اللي عمله الميكانيكي ده صح ولا غلط

**the_master848** · 13-09-2014 02:17 PM

تقريبا الرجة الجامدة دى بسبب بنزين 80 على حد علمى

**Abo_Mazen** · 13-09-2014 03:07 PM

المشاركة الأصلية كتبت بواسطة shoshasam

هوه عمل كده فعلا مع الكربراتير زي ما انت وصفت بالظبط
لكن الحرق الجامد ده بتاع الاسبراتير لا ماحصلشي

عشان كده بقى أنا شاكك في ظبتة اﻹسبراتير..شوف ميكانيكي يكون مشهور بظبط اﻹسبراتير حلو وروحله..على فكره في ميكانيكيه مشهورين بإنهم بيضبطوا إسبراتير كويس ..أو بيظبطوا كاربراتير كويس ..شوف حد منهم صيته كويس وروحله

**shoshasam** · 13-09-2014 05:51 PM

المشاركة الأصلية كتبت بواسطة the_master848

تقريبا الرجة الجامدة دى بسبب بنزين 80 على حد علمى

تصدق لو وقلتلك ان الرجه بدات تقل نسبيا من يوم ما بدأت افول بنزين 80

المشاركة الأصلية كتبت بواسطة m_m_sh_a

عشان كده بقى أنا شاكك في ظبتة اﻹسبراتير..شوف ميكانيكي يكون مشهور بظبط اﻹسبراتير حلو وروحله..على فكره في ميكانيكيه مشهورين بإنهم بيضبطوا إسبراتير كويس ..أو بيظبطوا كاربراتير كويس ..شوف حد منهم صيته كويس وروحله

احنا ماعندناش حاجه في المحلة اسمها ميكانيكي كويس او بيفهم
كله شغال هنا بالصيت ولا الغنا
ومعرفشي حد في طنطا او المنصورة برضه لانهم اقرب حاجه ليا

**borio1704** · 13-09-2014 06:54 PM

مع احترامي للجميع... بس العربية معمولة علشان تشتغل ببنزين 90

لما حضرتك تقعد تظبط وتعدل علشان تخليها تشتغل 80 غصب عنها .. ما تفتكرش إنك كده بتوفر

وعمر ما العربية هتديك أداء مظبوط طول ما هي بالوضع ده.

لا يصح إلا الصحيح

...

**Abo_Mazen** · 13-09-2014 07:37 PM

المشاركة الأصلية كتبت بواسطة borio1704

مع احترامي للجميع... بس العربية معمولة علشان تشتغل ببنزين 90

لما حضرتك تقعد تظبط وتعدل علشان تخليها تشتغل 80 غصب عنها .. ما تفتكرش إنك كده بتوفر

وعمر ما العربية هتديك أداء مظبوط طول ما هي بالوضع ده.

لا يصح إلا الصحيح

...

يا سيدي الفاضل ما هو من مميزات العربيه الكاربراتير ..إن فيها إسبراتير .ومن مميزات الإسبراتير الميكانيكي إنك ممكن تقدمه وتأخره على مزاج مزاج مزاجك ..عشان طبعا تضبط الشراره على مقاس البنزين اللي حضرتك مستخدمه صح ..فعشان كده ..هو يحط بنزين 80 أو 90 أو 92 أو أي نوع ..الإسبراتير في إيده يقدم الشراره ويأخرها زي ما هو عايز ..ده غير الإنجيكشن اللي ليه كنترول وفيه إسبراتير ثابت ودلوقتي كمان لغوا الإسبراتير الثابت ده وإتعملت كارته كده على بعضها فيها الإسبراتير والموبينه مع بعض ..المقصود ..إن ما دام الإسبرانير ميكانيكي ..يبقى يقدر يحط البنزين اللي هو عايزه ..ده حتى حكاية إنه يحط بنزين 92 ده أنا شايفه إسراف ..يعني أنا معايا إسبراتير ميكانيكي ..يعني أرجلش الكهربا على مقاس البنزين ..أقوم أحط بنزين بالغالي

**shoshasam** · 13-09-2014 09:01 PM

كلام حضرتك سليم طبعا
بس تقريبا هوه يقصد ان اداء العربيه مش هايبقي مظبوط
زي لو حطيتلها 90 او 92 لانهم بيفوقوا الموتور جدا وده طبعا انا مجربة كتير

