الموضوع: حوار من القلب للقلب - الجزء الأول

اعزائي اعضاء نايل موتورز المحترمين
النهاردة معانا ضيف جديد في برنامجنا حوار من القلب للقلب
رحبوا معي بضيفي الجديد
waled369
وليد باشا في البداية اسمح لي ارحب بيك واشكرك على قبولك دعوتي

في البداية اسمح لي نتكلم سوا عن waled369
من هو اعز انسان الى قلبك ؟ من المنتدى؟وخارج المنتدى؟
امته دموعك ممكن تنزل ؟
ما اصعب ذكرى بقلب waled369 ؟؟
ممكن نعرف من سيادتك سبب اختيارك لهذه الصورة بجوار اسمك الموجودة بالروفيل ؟؟

ايه اكثر الصفات اللي بتحبها في شخصيتك واكثر الصفات اللي بتكرهها؟؟
هل تقبل الانتقاد بصدر رحب ام تظهر للطرف الاخر تقبلك له في حين انك من داخلك غير راضي .. ام لا تقبله على الاطلاق؟؟
لو عاد بك الزمن للوراء ما الامور التي تود تغييرها؟؟
ماذا يعنى عندك :
.
المال
.
الغربة
.
الطفولة
.
الزمالك
.
الفراق

اتفضل كابتشينو في الفاصل

اعزائي اعضاء نايل موتورز الجميل عودنا مرة اخرى مع ضيفنا وليد باشا لنستكمل حوارنا معه

ان الإنسان قبـل الحب شيء وعنـد الحب كل شيء وبعـد الحب لا شيء الحـــــــــب

تجربة وجودية عميقة تنتزع الإنسان من وحدته القاسية الباردة
لكي تقدم له حرارة الحياة المشتركة الدافئة

تجربة إنسانية معقدة … وهو أخطر وأهم حدث يمر في حياة الإنسان
لأنه يمس صميم شخصيته وجوهره ووجوده … فيجعله يشعر وكأنه ولد من جديد

الحب عالم خاص بكل إنسان.......

ما هو الحب.بالنسبة لك.؟
ماذا يعنى لك الحب الاول وهل موجود اصلا؟
هل حبيت من أول نظرة؟
الحب لةبداية , لكن هل لة نهاية؟؟
هل يختلف معنى الحب عبر العصور؟
فرق العمر بين الطرفين هل يؤثر على علاقة الحب؟
أيهما أنجح ,الزواج عن طريق الأهل أو عن معرفة سابقة؟
هل ممكن ان تحب أكثر من مرة؟
أيمكن للحب ان يغير مجرى حياتك؟
بوجود الحب أيشترط وجود السعادة؟

وليد باشا حضرتك مقيم بالكويت
ياترى لقيت ايه في الكويت كنت مفتقد وجوده بمصر
طيب وجود بالكويت افقدك ايه في مصر
ياترى بيجيلك احساس لبعض الوقت بالرغبه في الاستقرار في مصر
تتمنى تقيم في دولة تاني غير الكويت

الخليجين وخصوصا الكويته معروف عنهم التكبر ياترى بتتعامل ازاي في موقف تحس فيه ان الكويتي عايز يفرد عضلاته معاك؟؟

تحب تكون رئيس جمهورية ولو مدة شهر مثلا.. وهتغير ايه في الشهر ده؟؟
عندك امل في باراك اوباما .. ولا رأيك ان امريكا سياستها مش هتتغير بتغيير رئيسها؟؟

اريد ان ينبت للعرب ( عقل ) ........ الي اي مدي صحة تلك العبارة؟؟؟؟؟؟؟؟؟؟

التحدي الحضاري ..... والغزو الفكري .. برأيك كيف نتغلب عليه ؟؟؟

بسم الله الرحمن الرحيم

شكرا لحضرتك يا أستاذه نور على الاستضافة دي و ان شاء الله نكون عند حسن ظن أخواني و اخواتي أعضاء المنتدى الكرام

بداية آسف للتأخير مع اني منتظر من الموعد اللي حددته لحضرتك يوم الخميس بس فعلا عمال أشوف اسمك اون لاين و لا لأ و انتظرت رسالة لغاية ما دخلت الوقتي على الموضوع و لقيت الأسئلة دي .

من هوه أعز انسان إلى قلبي من المنتدى و خارجه ؟
أكيد من خارج المنتدى والدتي ( ربنا يديها الصحة و طول العمر )و شقيقتي بالإضافة لزوجتي و ابني ( خالد ) أحب الناس لي يعني بالعربي أسرتي .

