الكيا سيراتو 2015 كلها مشاكل

**bitzar102** · 07-01-2015 05:52 PM

الخليجي انواع افضلهم السعودي والكويتي انا معايا السعودي 2015 اعلي فئه ومشاء الله مفيهاش اي عيوب غير ان الجنط ال17 مخليها ناشفه شويه علي المطبات غيرت الاكسجين بنيتروجين والحمد لله بقت احسن كتيرر

**anadrol** · 15-01-2015 11:01 PM

ممكن اعرف ايه هى مشكلة الفرامل وما هو حلها؟

**elagamy** · 07-02-2015 08:16 PM

جرب اركب اسكودا اوكتافيا او باسات الشكل الجديد و انت تعرف المشالكل بجد

**shifoo68** · 07-02-2015 10:16 PM

حضرتك انا معايا نيو سيراتو 2014 وكيل فئة لsx بصمة وفتحة وجنط 17 فل الفل حلوة جدا اوبشن كتير وتابلوة شيك وثبات كويس وجرى ماقولكش والفرامللللللللل بالزات احلى حاجة فيها عن سيراتو 2009 ماكنتش بتوقف ولا صوت فى الفرامل و لا موضوع السخونة اللى ناس بتكلم على الحمد اللة اشكر ربنا عليها عربية حلوة

**elagamy** · 20-02-2015 06:42 PM

على فكرة يا جماعة العربيات دى حظوظ ممكن واحد يشترى مرسيدس زيرو و تكون كلها مشاكل

**ahmed hasanin** · 21-02-2015 01:19 AM

انا معايا سيراتو 2015 سعودى بقالها تقريبا 7 شهور وانا مقيم فى الدمام بالسعودية الحمد لله مفيش مشاكل فى العربية واجهتنى الا صوت الفرامل الخلفية ورحت كذا مرة التوكيل لحد ما بدلو الطنابير كاملة . غير كده العربية ماشاء الله تبارك الله كويسة وصوت الموتور هادى والسحب كويس وعفشتها ناعمة . على فكرة انا كنت فى مصر ولسه راجع من ايام وركبت النترا 2015 مرتين واحدة عاملة 5000 والتانية عاملة 10000 بصراحة معجبتنيش زى السيراتو الا ان سحبها احسن شوية بسيطة غير كده ثبات السيراتو ونعومتها احسن

**moha4tec** · 23-02-2015 02:30 PM

السلام عليكم
السيراتو 2015
تفادوا بعض المشاكل اللى كانت فى الموديلات السابقه لانه الكوريين فعلا اتقدموا جدا و محترمين بجد .
1- صوت الفرامل .لو وكيل بيغيروا الطنابير .لو خليجى .هتروح مخرطه و تفك الطنابير هتلاقى كلمة كيا بارزه عن ثمك الطنابير الاصليه و ده اللى بيخليها تعمل الصوت اصلا .يا هتنصنفره يا هتشيله بالمخرطه .يا تصبر عليه اف و الا الفين كم مع السواقه البروز ده هيتاكل لوحده مع الفرامل المعتدله و الصوت هينتهى باذن الله مع الوقت .
2-صوت الكونتاكت او مبترضاش تدور تروح التوكيل قولهم على الايموبلايزر و يشيكوا على العربيه و متخرجش الا لما تتحل .الموضوع ده كان فى القديمه و غيرو قطعة غيار اللى جزء فى البصمه فقط مش المفتاح العادى .و تقريبا كان بالكتير ب 200 او 300 جنيه بس ده فى القديمه .
3-العزل الصوتى ممتاز و افضل من القديمه و العزل الحرارى عملت موضوع عنه و ممكن يتضاف حجات جديده بدون فك فى حوض الموتور و التابلوه من تحت هتعزل مواسير التكييف السخنه فقط و تشيك على كوتشات اللى بتمر من الحوض للتابلوه متثبته كويس و الا لا . و العزل ده مش مكلف بالكتير هيكلفه 30 او 40 جنيه مش محتاج خبير او فنى .

**MR . Gold** · 23-02-2015 07:18 PM

المشاركة الأصلية كتبت بواسطة zeyad.farouk

طب و بالنسبة لمضوع انها بتسرق بسهوله دة ؟

ياباشا في فئات في الكيا فيها ايمبولايزر دي مش ممكن تتسرق غير عن طريق القطر او الرفع علي سيارة وفي فئات بدون ايمبولايزر دي اللي هي سهلة السرقة .. وربنا هو الحارث

**houseiny** · 23-02-2015 09:03 PM

المشاركة الأصلية كتبت بواسطة mr . Gold

ياباشا في فئات في الكيا فيها ايمبولايزر دي مش ممكن تتسرق غير عن طريق القطر او الرفع علي سيارة وفي فئات بدون ايمبولايزر دي اللي هي سهلة السرقة .. وربنا هو الحارث

باشا معلش ، ربنا هو الحارس وليس الحارث ، لان الحارث هو من يحرث الارض ، لكن الحارس هو من يحرس الشيء ، والله هو الحارس بعزته وقدرته وعينه اللتي لا تغفل ولا تنام وهو الباسط يده على الكون كله فيعلم دبيب النمل في الجحر المظلم ، ومشكور على المشاركة ، توضيح فقط لان الموضوع يتعلق بصفة نسبت للمولى جل وعلا