الموضوع: المصريين شعب غنى يدعى الفقر ولا شعب فقير فعلا؟؟؟

المشاركة الأصلية كتبت بواسطة marsguy

السلام عليكم ورحمة الله وبركاته،،،

مصر مش أغنى دوله في العالم ... مصر دوله فيها ثروات طبيعيه كتير وفيها مشاكل طبيعيه برضه كتير

بس مما لاشك فيه إن مصر لو إستغلت الموارد اللي فيها (وأهمها الموارد البشريه) بشكل أفضل، أكيد هاتكون أحسن كتير.

والطفل المصري مش أذكى طفل في العالم ولا حاجه. الطفل المصري برضه في منه الذكي و في منه المتوسط. بس كون الطفل يكبر ويبقى بنى آدم منتج ومحترم ده مش بس محتاج ذكاء ... في عوامل تانيه كتير زي التعليم والثقافه.

والجندي المصري مش أشجع جندي في العالم ولا حاجه. في بلاد كتير معتقده إن جنودها هم أحسن جنود في الدنيا وعندهم اللي يخليهم يصدقوا كده.

العباره هو إننا لازم نعرف حجمنا الحقيقي على الأرض. عشان هو ده بداية الشغل الصح

لكن كون إننا نبالغ في حجمنا أو نقلل من قدرنا ... الإثنين مش صح

الله يفتح عليك. للأسف فيه مصريين كثير متصورين ان الشعب المصرى ده خارق للطبيعة ومفيش له مثيل وده اللى جايبلنا الوكسة