من داخل المنتدى ؟
بالرغم من أني مش عارف أي حد فيهم شخصيا بس أقدر أقول ان حسام كوداك و محمد ممدوح و كيمو نوبيرا و دكتور شيكو و أبو عبد الله و شاركي و بوسي فضل و علا عثمان و نور القمر بالرغم أني لسه لم أقابل أيا منهم لكن بتعجبني مشاركاتهم جدا و بإذن الله أول أجازة أتمكن من زيارة من يحق لي زيارته و أتشرف بمعرفتكم جميعا .

امته دموعي ممكن تنزل ؟؟
للأسف دموعي صعبة شوية لم تنزل الا يوم وفاة والدي .

أصعب ذكرى بقلبي ؟
هيه اللي نزلت فيها دموعي و هي وفاة الوالد رحمة الله عليه ( أستحلف بالله كل من يقرأ مشاركتي هذه أن يدعو له بالرحمة و المغفرة ) .

سبب اختياري لهذه الصورة بجوار اسمي ؟
أحب أوضح - لمن لا يعرف - انها صورة تشي جيفارا و هو مناضل ( و أنا كمان مناضل ) و المناضلين طبعا بييجوا على هوا بعض . البعض اتهمني بالشيوعية و أنا و الحمد لله برئ من ذلك الفكر إلا أني أحترم في هذا الرجل تاريخه و نضاله في مقاومة مستعمريه و موته دفاعا عن مبدأه .

ايه أكتر الصفات اللي باحبها في شخصيتي و ايه أكثر اللي باكرهها ؟
الصفات اللي باحبها في نفسي أنا و الحمد لله متعاون لأقصى درجة مع أي انسان اتعامل معه و أتعامل بطيبة و رجل مع المواقف . اكتر الصفات اللي باكرهها أنني باخد الدنيا ببساطة جدا و كسول شوية .

أقبل الانتقاد البناء بدون خطأ في شخصي فلا يوجد انسان يقبل الغلط عليه بس لا مانع ان كان نقدا بناء و لا أظهر لمن أمامي بنفوري من نقده لي بالعكس ( اشتري منه ) جايز يكون كلامه صحيح و لا يوجد من هو فوق النقد و العصمة لسيد الخلق صلي الله عليه و سلم .

لو عاد بي الزمن للوراء ما الأمور التي أود تغييرها ؟
و الله بفضل الله و حمده أنا راض عن نفسى تمام الرضا و قانع بما وهبه لي الله عز و جل سواء في حياتي الشخصية أو العملية .

ماذا يعني لي . المال / الغربة / الطفولة / الزمالك / الفراق .

المال . وسيلة وهبها الله لعبيده لا غنى نها ولكنه ليس غاية في ذاته و الحمد لله باحط مالي تحت قدمي و ليس فوق رأسي .

الغربة . لم أحس بها بالرغم من وجودي خارج مصر بس بصراحة أحب البلد اللي أنا عايش فيها ( الكويت ) فأنا و الحمد لله أقدر أتكيف مع الواقع بسهولة و الغربة داخل مصر أصعب بكتير من خارجها .

الطفولة . طبعا المرح و التفاؤل و الحياة باحسها الوقتي مع ابني لما نلعب مع بعض .

الزمالك . حبيب قلبي من جوة و يكسب النهاردة و أغيظ كيمو و بوسي و ان شاء الله يرجع أحسن و يصحى م اللي واقع فيه .

الفراق . حسيته يوم وفاة الوالد رحمة الله عليه أسوء شعور ممكن الانسان يعيشه فعلا حسيت أني وحيد في الدنيا لكن قدر الله و ما شاء فعل و دي سنة الحياة .

تكملة الاجابات ( صفحة 2 ) ههههههههههه

شكرا ع الكابتشينو اللذيد ده .

الحب بالنسبة لي هو أسرتي .

الحب الأول ؟
و الله للأسف ( باقول للأسف ) لم أعش قصة حب على مدار حياتي و لا مرة بس بعد الزواج أحب زوجتي ( شوفتوا المثالية ) يكفيني أنها أم (خالد) .

طبعا بما أني لم أعش قصة حب فليس بالنسبة لي هناك حب من أول نظرة و لا حتى عاشر نظرة .

