all wheels to be controlled independently.

Electronic Brake Force Distribution (EBD) : EBD automatically increases the rear braking force to reduce stopping distances regardless of load and road conditions.

شيء هايل جداً بس الخوف من مشكلة انتهاء تيل الفرامل في وقت قصير وتغيير الطنابير بعد 20.000كم كما حدث مع بعض الزملاء ملاك بيجو 301 حيث يوجد بها نفس أنظمة الفرامل من Bosch

لكن كأداء ما شاء الله تبارك الله تسوق وانت مطمن .

* أشكرك على اهتمامك بشرح كافة تفاصيل BYD , جزاك الله خيراً .

المشاركة الأصلية كتبت بواسطة m2rizk

ألف مبروك ... ربنا يكفيك شرها
نستأذن حضرتك تقول لنا ... (أسف مقدما على الاطالة)
- هل الكنبة الخلفية بتتفرد و لا لأ؟
-هل احساسك بخامات و جودة الخامات فىى العربية انها صينى و على أد فلوسها و لا انت حاسس ان فلوسك اتصرفت في حاجة تفرحك؟
-هل الكماليات الكتيرة الموجودة في العربية زى فتحة السقف مثلا ... موتورها له صوت عالى أو زنة بزيادة و لا ناعم و تمام؟
-صوت العربية عالى؟ .... هل الموتور ناعم مثلا لدرجة انك أوقات مش عارف العربية دايرة و لا لأ ... أم انك حاسس دايما بهزة و العربية دايرة و واقفة؟
-أخبار الشاشة و الكاميرا ايه (الوضوح ... الحساسية ... حاجة تفرح كدة يا باشا و لا ايه؟)

شكرا مقدما على الرد

ربنا يبارك في حضرتك و شكرا لذوقك.
- الكنبة الخلفية بصراحة مش عارف و محاولتش اجرب و مش عارف اجرب ازاي.
- الخامات جيدة و مش مسترخصين ، مقارنة بالسيارات في نفس الفئة.
- فتحة السقف صوتها زي اي فتحة سقف تانية ليها صوتها الطبيعي و فتحها و قفلها ناعم و مفيهوش مشاكل.
- فعلا ببقى راكب و ساعات ببقى مش عارف اذا كانت دايرة ولا لأ الا من نور التابلوه.
الشاشة و الوضوح و الحساسية جيدين جدا، بجد حاجة تفرح و كل اللي بيشوف العربية و افرجهاله بينبهر.
نصيحة روح شوف العربية على الطبيعة و اركبها و جرب كل حاجة بنفسك، احسن من مليون كلمة، و انا موجود لو عايز تسأل في اي حاجة.

المشاركة الأصلية كتبت بواسطة ابو ياسمين

أخى العزيز

لا استطيع ان اصف لك سعادتى عندما اشعر بسرورك من السيارة والله قادر ان يسعدك بها دائما ويحفظك ويحفظها من كل سوء

ولكنى لاحظت فى كلامك انك كثيرا ما تفضلها على ايميجراند وانا ايضا مثلك وقد سألك بعض الزملاء عن السبب

وانا مثلهم اسئلك لأعرف هل هى نفس اسبابى ام انها اسباب اخرى لا اعلمها ؟

أنا و الله اللي مش عارف اقول لحضرتك ايه لاني عرفت العربية دي من خلال موضوعاتك هنا على المنتدى.
انا لما بقارنها بالايمجراند فده علشان اولا هما نفس الفئة و نفس السعر و كمان علشان انا كنت و صلت لمرحلة متقدمة في شرائي للايمجراند و كنت هشتريها تقريبا، و ليا مشاركة سابقة هنا في نفس الموضوع ده بوضح في اسبابي:

بالنسبة للسادة الزملاء اللي سألوا عن ايه اللي يميزها عن الايمجراند، و الكلام اللي جاي ده وجهة نظر شخصية قد لا تمثل اي قيمة ... انا كنت ناوي اجيب الايمجراند و نزلت اتفرجت عليها مرتين، و اتفقت مع الراجل اللي في المعرض على كل حاجة و كنت مقتنع بيها و سألت ناس كتير و كنت كل ما بلاقي حد راكبها في الشارع كنت بوقفه و اسأله عليها.
الايمجراند عربية شكلها فخم فعلا و شيك وانا بحبها بس لاقيت جدال كبير حواليها و ناس بتشتكي و ناس لأ و اللي بيشتكوا كل واحد فيهم بشكوى مختلفة عن التاني يعني المشكلة مش في باتش واحد مثلا، لا ده في مشكلة فعلا اكبر من كده، فحسيت انها زي البطيخة و اتقفلت منها و في ناس كانت بتقول انها بتحك في المطبات، و كمان انا لما ركبتها و ركبت ال l3 و شفت التقفيل حسيت ان في فرق و كمان حسيت ان في فرق في الدهان.
ده زائد الاوبشن الزيادة اللي في ال l3 زي ال ( navigator و كاميرا الباركينج و التليفزيون و مفتاح البصمة و الستارت انجين و فتحة السقف)
و زي ما قلت هي اذواق و لولا اختلافها لبارت السلع و ربنا يبارك لأي حد معاه الايمجراند