Peri Great wall

**cardioman** · 25-10-2008 02:54 AM

السلام عليكم و رحمة اللة.
الرجاء تكرم بأعطائى معلومات عن السيارة بيرى من عز العرب من حيث كفائتها و تواجدها بالسوق المصري و امكانيات التوكيل و اسعار قطع الغيار و توافرها بالمقارنة ب A113 و سعرها الحالى و ووقت الأنتظار فى حالة الحجز حيث انى خارج مصر و شكرا

**cardioman** · 27-10-2008 12:25 AM

يا جماعة حد يعبرنى لو سمحتم اذا كان عندكم اى معلومات لا تبخلوا بيها على و شكرا

**mody_halawa** · 27-10-2008 01:39 AM

مش عارف بس فى ناس كتير بتشكر فى الاسبرانزاa113 انما البيرى محدش جربها قبل كدة

**cardioman** · 27-10-2008 09:10 PM

شكرا على الرد

**نور العمر** · 29-10-2008 08:14 PM

البيري 53 ألف
عز العرب منزلها بضمان 100 ألف ك بحد أقصى 3 سنوات
خاماتها جيدة وشكلها شيك ممكن تكون في الخامات والتقفيل أفضل من الاسبرانزا
هي 80 حصان و 2 زجاج ك وباور 1300 cc فيها rbm + abs . شوفتها في أحد المعارض أنا وزوجي صاحب المعرض الحقيقة افتى وقال موتورها ميتسوبيشي جانت ( يعني إيه معرفش ) فتحنا الموتور شكله مطمئن وعليه علامة MWG دورناها صوتها جيد . بس الحقيقة ممشيناش بيها.
الشركة منزلة معاها شنطة إسعاف و طفاية حريق ومثلث عاكس . ومقياس ضغط هواء وكريك تقريباً على ما اتذكر . فرشها جيد نفس خامات دايو جولييت لإنها عند أخت زوجي و وجدت الشبه بالصدفة.
محدش اشتراها كتيير ولسة مفيش كلام عملي عنها
بس شكلها ممكن تتفوق على الاسبرانزا الهاتش.
ادخل على الصيني العام حتلاقي تفاصيل عنها اكتر بالصفحة واحد مدعمة بالصور

**نور العمر** · 29-10-2008 08:16 PM

بالنسبة لسمعة التوكيل أنا معرفش بس الآراء عنه بتقول إنه كسول في التسويق شوية ... وناس بتشكر فيه جدا ... وناس مبتشكرش بالمرة . اسأل أصحاب البروتون والستروين لأن توكيلاتهم مع عز العرب أيضاً قد يفيدوك

سمعت إن السيارة نزلت السعودية ... والسعودية بتحترم مواطنيها وليها مواصفات جوية خاصة فكونها تنزلها ده معناه إنها جيدة

**cardioman** · 29-10-2008 11:35 PM

شكرا يا مدام ريهام على المعلومات القيمة أفادك االله و زى حضرتك ما قلتى لسة ما فيش حد جربها .أعتقد ان الواحد يستنى لما حد يجربها و يدينا خبرتة.شكرا على الرد.

**ahmed habago** · 01-11-2008 01:34 PM

انا عضو جديد فى المنتدى الرائع ده
العربيه دى عاجبانى جدا
انا روحت ابو راواش وجربتها هى ناعمه وجميله جدا وقابلت راجل محترم بيعما صيانة ال 1000كم
وقالى عنها كلام كويس جدا وانه شارى 2 واحده له وواحده لابنه
انا باخد رايكم لو حد اشتراها ياريت يفدنى
لانى ناوى اتوكل على الله واجيبها
هى فى منها سعرين 53 الف و 59 الف
فرق abs+ebd
وكمان cd مش راديو mp3 فقط
وكمان التحكم بوضعية حزام الامان
وكمان مرايات جنب كهرباء
وكمان مقياس درجه الحراره الخارجيه
اعتقد ممكن الواحد يستغى عن الحاجات دى لان فرق السع كبير بس منهم لله بتوع الجمارك بياخدوا على الاوبشن اكتر مابياخدوا على العربيه
نسيت اقولكم انى سالت واحد فنى فى الورش (بعد ماعملت مشكله عشان اوصله)المهم شكرلى فيها جدا
والله اعلم