يا ابو عبد الله
تم حذف الصور بناء على طلب صاحبه السيارة نفسها
الادارة
طب ديه ايه
يا ابو عبد الله
تم حذف الصور بناء على طلب صاحبه السيارة نفسها
الادارة
طب ديه ايه
برضه مش عارف افهم ايه
حضرتك الموديل ده موجود في السوق من سنة 1998
وبعدين هو حضرتك لو شفت عربيه مثلا مرسيدس طالع عينه هل ده معناه ان المرسيدس الموديل نفسه وحش
يعني التعميم بصراحه مينفعشي
وبعدين انا أصلا مش شايف ان العربيه متبهدله للدرجة انها تأخذ مثال حتى
ما هو حضرتك العربيه تكون واخده وش دهان والصنايعي طلع زي الزفت وبوظ شكل العربيه مثلا
انا بأعطي أمثلة فقط
ممكن يكون صاحب العربيه ليس مهتم بها وراكب وخلاص وبيخبط في الناس
انا شوف كورولا واحده راكباها لو قالولك خدها بــ 50 الف هتقول لا موديل 2004 تقريبا
العربيه بجد مفيش زاويه او حديده مظبوطه خالص ولا فانوس ولا اي حاجه
هل ده معناه ان الكورولا بتتبهدل
ده ليس مقياس
أنا عمري ما كنت هادخل و اشارك في الموضوع ده لان دي وجهات نظر و كل واحد يحسبها حسب امكانباته و احتياجاته
أولا
انا مش عارفه باي حق حضرتك تاخد صور عربيتي و تعرضها هنا بدون استئذان صاحب الشان و موافقته
ثانيا
حضرتك موضحتش عرفت منين انها عربيه متبهدله !!! بس هو سؤال معلهش حضرتك رايك ايه في الانوس اللي ماليه شوارعنا و ملامحها اختفت من البهدله
من المظهر الخارجي !! و لون عربيتي الحمدلله مفهاش خربوش
يمكن علشان اخويا لماصور العربيه مغسلهاش مثلا و صورها بكاميرا اي كلام في مكان اي كلام !!! خلاص اوعد حضرتك بصور جديده علشان نشوف العربيه المتبهدله
ثالثا
وده الاهم ممكن يكون فعلا في عربيات ياباني مش كويسه في فئتها بس حضرتك للأسف ضربت اكبر مثال خطأ و السيريون اخر عربيه ممكن تقول عليها انها بتتبهدل بعد حتي 10 سنين مش 5 سنين و ده عن تجربتي الشخصيه فا ياريت حضرتك متجادلشي في النقطه دي بالذات
انا العربيه دي جايباها usedمن سنتين و متغيرشي فيها اي حاجه غير زيوت و بطاريه انا عايزه حضرتك تجيبلي لانوس ولا فيرنا(مع احترامي والله لملاكهم مش اصدي حاجه) اللي تعد 10 سنين ميتغيرشي فيها حاجه
اللهم انه هو زيت الباور بس بينقص كل كام شهر علشان علبه الدريكسيون بتنقط و لعلم حضرتك لما رحت للميكانيكي علشان اغيرها والله العظيم قاللي حرام عليكي العلبه زي الجديده بس محتاجه جلد
انا لولا اني عايزه عربيه كبيره عمري ما كنت ابيعها
و اخر حاجه و دي وجه نظري الشخصيه انا هابيعها إن شاء الله و برده هجيب ياباني
حضرتك انا لا اقصد سيارتك بالتحديد
انا قصدت بكلامي ان مش معنى اني بشوف عربيه وحشه في الشارع يبقى ده دليل ان العربيه نفسها وحشة
بدليل ان حضرتك انا رديت في مشاركة سابقة وقولت على الصورة بتاعت السيريون بتاعت حضرتك
فكلامي واضح ان عربيت حضرتك ليست اصلا متبهدلة ومش عارف ايه اللي واضح في الصورة لكي يعطي عليها مثال
حضرتك بتقارن بين السيفك والمازدا 3 والسيراتو
هنقول الأثنين أسماء والتانيه جديده بس مش قوى على السوق
هرد على حضرتك رد بسيط
خلينا عمليين كلمنى على توكيل هوندا وتوكيل مازدا وتوكيل كيا
من حيث أسعار قطع الغيار وتوافرها
من حيث الخدمه المقدمه
من حيث الضمان
أحنا ليه بنبص فى شكل وفى تقفيل خامات ولونى مش شايف فرق الصراحه عليها
يعنى هوندا منزله السيتى ب 128000
ودى أول فئه سعريه فيها طب طلعلى فرق واحد بينها وبين السيراتو
على فكره أنا راكب ألمانى وممكن أقولك أقل الألمانى معايا بولو 98
وركبت اليبانى الى حضرتك بتدافع عنو بأستماته وركبت الكورى
الانسر 99 ريشه على الطريق أى عربيه نقل أو أتوبيس بيحركوها من مكانها
ألنترا 2006 على سرعه 185 طوبه حجر على الأرض
وطبعا يوم ما أفكر أركب مش هقبل أقل من الألمانى بس عايز أقولك على حاجه أنا السيراتو الى مش عجباك دى أول عربيه تستهوينى غير العربيات الألمانى
يجماعه لازم نغير فكرنا بقى خلاص حوار ألمانى يابانى دا مات من زمان من ساعه ما بقى فى تطور وبحث عن الأفضل زى ما كنا بنقول الأتحاد السوفيتى وبقينا نقول أمريكا وبكره هنقول شرق أسيا خلينا واقعيين نشوف الأفضل لينا ياراجل دا كفايه فضيحه تيوتا فى الكورلا بتاعه جنوب أفريقيا ولا هوندا الى مرفوع عليها قضيه من أحد لملاك فى مصر بسبب عدم عمل الأيرباج فى أحد الحوادث على طريق أسمعيليه وحضرتك ترجع تقولى ما بيقبلوش بأى معايير خليك ياباشا واقعى شويه وأنسى حكايه اليبانى والكورى والألمانى يعم كمان متزعلش خليك فى أيه سعرو كويس بكماليات عاليا بضمان كويس بسعر قطع غيار ممتاز بوكيل محترم كدا يبقى الكلام مظبوط وخصوصا فى مصر أم الدنيا
نفسي بصراحة الناس تغير فكرها ...
