اعزائي اعضاء نايل موتورزالنهاردة واخيرا اتحقق حلمكم وقدرنا نوقع كريم منير والفضل يرجع للجميلة بسكوتة رحبوا معايا الضحية الجديدة هيه عندنا ضحية واحدة مردودالك ان شاء الله كريم منير كريم انا مش هتقل عليك بالاسئلة وخصوصا لان بسكوتة نزلت بشوية اسئلة تقيله فحرام كفاية فعلا ويتردولها قريب
كريم منير ... نايل موتورز بيمثل لك ايه؟؟ بجد بيتي التاني واغلب المشاكل اليومية في بيتي وعملي بسببه بس على الوجه الاخر للعملة افضل واندر صداقات عرفتها في حياتي ادين لهم بفضل كبير وقليل من المساوئ الموجودة في كل مكان اسال الله دوام نعمتة علي
ممكن ترتب على حسب الالوية نايل موتورز _ العمل _ الاصدقاء _ الزوجة والابناء _ النوم حطيتي حاجات مايفعش نقارنها ببعض يعني ماينفعش اقارن اولادي بنايل موتورز بالعمل بس كلهم ليهم نفس النسبة من حياتي ما عدا النوم لاني بنام قليل جدا
ممكن نعرف رأيك في كل عضو من الاعضاء التاليين سبعاوي - احمد ابراهيم _ شاركي - نادر - شنوري - دكتور احمد عبد الغني - محمد ممدوح - احمد سو- حسام حسن سبعاوي اللي مايعرفوش من قريب خسر كتير بس يا رب يفضى شوية اخي الاكبر استاذ احمد ابراهيم تمنيت كثيرا من الله ان يرزقني باخ اكبر ووجدته اخيرا والحمد لله شاركي اخي الاصغر العصبي دائما ابو عمر وعلى حبايبي وهاسفرة فرنسا قريب على حساب التوكيل طبعا نادر بجدد شخصية نادره لكل من اسمه نصيب قليل لما تلاقي حد حقاني وحيادي كدة بس لو يبطل اختفائتة دي ربنا يرزقة بزوجة عشان يبطل يشمت فينا شنوري اثبتلي ان كل يوم اسكندرية بعرف منها راجل بالف راجل وجدع بالف جدع هو بس لو يبطل كمية الضحك اللي بيضحكهالي دي كل ماقرى مشاركاته يبقي كدة فل دكتور احمد عبد الغني بيثبتلي ان التواضع من شيم الكرام مش ممكن وانت معاه تقول ان ده مدرس مساعد في كلية طب من تواضعة وادبة ممدوح حبيب قلبي فاضل يشيل عقلة ويحط مكانة كرنك كفاية عربيات ممكن نتكلم في اي حاجة تانية بقي بس بصراحة الله ينور احمد سو ربنا يبارك لاهلة فيه انسان محترم وذوق واتمنى اكون عرفتة من زمان حسام حسن عارفة لما تقولي ايييييي تلاقي في حد واقف في ضهرك بيسندك اهو ده حسام حسن متقلقش هديلك وقت اضافي علشان تلحق تجاوب وحلقتك مفتوحة كلمة موجزة عن المرأة بوجه عام
المرأة هيا النقيضين
كل حاجة في الدنيا دي تجمع بين النقيضين تعرفي انها المرأة
الحب بشدة لدرجة الجنون والكره بشدة لدرجة الانتقام
اشد درجات الحنان واعنف درجات القسوة
الذكاء المطلق والغباء الخام
اقوى ما فيها اضعف ما فيها (دموعها)
لو قعدت اتكلم عنها سنين مش هاعرف اوصف النقيض اللي شوفته في حياتي على ايدها
يبقى الصمت ابلغ كلام
والحبيبة بوجه خاص الحبيبه لازم الواحد يكون محظوظ جدا عشان يلاقي حبيبة بجد تدى بدون حدود وتستاهل تاخد مني كل شيء
كريم منير ممكن يحب اكتر من واحدة في وقت واحد مفيش انسان عاقل ممكن يعمل كدة واما بيكون بيضحك على نفسة
