الشتا بالنسبة لك ايه؟

**Mohd_Adel_Amin** · 24-10-2008 06:08 PM

والله يا جماعة تخيلو أول مرة ألاقي مشجعين لفصل الشتاء ... أنا كل صحابي بيقولوي انتا مجنون على اللي بعمله في الشتاء وعلى حبي ليه .. خلوني شكيت في نفسي اني مش طبيعي ..

**m000dy** · 24-10-2008 06:16 PM

بتقولى هاتفتقدى ال 15 دقيقه مشى على الكورنيش عشان جبتى العربيه
طب لو معاكى عربيه جديده هاتستمتعى اكتر بتقفيلها وانك تشغلى الكاسيت على اغنيه هاديه انتى بتحبيها وتكونى لوحدك فى العربيه
ودى حاجه الواحد بيفتقدها فى الصيف
الخصوصيه فى العربيه
تسمعى اللى على مزاجك
وتحسى اللى عاوزه تحسيه
وتفكرى بذهن صافى
بس ده باستثناء السفر بالليل
بالنسبه لينا ده عادى وجميل
بالنسبه للبنات على ما اعتقد يعنى انه بيبقى اكتر وقت بتحس فيه انها محتاجه لنصها التانى (ده لو فى يعنى)
باختصار ان دى الحاجه الوحيده اللى بتخلينا لينا قيمه فى الشتا عندكو ههههههههههه
السفر بالليل

**Hassan Khalil** · 24-10-2008 07:06 PM

المشاركة الأصلية كتبت بواسطة m000dy

طب لو معاكى عربيه جديده هاتستمتعى اكتر بتقفيلها
وانك تشغلى الكاسيت على اغنيه هاديه انتى بتحبيها وتكونى لوحدك فى العربيه
الخصوصيه فى العربيه
تسمعى اللى على مزاجك
وتحسى اللى عاوزه تحسيه
وتفكرى بذهن صافى

و هوووووووووووووووب
تلبس في شجرة :k41:

**OlaOsman** · 24-10-2008 07:14 PM

المشاركة الأصلية كتبت بواسطة MTAK

الشتاء من احب الفصول الى قلبى

دفا و عفا

و نظرة من ورا شباك لرخة مية هنا و هناك

و جو مغيم كثير بشكل يجعلنى اسرح كبير

و لمة اسرة و احنا صغيرين و كلنا بنتسابق ننزل تحت البطاطين

و شقاوة عيال معفرتين فى المطرة بيجروا زى المجانين

و ليل طويل و معاه سهر جليل

لعاشق ولهان و تلميذ حيران و ساعات كسلان

و ايام و بنعيشها بس يا ريت نعيشها

ايه ده كله؟ ده احنا معانا عنا شاعر و احنا مش عارفين

ده الشتا طلع بيخرج من الواحد حاجاااااااااات

**OlaOsman** · 24-10-2008 07:17 PM

المشاركة الأصلية كتبت بواسطة Mohammed_Adel_Amin

الحقيقة .. كلامك وضح معظم اللي كنت هكتبه عن الشتاء ..
مع اضافة بسيطة :

سفر على الطريق السريع والدنيا بتشتي والمساحات شغالة و ماشي على مهلي .. بحس فيها بإثارة جميلة جدا !!!

لبس محترم وده يشمل الولاد والبنات ..

الإحساس بالناس لما بكون راكب العربية والاقي الناس متبهدلة في المواصلات والطين وهدومها متبهدلة بشكر المولى سبحانه على نعمه وبحاول اسهل على الناس بإني مجريش بالعربية قدامهم علشان مغرقهمش بالمية واني لو اعرف حد اوصله في طريقي ..

اسباغ الوضوء على المكاره من أروع الأحاسيس لما يكون الجو بارد وأنا بتوضأ بماء زي الثلج خصوصا لو الفجر ..

ده اللي فاكره حاليا عن جمال الشتاء

يعني مش عارفة الصراحة أقول ايه.. أحلى كلام سمعته عن الشتا :)

**OlaOsman** · 24-10-2008 07:28 PM

المشاركة الأصلية كتبت بواسطة Mohammed_Adel_Amin

آه بالمناسبة افتكرت حاجة روعة فعلا لو حد من اسكندرية او بيروح هناك في الشتاء ممكن يحس بيها ..

منظر البحر من شارع البحر والدنيا بتشتي بيبقى تحفة .. انا بركن العربية واتمشى على شارع البحر ساعتها والناس كلها بتجري من المطر وبتتفرج عليّا زي الأهبل ..
(لو حد شاف واحد طويل واهبل بيتمشى على شارع البحر في وسط المطر يعرف انه أنا )!!!!!!!!!

من أمنيات حياتي و من اللحظات اللي باتمنى فيها اني كنت أبقى ولد.. أشوف بس المنظر ده و أمشي في المطر و انطلق و أجري من غير ما حد يبص لي و لا يعاكسني و لا يقول بنت قليلة الأدب :k41:

**aif** · 24-10-2008 07:39 PM

الشتا ....
نوم بدري الساعة 10 بالكتيييير
صحيان بدري .... قبل الفجر
كلفته بالعباية الصوف وانا رايح اصلي
مشي بعد الفجر في النادي ........
عالم تاني ..... الزرع مختلف ....
الهواء مختلف .....
الناس مختلفة ......
الشوارع مختلفة .......
رائحة المطر في الهواء دي لوحدها بتسحرني ......
واجمل حاجة النوم تحت اللحاف في عز التلج
......
.....
فليسقط الصيف والحر ..... يا رب الدنيا تبقي شتا علطول

**Mohd_Adel_Amin** · 24-10-2008 07:45 PM

حقيقة الموضوع أكثر من رائع .. ولأول مرة أحس بمشاركة إحساس جميل مع الناس بالطريقة دهية ..
لك مني جزيل الشكر على الموضوع والتعليقات

**Mohd_Adel_Amin** · 24-10-2008 07:46 PM

المشاركة الأصلية كتبت بواسطة aif

فليسقط الصيف والحر

..... يا رب الدنيا تبقي شتا علطول

آآآآآآآآآآآآآآآمين

الموضوع: الشتا بالنسبة لك ايه؟

LinkBack

أدوات الموضوع

عرض

-

-

-

-

المواضيع المتشابهه

جواكت جلد للبيع جديدة بمناسبة الشتا

جواكت جلد للبيع جديدة بمناسبة الشتا

هل الماتور الخفيف مش بينقص زيت فى الشتا

سيارة تسير على الماء هى دى اللى تنفع فى الشتا فى مصر!

بخاخات الزجاج علشان الشتا

الكلمات الدلالية لهذا الموضوع

المفضلات

المفضلات

ضوابط المشاركة