المقصد من الموضوع كله حاجتين :
1- ان طلع موضوع الرعشه اللي عندي اللي احتار فيها الميكانيكية
مجرد ظبط هوا + بنزين + كهربا
2- مش عارف ليه العربية بتترج لما اجي ابطلها

**borio1704** · 13-09-2014 10:56 PM

المشاركة الأصلية كتبت بواسطة m_m_sh_a

يا سيدي الفاضل ما هو من مميزات العربيه الكاربراتير ..إن فيها إسبراتير .ومن مميزات الإسبراتير الميكانيكي إنك ممكن تقدمه وتأخره على مزاج مزاج مزاجك ..عشان طبعا تضبط الشراره على مقاس البنزين اللي حضرتك مستخدمه صح ..فعشان كده ..هو يحط بنزين 80 أو 90 أو 92 أو أي نوع ..الإسبراتير في إيده يقدم الشراره ويأخرها زي ما هو عايز ..ده غير الإنجيكشن اللي ليه كنترول وفيه إسبراتير ثابت ودلوقتي كمان لغوا الإسبراتير الثابت ده وإتعملت كارته كده على بعضها فيها الإسبراتير والموبينه مع بعض ..المقصود ..إن ما دام الإسبرانير ميكانيكي ..يبقى يقدر يحط البنزين اللي هو عايزه ..ده حتى حكاية إنه يحط بنزين 92 ده أنا شايفه إسراف ..يعني أنا معايا إسبراتير ميكانيكي ..يعني أرجلش الكهربا على مقاس البنزين ..أقوم أحط بنزين بالغالي

أخي الفاضل m_m_sh_a

أنا بقول لحضرتك الكلام ده بناء على خبرة حوالي 15 سنة سواقة مع تويوتا كريسيدا 82، وكانت كاربيراتير واسبيراتير ميكانيكي و2000 سي سي كمان

ومع ذلك كنت بحط بنزين 90

جربنا بدون شك إننا نحط بنزين 80 ... بس صدقني.. يغور ولا إني أعاني اللي كنت بعانيه معاه تاني.

باختصار... المشاكل اللي جاية من ورا بنزين 80 أكتر بكتير من المبلغ اللي ممكن توفره (لو كنت بتفكر في التوفير)

المشاركة الأصلية كتبت بواسطة shoshasam

كلام حضرتك سليم طبعا
بس تقريبا هوه يقصد ان اداء العربيه مش هايبقي مظبوط
زي لو حطيتلها 90 او 92 لانهم بيفوقوا الموتور جدا وده طبعا انا مجربة كتير

المقصد من الموضوع كله حاجتين :
1- ان طلع موضوع الرعشه اللي عندي اللي احتار فيها الميكانيكية
مجرد ظبط هوا + بنزين + كهربا
2- مش عارف ليه العربية بتترج لما اجي ابطلها

المسألة مش مجرد انخفاض الأداء يا أستاذ shoshasam

مشكلة البنزين الـ80 إنه مش بيستحمل الضغط العالي جوه السلندر، وبالتالي بيشتعل قبل معاده .. وبنسمع الاشتعال ده في صورة الكركرة أو التسقيف.

طيب... تأخير توقيت الإشعال ممكن يقلل من المشكلة... إنما البساتم مش بتبقى مستريحة.. يعني في اللحظة اللي المفروض يحصل فيها الاشتعال ما يبقاش فيه حاجة.. وساعة لما البستم ييجي يبعد يلاقي حاجة بتزقه في توقيت مختلف..

ده غير الحرارة المرتفعة اللي بتتولد نتيجة اختلاف التوقيتات.. وده ممكن (في بعض الحالات المتطرفة) يسيح البساتم... أو على الأقل.. ممكن البساتم تقفع.

ده غير الحمل الحراري الزايد على دورة التبريد... اللي مش بيبان تأثيره في العربيات الجديدة علشان الرادياتير لسه جديد والطرمبة جديدة... إنما في عربية قديمة... توقع مشاكل تانية في التبريد.

مهم جدا تشوف كتالوج العربية وتعرف المفروض تحط بنزين إيه.. وأنا أتوقع إن الكتالوج يكون كاتب أوكتان 87... وفي حالتك دي.. أنسب حل تعمل التالي:

حط بنزين 80 !!!!!!!!!!! بس مع كل تفويلة لازم تحط إضافة البنزين (Octane Booster)

ما تنساش... كل تفويلة

...