نفســــــــــــــــــــــ ـــــــــــــي
و يا ريت احنا بنعمل حاجة غير اننا بنستهلك و خلاص :(
حضرتك انا ليا بس تعليق صغير عن الألنترا الجديده دي
حضرتك بشهادة ناس راكبينها ان العربيه خفيفه على الطريق بطريقه وحشة
ومن اكثر العربيات اللي بشوفها مقلوبه مش عامه حادثة لا مقلوبة
هيا والبوما الانسر
وبرضه للأسف ان احنا علشان جربنا عربيه واحده نقيس عليها كل العربيات
حضرتك اللانسر من اقل السيارات الياباني وخصوصا في مسألة الثبات ده خصوصا الكريستالة
وبرضه لا تنسى ان احنا بنقارن بين عربيات تعتبر من اقل الفئات في الياباني
لأن للأسف العربيات دي دائما بينزلوها بجنوط اقل من اللي المفروض تنزل بها وكاوتش ارفع من اللي المفروض تنزل بها علشان يرخصوا في ثمن العربيه ودي فعلا مشكلة عربيات ياباني كتير في السوق والكوري كمان
يعني لو العربيات دي اتحطلها جنط 15 بس وكاوتش اعرض من اللي بينزلوا فيها
هتفرق كتير جدا
لو خدت بالك أنا كاتب 2006 يعنى مش الشكل الجديد ولا حاجه
ثانيا العربيه الى ركبتها الى هى الانسر موديل 99 دى كان راكب فيها جنوط 15 كاوتش 195/15/55
الكورولا الجديده أقل حاجه تقال عنها فى الثبات والمشاكل زفت
الانسر البومه الى الناس طلعا بيها السما روح بس كدا الرواس الى فى الكتكات بتاع الهياكل وانت تحكم بلاش أقولك بص على الطرق
الهوندا الفطيم مولع قطع الغيار دا غير السيتى الى نازله تايلندى
الأمبريزا مع أحترامى لركابها أيه الأشكال الغريبه الى بتنزل فيها دى
المازدا الى تيجى تعملها صيانه يقولك أصل القطعه الفولانيه مش موجوده هبعت أجيبهالك من بره دا غير سعرها النار
طبعا أنت حر فرأيك وطبعا انت متعصب فى كلامك فى الموضوع كله دا نتيجه طبيعيه لأنك راكب يابانى زى مهو واضح
بس مش عيب لما تنزل حاجه أحسن نقول أنها حلوه والخلاف لايفسد للود قضيه
يا اخي الكريم
لو طريقة الكلام هتبقى ان كل واحد يرمي احد بتهم بدون حقائق يبقى بلاها كلام من اساسه
يعني مش معقولة حضرتك تقولي ما انت متعصب في الموضوع من اوله
علشان رايي مش عاجب حضرتك
انا قولت وقائع وحقائق شوفتها بعيني عند رد لها ممكن تقوله خير وبركه
مفيش رد يبقى مش دي مشكلتي وتقولي اني متعصب
وانا ملكت كوري وركبته سنين مش جربت عربية مره او اتنين او 10 حتى وكان معايا ياباني برضه ساعتها وعارف الفرق كويس
في فرق فعلا انك تملك العربيه سنين لأنك هتعرف بجد تفرق
اما كون الكلام مش جاي على هوا احد فدي ليست مشكلتي اني ابقى متعصب
طيب ما انا ممكن اقول ان حضرتك راكب الماني ومتعصب له
ايه المشكلة اي كلام وخلاص
يعني ياريت يكون الرد على ما اذكره من حقائق من واقع تجارب
وليس كلام مش عاجبني اروح انكره وكمان اتهم من يقوله انه متعصب
اعذرني ولكن حضرتك لو قولت رايك وقولت عليك متعصب علشان راكب الماني هتفهم انا بتكلم في ايه
انا لا اقول الياباني كويس وخلاص كده
انا ذكرت كلام شوفته وجربته بنفسي ولمدة سنين وليس مرات تعد
يعني مثلا كلام حضرتك اللي قولته ورايك في العربيات الياباني ده اعتبره تقييم سريع لهم ومفيش مميزات ودي عيوب تجعلني اقول ان العربيات مش اد كده مثلا
يعني السيتي حضرتك طول عمرها تايلندي مفيس اساسا منها ياباني ايه المشكلة مش عربية ماشيه وشغاله ومبتقولشي لا
الأمبريزا بقت مشكلتها في شكلها ....... افهم ايه يعني دي مسألة اذواق
الكورولا الجديده مشكلتها الثبات اازاي مش قادر افهم ومشاكل ايه اللي بالجمع ده
هو حضرتك جربتها وركبتها
احسن حاجه تسمعها فعلا من مالك العربيه وليس من احد يسمع كلام