الموضوع: استفسار عن موتور وتكييف الفلوانس فيس ليفت

المشاركة الأصلية كتبت بواسطة dr.mostafaa

يتبقى بس حتة إن الشنطة والتانك مع السنتر، دى بصراحة مش قادر أفهمها لأن اللى اتكلموا فيها ما وضحوش أوى، مثلا لو أنا فى جيبى الريموت وقربت من العربية طبعا السنتر هايفتح، فهل هى كمان بتفتح وكمان التنك، وللا لازم أضغط على زرار الشنطة اللى فى الريموت.
وكمان فى استفسار، هل لو العربية دايرة وانا فى جيبى الريموت وخرجت منها هل الأبواب بتتقفل وللا لا، ولو أى حد حاول يمشى بيها والريموت خارج العربية خالص، بس هى دايرة هل بتمشى وللا لا؟
يعنى أرجوا من الإخوة توضيح النقطتين دول، ولكم جزيل شكرى

شوف بأه ياسيدي :)
عندي في الميجان واعتقد الفلوانس زيها بالظبط الشنطه والتانك مع السنتر فعلا بعني مافيش زرار مخصوص ليهم في العربيه من جوه بس مش زي مانت فاهم في الكوري والياباني
عطا التانك مش بيتنطر لبره لما تفتحه هو عامل زي باب من ابواب العربيه لو الستنر مفتوح هتشده يتفتح معاك لو السنتر مقفول هتلاقيه مقفول مابيفتحش فلو وقفت في بزنيه كل المطلوب منه انت تفتح السنتر بس وطبعا العربيه فيها زرار للسنتر في التابلوه
الشنطه نفس الكلام بالظبط هي ليها زرار تاتش كده بتدوس عليه عشان تتفتح وده برضه تبع السنتر
والريموت فيه زرار مخصوص للشنطه لو عاوز تفتح لوك الشنطه من غير الابواب لكن لو فتحت لوك الابواب الشنطه والتانك هيتفتحو برضه وعلى فكره الموضوع ده حلو جدا ومش مزعج خالص
اتمنى تكون الفكره وضحت

النقطه التانيه بأه اعتقد وياريت اللي معاه فلوانس يأكد كلامي ان لو العربيه دايره وبعدت عنها هتقفل اللوك لكن مش هتطفي العربي والكارت مش مهم يكون في العربيه عشان تمشي مادامت شغاله
انا عندي في الميجان رغم ان الكارت لازم يكون موجود في فتحته عشان تشغل العربيه لكن بعد ماتشتغل ممكن تشيله من مكانه عادي وتخرجه بره العربيه وهي شغاله عادي وممكن تطفي العربيه والكارت مش معاك بس هتحتاج تضغط مرتين على زرار الستارت عشان تطفيها لو الكارت مش محطوط