الكيا سيراتو 2015 كلها مشاكل

**Omar Sarray** · 29-04-2015 11:23 PM

اختيار موفق سامح وانشاءالله مش حتزهق منها خالص

**mostafawahb** · 01-05-2015 08:24 PM

السيراتو 2015 عملت معاية 5 لتر لكل 100ك

**Omar Sarray** · 01-05-2015 09:13 PM

طيب كده يعنى هيا كويسه فى استهلاك البنزينه

**mostafawahb** · 02-05-2015 04:08 PM

المشاركة الأصلية كتبت بواسطة omar sarray

طيب كده يعنى هيا كويسه فى استهلاك البنزينه

اة طبعا
يعنى انا كان معايا لانسر 2008 وكانت بتعمل على الطريق 10.5 لكل 100 لتر شوف بقى انت الفرق
بس طبعا علشان توصل ل5 لتر لكل 100 كيلو فى شروط اولها متزودش السرعة على 100 ك وكمان طريق سفر مش قلب البلد

**Omar Sarray** · 03-05-2015 11:02 PM

تمام انا بتعمل معايا 6 ونص لتر لكل 100 كيلو انا شايفها كويسه مفهاش حاجه وان كان هيا واطيه شويه

**islamtmam** · 03-06-2015 04:48 PM

الشهادة لله السيراتو تحفة خارجيا وداخليا ماشاء الله

**alsayad02** · 06-06-2015 02:31 AM

انا معايه العربيه والحمدلله حاسس انها تمام ومافيش مشكله الي الان

**د.محمود صلاح** · 06-06-2015 02:29 PM

المشاركة الأصلية كتبت بواسطة houseiny

باشا انا صاحبي معاه سيات التيا اكس ال 2012 وغير الفتيس مرتين ، وصاحبي تاني معاه سكودا اوكتافيا فانتازيا 2012 عنده مشاكل في الفتيس لدرجة انه كره العربية والعربية ضيقة جداً من الخلف لدرجة انه معاه عربية تانية كورولا راكن الاوكتافيا وراكب الكرورلا 2012 ، واحد تاني معانا في الشغل معاه بيجو 301 مش مرتحالها بالمره بيحب عربية مراته الفيرنا اكتر منها ، كل العربات الجديدة بقت فيها حوارات ، مش السيراتو بس ، عشان منكونش متحيزين لماركة معينة او موديل معين سواء اقتصادي او متوسط كله بقي فيه مشاكل ، حتي المرسيدس 1600 سي سي كل الناس اشتكت من الفتيس الدوال كلتش ، والبي ام 316 ناس كتير مالقتش منها الاداء المنتظر منها وناس كتير قالي زيها زي الكوري في الاداء مع الاختلاف في استهلاك البنزين وراحة الصالون والثبات شوية عن الكوري ، دلوقتي في مصر يا تركب عربية فوق ال400 الف عشان تكون راضي عنها بنسبة كبيرة وتشيل بقي في قطع الغيار ، يتصبر على اللي معاك لان كل الشركات تقريباً بقت تكنولوجي متقارب ، كيا بتشتري تطنولوجي من بي ام ، ونيسان ورينو بقوا واحد ومازدا وفورد بقو واحد وكل الشركات بقت بتعمل تكتلات دلوقتي عشان تواجه السوق ، الكوري بقي بيتجمع في اوروبا والياباني بقي بيتجمع في تركيا وتايلند والهند وغيره وغيره

ركبت الغالي والرخيص في مصر وما ارتحتش الا مع الفيرنا اوتوماتيك غاز

**walidhowailo** · 03-11-2015 11:31 AM

Ya gam3a ana 3ayez ageeb 3arbya 2016 we me7tar mabeen Lancer shark we mabeen Kia el Cerato el etneen hagebhom 5aleegy isA bas ana 3agbany el Cerato men gowa el talblo beta3ha to7fa we shaklha gameel bas el moshkela eno feh nas keteer awy 3amala betbe3ha we heya 3amala 3addad 2olyel fa 5ayef yekon feha mashakel ana 3ayez 7ad yens7ny a3mel eh plz :)