الموضوع: متيجوا نستمتع بحساس الأضاءة فى الفلوانس :)

المشاركة الأصلية كتبت بواسطة yasser100

مهما كان فى كل اللى انت قلته من ماركات و هيه فعلا عربيات كفاءه . هاتلاقى لمسات فى الرينو و الفرنساوى عموما مش موجوده فيها . قد تكون لمسات صغيره و لكن مميزه .

مثل بسيط و ليس اجمالا . لمسة الستاير اللى بتنزل فى الرينو لمسه صغيره و لكن كقيمة احساس بالفخامه عاليه و ما بتنزلش تقريبا غير فى المرسيدس .
برضه حاجه بسيطه تانيه انه زجاج الشباك و انت بتقفله لو حد واضع ايده او ساند عليه من غير ما انت تكون واخد بالك بيرد و يرجع تانى .

حاجات بسيطه و لكن مميزه

كلامك مظبوط وانا معايا ميجان ومقدر جدا الفروقات البسيطه ده واد ايه هي مهمه لكن شوف مثلا اد ايه الفرق بين موتور الفوانس والسيفيك i-vtec
ورغم ان الشكل الخارجي للفلوانس يكسب بس الهوندا حلوه جدا من الداخل وخاماتها رائعه
انا مش ميال للكروللا لكن السيفيك جباره

المشاركة الأصلية كتبت بواسطة Hany Saad

حساس الأضاءة لمن لا يعرفه هو أوبشن بيخلى الأضواء تشتغل تبعاً لشدة الأضاءة الخارجية....يعنى فى الصبح و مع الشمس بيفصل الكشافات و لما الدنيا تبقى غروب يقوم يشغل الكشافات لوحده و هكذا و ده بيخليك تنسى من دماغك موضوع الكشافات ده تماماً....يتم تفعيل الأوبشن بأنك تلف دراع النور لأخر تكه اللى مكتوب عليها auto
لاحظ ان الحساس بيتحكم فى النور الصغير و الواطى مع بعض....يعنى بينورهم سوا او بيفصلهم سوا...لكنه لا يتحكم فى العالى و سايبه للقائد يتحكم فيه براحته
الأوبشن ده كان موجود عندى فى الميجان من 2006 و للأمانة مكنتش بستخدمه لأنه كان بيشغل الأنوار بدرى شويه و بعدين كان لازم تبقى طافى العربية علشان تشغله او تطفيه لو معجبكش....المهم مكنش عاجبنى قوى

لما جبت الفلوانس كان طبعاً فيها نفس الأوبشن مع سهولة أكتر فى تشغيله او فصله و ذلك من خلال دراع النور.....أضف إلى هذا أنوار ال drl
بصراحة انا مكنتش مشغل الأوبشنين دول

بعد ما سافرت بره أخر مرة و أجرت عربية هناك و كان فيها الأوبشنين دول بصراحة حسيت جداً اد ايه هما مهمين للأمان و مريحين فى نفس الوقت

المهم لما رجعت هنا و بما ان الشتا قرب يدخل علينا كل سنة و انتوا طيبيين و اسكندرية الدنيا بتغيم فيها كتير....قلت اشغل الخاصيتين دول و استمتع....اللى هما الأضواء النهارية ال led أو drl و كمان حساس الأضاءة

قوم ايه بأه::::::
- و انا فى الجراج الصبح و ادور العربية الاقى النور الصغير و الزينون اشتغلوا
- قوم اطلع بس من الجراج فى النهار الاقى النور الصغير و الزينون فصلوا و ال drl اشتغل ( أضاءة ال led بقت أقوى و الأضاءة الخلفية فصلت)
- قوم ادخل نفق الاقى العكس الأنوار بتولع لوحدها قوم اخرج من النفق الاقيها بتطفى
ايه شغل الفنادق ده؟
حاجة دلع الدلع بصراحة و استمتاع جامد جداً
بشجع الجميع على استخدام هذا الأوبشن الهائل

تحياتى

هانى باشا ممكن حضرتك توضحلنا أيه هى أنوار ال drl وإزاى بتشغلها، وكمان أيه فايدة حساس المطر؟؟

المشاركة الأصلية كتبت بواسطة mfraig

دكتور مصطفى باشا صباح القل
انا وراك وراك لحد مانباركلك غالفلوانس ان شاء الله :10d5c8w1107:
Drl هي اختصار daytime running lights وهي انوار الليد الموجوده في الفوج لايت واللي بتشوفها منوره الصبح في عربيات كتير واحيانا بتكون في الفانوس بس هي في الفلوانس في الفوج لايت

اما حساس المطر فده بيشغل المساحات تلقائي لما ينزل المطر وممكن ظبط حساسيته من دراع المساحات

تحياتي

حبيبى يا دكتور محمد، صباح الفل يا باشا، تسلم يا غالى، والله نفسى تباركولى بس مش مانعنى إلا إنى خارج مصر حالياً، وشغال عد فى الأيام عشان تخلص وأنزل، وأبقى واحد من وحوش الفلوانس، يعنى إحتمال على شهر مارس كده، ربنا يسهل الحال

وتحياتى لحضرتك

نفس الخاصيه نازله فى البيجو 508 بس بتنور متأخر وبتقفل بسرعه عند اول ضوء