ايه اغرب 3 صدف حصلت في حياتك هاكتفي بذكر صدفه واحدة والتانية هاحتفظ بيها لنفسي تكون بيني وبين شخص هنا في المنتدى عارف انها صدفة عجيبة زي اللي جاية بالظبط: من سنة ونص اتسرق النوتبوك بتاعي من غرفتي في شركتي وقت ماكنت بصلى الضهر في مسجد الشركة وبعد ماطلعت وفي اثناء التحقيقات صديق لي عمال يكلمني وانا بكنسل علية وبعد شوية يقولي ان اخوة اشترى نوتبوك مستعمل بسعر لقطة وبعد مانزلو ويندوز لقو صور عيالي علية ولو كنت رديت كانو قفشو الحرامي لانه كان بيتصل يسالني عن الماركة(لينوفو) لانه عارف ان شركتي ماتجبيش غير IBM (صاحبي وجاري ده مايعرفش انا شغال فين وصاحب شكرة كمبيوترات في مصر الجديدة واتعرضت لمشاكل غبية بسبب الموضوع لانه اتعرف في الشغل ولولا انهم عارفني كويس كان اثر على سمعتي
انت حبيت كام مرة في حياتك مش عارف تصدقي كريم انت ممكن تعاكس في التليفونات او غير التليفونات
عملتها مرة واحدة في حياتي اتصال تليفوني خاطئ (وليس معاكسة)وقادني لمعرفة اعتز بها كثيرا لكن غير التليفونات دي حماقة وسفه اللي بيعاكس ده عندة كمية مركبات نقص محترمة
مقولة مشهورة الزواج شر لابد منه ايه رأيك في المقولة دي شكلك ناوية على خراب بيتي
هل انت مقتنع بالصداقة بين الرجل والمرأة كالصداقة بين قط وفأر ياورد مين علمك تجرح ,,, لمين توجه هذه العباره ؟؟ لكل واحدة ماصانتش نعمة حب انسان وتضحيتة عشانها
من يوم بعدك وانا قلبي مكسور وحزين محتار مش عارف الدنيا وخداني لفين صعبان على قلبي فراقك طب هاعمل ايه جوايا حنين علشانك ازاي اداريه طمني عليك قول فين الاقيك مشتاق لعينيك وبموت من شوقي ليك وازاي انا اعيش لو مش وياك ... مش قادر انساك حسيت الاحاسيس دي قبل كدة .... حسيتها ووجعتني بغباء وراح وقتها والحمد لله على نعمة النسيان
كام مرة مقدرتش تحبس دموعك كتيررررررر ماتعديش ضعيف جدا قدام مواقف الموت وخاصة وقت الدفن اصعب الم هو الم الفراق وكتير بتشوفي بني ادمين بيموتوا وهما عايشين يا رب تكون الرسالة وصلت
عمرك حسيت انك ملكش لازمة في الحياة او عمرك تمنيت الموت ...
بعد الشر عليك وربنا يديك الصحة وطول العمر لاء والحمد لله ايماني اقوى من كدة بكتير
ايه الحاجة اللي ممكن تخليك تنفجر من الغضب الخيانة والتغابى وليس الغباء
لا احتملهم اطلاقا
شخص تفتقده من عضاء المنتدى,, من هو ؟؟ المهاتما هانى ادام
واسلام المصرى
فعلا وحشتوني
قرار اتخذته بسرعه وبعدين ندمت عليه ؟؟؟ كان من قريب مش هاقدر احكية لكن لومت نفسي كتير على التسرع والغباء اللحظي اللي وقعت فيه
لا اسمع لا ارى لا اتكلم ,, متى تطبق هذه المقوله بحياتك ؟؟ اكرة السلبية واكره هذة المقولة تماما لكن احيانا امام القوة الغاشمة المستبدة الطاغية لا مفر من السكوت المؤقت حتى مرور العاصفة
ماهو اكثر شي يحرجك ؟؟ الاطراء لو الزمان عاد يوما . ماالشي الذي ستفعله مره اخرى ومالشيء الذي لن تفعله مره اخرى ؟؟ ما سأفعله هو انشاء نايل موتورز من جديد لان الصحبة دي من اغلى النعم في الوجود اللي مش هاعمله بقي كتيرررررررررررررر ياترى حسيت بالاحراج من اسئلتي طبعا
وايه اكتر سؤال احرجك مقولة مشهورة
الزواج شر لابد منه
ايه رأيك في المقولة دي
وايه السؤال اللي كنت تتمنى تحذفه ومتجاوبش عليه بتاع الصدفة
معلش مقدرتش اقوم بواجب الضيافة على اكمل وجه علشان الادارة قللت ادراج الصور ل 10 بس اتفضل ميلك شيك بل بيه ريقك علشان تستعد للاجابة
المفضلات