تحب تكون رئيس جمهورية و لو لمدة شهر ... و هتغير ايه في الشهر ده ؟
طبعا أحب و هاكون رئيس مثالي يعني أحط الرجل المناسب في المكان المناسب . ههههههههههه
أو ل حاجة هغيرها . هاعتقل كيمو نوبيرا و بوسي فضل علشان همه أهلوية و كل واحد بيشجع الأهلي هاصرف له سنة اعتقال هههههههههه .
لأ بجد هاحاول تكون الحياة أحسن للشعب كله لأن حرام كده أوي يا نااااااااااس .
و بعدين أورث الواد ( خالد ) الحكم اشمعني ( حسني ) يعني ههههههههههه .
عندي أمل في ( أوباما ) لا أمريكا مش هتتغير بتغير رئيسها ؟
للأسف دي ناس مش بتهزر و مفيش عندهم One Man Show دي دولة بتحكمها مؤسسة مش فرد بس لا مانع يكون فيه شوية تفاؤل و خاصة ان انتخابه يعتبر طفرة كبيرة و هزيمة للعنصرية .
أريد أن ينبت للعرب عقل .... إلى أي مدى صحة تلك العبارة ؟؟؟
غير صحيحة على الاطلاق فالعقل موجود انما أتمنى فعلا أن يستخدم هذا العقل في الخير لا في الشر كما يستخدم الآن .
التحدي الحضاري ... و الغزو الفكري ....برأيك كيف نتغلب عليه ؟
إجابة تحتاج تبادل فكري مطول انما مبدئيا لما حال النظام الحاكم يتصلح يكون فيه كلام تاني .
حرااااااااااام عليكي يا أستاذة نور قلبتي عليا المواجع .
فى سؤال مهم جدا
هو مش سؤال بالظبط
انا كنت قرات مشاركه ليك قبل كده انك ارتبط اكثر من مره
انا عايزك تحكيلنا الدروس المستفاده بعد الارتباط اكثر من مره :)
أهلا بحضرتك يا باشمهندس
فعلا أنا ارتبطت مرتين .
بس حضرتك تقرأ مشاركتي السابقة ممكن تلاقي إجابة عن السؤال بس مبدئيا الاستقرار شئ مهم طبعا و لا أنصح أي شاب بتكرار المحاولة الا إذا كانت بسبب لأن فيها خسائر مادية و نفسية كتييييييييييييير جدا و دا يكفي .
أما إذا كان هناك سبب يجبر على الارتباط أكثر من مرة فلا مانع ليه لأ .
وليد باشا ..... انت مقيم في الكويت ....
- ايه رأيك في السلبيات والايجابيات بتاعة الكويت
- ايه اللي حبيته في الشعب الكويتي ... وايه اللي كرهته فيهم ....
- مش عارف ليه في الخليج مش بيحبو الكوايته ؟؟؟ تفتكر الكوايته برضه مش بيحبو الخليجيين
انا لاحظت ده في معظم الخليجين
- انت زملكاوي وده واضح جدا .... تفتكر لو مانويل جوزية درب الزمالك .... ايه ح تكون النتيجة ؟؟؟؟
-لو كنت رئيس الزمالك .... تعمل ايه عشان تنقذ النادي ؟؟؟؟
- هل حقيقي ان شعبية الزمالك في الكويت قوية جدا ....؟؟
- لو انت كنت مدير منتدي نايل موتورز ....ايه اول 3 قرارات تأخدهم لتطوير المنتدي ؟؟؟؟؟
- لو معاك فيزا سياحة لأي بلد في العالم .... تروح فين ؟؟؟
يظن الناس بي خيرا وإني ... لأشقى الناس إن لم ترض عني ومالي حيــلة إلا رجــائي ... وعفوك إن عفوت وحسن ظني محاسب / احمد ابراهيم
أستاذ وليد ..... سعيد جدا بمعرفتك ..... و عندي ليك سوألين صغيرين......
1- ازاي وجدت عمل في الكويت؟
2- أخر مره نزلت مصر كانت امتى؟ و ناوي تنزل تاني امتى ان شاء الله؟ ...... متوقع ايه اكتر حاجه هتكون اتغيرت بين الزيارتين؟
3- عايزك تقيملنا ال Lumina اللي معاك؟ ...... بس من غير ما تعقدنا
4- لما أخبار البلد الجميله جدا بتوصل الكويت ...... بتحس بايه؟ ..... و لو حد من الأخوه الكويته أو أي حد أجنبي في الكويت سألك عن المشاكل اللي في البلد بتقوله ايه؟
عندي سؤالين لسعادتك ... واحد تقليدي و واحد غير تقليدي:
أولا عن القراءة : ... بتشكل إيه في حياتك ... إيه الكتاب اللي قريته و فرق معاك لحد دلوقتي .... إيه أخر كتاب قريته ....إيه الكتاب اللي لازم تجيبه لخالد باشا علشان يقراه
ثانيا عن السياسة : ... واضح انك معجب بتشي جيفارا .... رغم نهايته المأساوية ....هل تعتقد إن الأمة العربية بحاجة لزعيم على شاكلة جيفارا ...... فلنفرض إن المشكلة مشكلة زعامة فعلا .... ما هي مواصفات الزعيم اللي ممكن يغير شكل الخريطة الجيوسياسية في الشرق الاوسط و أخيرا ما رأيك في الزعامات السابقة ديه ( طبعا الزعامات الحالية زي .....الفل فمش حنجيب سيرتهم ال-......عطرة ;))
- عبد الناصر
- السادات
- صدام حسين
- عبد العزيز ال سعود
- ياسر عرفات
تحياتي يا باشا و دعواتي المخلصة و إن شاء الله نتقابل في أقرب وقت :)
المفضلات