الحب له بداية . لكن هل له نهاية ؟
اعتقد ليس له نهاية بدليل أي حبيب بيغفر لحبيبه حتى لو أخطأ في حقه بيرجع يسامحه بدافع الحب .

هل يختلف الحب عبر العصور ؟
لا اعتقد . لأن عمرنا ما سمعنا عن حب فرعوني أو حب عباسي . بس فيه حب العزيز ههههههههه

فرق العمر بين الطرفين هل يؤثر على علاقة الحب ؟
بالطبع لأ و لنا أسوة في سيد الخلق تنفى ذلك و عامة أنا أكبر زوجتي بعشر سنوات و الحمد لله رب العالمين .

أيهما أنجح . الزواج عن طريق الأهل أو عن معرفة سابقة ؟
لكل منهما محاسنه و مساوئه . أنا تزوجت عن طريق الأهل ( أول مرة ) و الحمد لله كان زواج ناجح إلا أن طفلتي ( رحمة الله عليها ) عانت من عيوب بالقلب و توفت و اضطريت مع زوجتي أننا نروح للأطباء و الكل أجمع أنها مسألة وراثة و علشان كده انفصلنا هدوء . و الزواج الثاني كنت في إحدى الخروجات و توقفت أسأل عن مكان معين و انبرى ( حلوة انبرى دي ) رجل يبدو عليه الصلاح و ركب معي ليوصلني لغايتي و تدرجنا بالحديث إلى الزواج و سألته عن عروس لي و بالفعل رشح لي إحدى قريباته ( بالرغم أني لا أعرفه ) و تم النصيب و الحمد لله و رزقنا بالحبيب ( خالد ) .

هل ممكن أن أحب أكثر من مرة ؟
لا اعتقد ( فما الحب إلا للحبيب الأول ) بالرغم اني تزوجت مرتين بس حبي لمن أحلها الله لي .

أيمكن للحب أن يغير مجرى حياتي ؟
بالتأكيد فبعد زواجي تغير مجرى حياتي بالكامل كنت مهملا مستهترا بس بعد الزواج أصبح لي حياة جديدة تماما .

بوجود الحب أيشترط وجود السعادة ؟
أكيد طبعا .

صفحة ( 3 )

لقيت ايه بالكويت مفتقده في مصر ؟
للأسف الانضباط و النظام غير موجودين بمصر تماما انما بالكويت الحياة منظمة جدا .
و وجودي بالكويت أفقدني الصحبة ( صحبة الأهل و الأصدقاء ) في مصر و دا شئ طبيعي فما كل ما يتمناه المرء يدركه .

يا ترى بيجيلك إحساس لبعض الوقت بالرغبة في الاستقرار في مصر ؟
طبعا و الايام دي الاحساس بيكتر بس للأسف معنديش مبلغ أقدر أعمل بيه مشروع في مصر يكفل لي حياة كريمة أنا و أسرتي علشان كده باطرد الأفكار دي .

تتمنى تقيم في دولة تانية غير الكويت ؟
زرت دبي مرات عديدة ( شغل أو عمل ) و هيه بلد جميلة جدا بس بافضل الكويت في الاستقرار عنها ..

الخليجيين و خصوصا الكويتيين معروف عنهم التكبر يا ترى باتعامل معاهم ازاي في موقف أحس فيه ان الكويتي عايز يفرد عضلاته معايا ؟؟؟
أقول لكم حاجة بجد و الله على مدار عمرى هنا _ 14 سنة _ تقريبا عمري ما تعرضت لموقف زي ده بالعكس لي منهم أصدقاء و كلهم ناس محترمة و أحب أوضح حاجة أن شخصيتك هيه اللي بتفرض تعاملهم معاك يعني أنا بفضل الله لم أطلب من حد فيهم شئ أهم شئ ان الواحد يوريهم انه مش طمعان فيهم .
المواقف البايخة اللي الواحد بيتعرض لها بتكون م الشرطة و خاصة المرور لو فضلت اتحايل عليه بيفرد عضلاته و بيعمل فيها ( أبو علي ) علشان كده بآخد المخالفة عادي جدا كلها 10 دينار تتدفع ع (---------) القديمة و لا أقول لواحد معلش .
و مهما كانوا وحشيين أحسن من مصر ملييييييييييييييون مرة .
و عامل التعامل هنا في جميع الوزارات و الهيئات الحكومية أحسن من التعامل مع نظيراتها في مصر .