استفسار عن موتور وتكييف الفلوانس فيس ليفت

**mfraig** · 14-09-2014 11:17 AM

1- هل فعلا التكيف ياباني من نيسان ولو كان كده هل معنى كده انه يرقى لمستوى التكييف الياباني مثل القاشقاي مثلا او الكروللا
2- هل فعلا موتور وفيتيس الفلوانس هو بالظبط بتاع القاشقاي يعني نفس قطع الغيار والصيانه واحده للاتنين وللا ده اشاعه
3-ده بأه سؤال عبيط معلش يعني ايه مفتاح بصمه اللي كل شويه اقراها ده مش قصدكم ستارت انجين يعني ؟

**Shamooos** · 14-09-2014 11:32 AM

الاجابة للسؤال 1 و 2 هي نعم
فعلا التكييف بتاعها كويس جدا و اداءه ياباني
الموتور نيسان قشقاي و الفتيس CVT زي بتاع الكورولا

سؤال 3 نعم برضه
جرت العادة ان يبقي اسم start engine مفتاح بصمة
و نفتاح العربية رائع

معايا بقالها شهرين والعربية رائعة

**mfraig** · 14-09-2014 12:19 PM

المشاركة الأصلية كتبت بواسطة shamooos

الاجابة للسؤال 1 و 2 هي نعم
فعلا التكييف بتاعها كويس جدا و اداءه ياباني
الموتور نيسان قشقاي و الفتيس cvt زي بتاع الكورولا

سؤال 3 نعم برضه
جرت العادة ان يبقي اسم start engine مفتاح بصمة
و نفتاح العربية رائع

معايا بقالها شهرين والعربية رائعة

اشكرك ياباشا وربنا يباركلك فيها ويملاهالك خير

**yasser100** · 14-09-2014 06:06 PM

الموتور و الفتيس و التكييف نيسان قشقاى بالمسمار و الصاموله . رينو و نيسان شركه واحده .

الموتور فى الفلوينس كفاءه اعلى لفرق الوزن بينها و بين القاشقاى

**ALshahba** · 14-09-2014 10:19 PM

مفتاح بصمه :
يعني لما تيجي تفتح العربيه والمفتاح في جيبك ...... مجرد تمسك مقبض الباب وتدوس علي زرار صغير اسود وحتلاقي العربيه بتفتح معاك
وطبعا لن يتم الفتح الا عن طريق المفتاح الذكي Smart Key ..... يعني لما تبعد عن العربيه حتلاقيها بتقفل الزجاج والمرايات وفتحة السقف (وتقريبا بتقفل المحرك)
ولما تقرب منها حتلاقي المرايات الضم بتدي اشاره وتفتح والمسوجر بيفتح لوحده

بالتوفيق

**mfraig** · 15-09-2014 11:03 AM

المشاركة الأصلية كتبت بواسطة yasser100

الموتور و الفتيس و التكييف نيسان قشقاى بالمسمار و الصاموله . رينو و نيسان شركه واحده .

الموتور فى الفلوينس كفاءه اعلى لفرق الوزن بينها و بين القاشقاى

حاجه تطمن جدا لعربيه فرنساوي اعتقد ناس كتير مش عارفه الموضوع ده وده مش تقليل للصناعه الاوروبيه بس عشان عقدة الياباني اللي موجوده في مصر
ومعنى كده ان تكييفها اتحسن جدا مقارنة بالميجان 2 والفلوانس القديمه وده نقطه مهمه في جونا الرائع

**mfraig** · 15-09-2014 11:08 AM

المشاركة الأصلية كتبت بواسطة alshahba

مفتاح بصمه :
يعني لما تيجي تفتح العربيه والمفتاح في جيبك ...... مجرد تمسك مقبض الباب وتدوس علي زرار صغير اسود وحتلاقي العربيه بتفتح معاك
وطبعا لن يتم الفتح الا عن طريق المفتاح الذكي smart key ..... يعني لما تبعد عن العربيه حتلاقيها بتقفل الزجاج والمرايات وفتحة السقف (وتقريبا بتقفل المحرك)
ولما تقرب منها حتلاقي المرايات الضم بتدي اشاره وتفتح والمسوجر بيفتح لوحده

بالتوفيق

انا فعلا دايما كان بيدور السؤال ده جوايا هو لو بعدت عن العربيه وهي شغاله هتفضل شغاله عادي ؟
وسؤال تاني ايه لزمة فتحة الكارت المتوجوده في التابلوه اصلا؟

**yasser100** · 15-09-2014 11:09 AM

المشاركة الأصلية كتبت بواسطة mfraig

حاجه تطمن جدا لعربيه فرنساوي اعتقد ناس كتير مش عارفه الموضوع ده وده مش تقليل للصناعه الاوروبيه بس عشان عقدة الياباني اللي موجوده في مصر
ومعنى كده ان تكييفها اتحسن جدا مقارنة بالميجان 2 والفلوانس القديمه وده نقطه مهمه في جونا الرائع

الموضوع مش موضوع عقده و ﻻ حاجه . اليابانى له مميزاته و عيوبه و الاوروبي برضه . رينو عملت العربيه على اساس تتميز باعتمادية اليابانى و نعومة مواتيره و رفاهية الفرنساوى و امان الاوروبى المميز

**yasser100** · 15-09-2014 11:16 AM

المشاركة الأصلية كتبت بواسطة mfraig

انا فعلا دايما كان بيدور السؤال ده جوايا هو لو بعدت عن العربيه وهي شغاله هتفضل شغاله عادي ؟
وسؤال تاني ايه لزمة فتحة الكارت المتوجوده في التابلوه اصلا؟

1- فتحة الكارت علشان تحط فيها الكارت و من تدور العربيه تقدر تشغل الكاسيت و كمبيوتر العربيه اللى بيعمل تيست على كل حاجه . زى لفة الكونتاكت الاولى فى العربيات العاديه اللى بمفاتيح .
2- العربيه لو الموتور شغال لما تبعد بالكارت الموتور مش بيطفى لازم تدوس على زرار الستارت علشان يطفى الموتور و لما تنزل من العربيه و الكارت فى جيبك و تبعد عن العربيه اوتوماتيك بتعمل لوك لكل حاجه

**Dr.mostafaa** · 16-09-2014 12:16 PM

المشاركة الأصلية كتبت بواسطة yasser100

1- فتحة الكارت علشان تحط فيها الكارت و من تدور العربيه تقدر تشغل الكاسيت و كمبيوتر العربيه اللى بيعمل تيست على كل حاجه . زى لفة الكونتاكت الاولى فى العربيات العاديه اللى بمفاتيح .
2- العربيه لو الموتور شغال لما تبعد بالكارت الموتور مش بيطفى لازم تدوس على زرار الستارت علشان يطفى الموتور و لما تنزل من العربيه و الكارت فى جيبك و تبعد عن العربيه اوتوماتيك بتعمل لوك لكل حاجه

معلش ياجماعة وقعت منى دى،أولا أيه هو الكارت ده وهل هو منفصل وللا داخل الريموت وللا أيه؟ يعنى هو ما فيش مكان تحط فيه المفتاح زى العربيات العادية، وبدل منه فى مكان تحط فيه الكارت ده؟ يا ريت توضيح الحتة دى شوية معلش، وهل المفتاح ده له علاقة بالإيموبليزر؟؟
وتوضيح إزاى العربية بتدور بيه وبرضه إزاى بتبطلها ، بس بشىء من التفصيل، معلش أخوكم آخره سيراتو 2011 أول فئة أوتو يعنى مش فيها غير دركسيون وخلاص، ههههههه