الموضوع: حوار من القلب للقلب - الجزء الأول

المشاركة الأصلية كتبت بواسطة shnory

بص يا كريم يا حبيبي
لو انت شفت مني او من غيري جدعنه او حاجه كويسه فده مش علشان انا كويس لا علشان انت اللي تستاهل
لو انت شايف اني بالف راجل جدع فده يبقي علشان انت تستاهل ان الف راجل يقفوا جنبك ويلبوا اي حاجه انت تطلبها
ربنا يبارك فيك وميحرمنيش من صداقه واخوه راجل محترم زيك
وفعلا انا معملتش غير اللي انت تستاهله
اتمني من ربنا انه يديم صداقتك عليا نعمه
وبالنسبه للضحك فاخر موضوع كنا مع بعض فيه كان بتاع (هو ايه اللي تم)هههههههههههههههههه ومفيش داعي نسيح لبعض
احب اقولك في الاخر
اني ليا الشرف اني اعرفك
ولما تيجي سيرتك بقول للناس الراجل ده صاحبي
واكلت معاه عيش وملح
بس كان مدور وبيقرمش فاكره ولا افكرك :k45:
مش عارف اقولك ايه بجد يوفيك حقك
ربنا يخليك لبيتك ولعيالك ولنايل موتورز
بعد كده حيغيروها بدل ما يقولوا مشربتتش من نيلها حيقولوا مسجلتش في نايل موتورزها

ربنا يكرمك يا باشا
ده انا اللي ليا الشرف اني اعرفك

المشاركة الأصلية كتبت بواسطة aif

كام سؤال ع الماشي
...
كم ساعة يستغرق منك نايل موتورز يوميا ؟
الصبح في الشغل بفتح وارش ميه وابص هناك مش هنا (في حفر الباطن) زي ما مسمية او اودة الاشراف
اصبح عليهم واقولهم يا ريت محدش يعوزني النهاردة وبالمناسبة دي احب اقول اني بقاللي كتير قوي مش مشرف ووحشني الاشراف بجد يلا دوام الحال من المحال
وبعد كدة بمعدل كل ساعة ابص بصة والبريك بتاعي قدام نايل موتورز وفي البيت اساسي ساعتين تلاتة وكمان لو برة افتح من الميني نوتبوك بس مابحبش ادخل من الموبيال غير للضرورة
حوالي من 6 الى 8 ساعات توتال تايم

هل كنت تتوقع لنايل موتورز النجاح بهذا القدر ؟
الحقيقة ايون ولسه متوقعلة اكتر
متى كانت اكتر الاوقات العصيبة في المنتدي ؟
بعد انشاء المنتدى وكان هوجة هوائية بدون قواعد ولما ناس مشيت على هواها كان لازم وقفة وارساء قواعد وهيكلة تنظيمية للمكان وده اللي حصل وخلى المكان يمشي صح بعد كدة والقواعد بقت تتطبق على الكبير قبل الصغير وانا شخصيا خدت وقف حوالي 24 ساعة لاني كنت متعصب جدا وفقدت اعصابي بجد وكان لازم اتوقف عشان ماتهورش اكتر

لو فعل ابنك ( ربنا يحميه هو واخته ويحفظهملك ) نفس حركات الشقاوة بتاعتك وانت صغير ... تقدر تستحمله ....يعني لو جيت من الشغل راح طالع على سور البلكونة عشان يشاورلك .. مثلا يعني ... ح تعمل ايه معاه ؟؟؟؟
شوف محدش كان شقي زيي وانا صغير بجد ووريت اهلي النجوم وبقو ماشيين يكلمو نفسهم فبقيت تقبل حاجات بشعة من ابني وبمناسبة البلكون قفلتها الوميتال لاني كنت بعملها وانا صغير وبمتمشى على سور البلكونة ومش عارف الناس كانت بتصرخ ليه تحت
ناس مجانين
نيييهههههههههههههه
من هو ارخم شخصية في نايل موتورز ؟؟؟؟؟ ... سؤال اجباري
الشخصية اللي كان اسمه طارق درايفر الموقوف الملحد ده
شخص ملحد احنا مش عايزينة كل يوم يدخل بعضوية شكل
ربنا يهدية
كريم منير بقى رئيس جمهورية لمدة يوم .... وقدامك 3 قرارات بس قبل ما تفوق من الحلم ... ايه هما ال 3 قرارات ؟
جاوب لغاية ما اشوفلك غيرهم ...... ده انا منتظر الحلقه دي من ايام حلقة نهى الله يمسيها بالخير

شوف بقى
اسئلة عادية اه لكن سجن والذي منه لاء يا عم كدة مش لاعب
بس انا احب اقولك حاجة
انا بترعب من من الحديث كلكم راع وكلكم مسئول عن رعيتة
عشان كدة ماقدرش امسك مكان يجي واحد يسئلنى فيه قدام ربنا انت سبتني انام عريان ولا من غير اكل ولا اموت من البرد ومن المرض
يا ريت تكون الرسالة وصلت

المشاركة الأصلية كتبت بواسطة MTAK

اما بالنسبه لنجم الحلقه
انا عايز اقول ان اكيد ربنا بيحبنى انى فتحت على حلقة كريم باشا
بجد واحد من الناس للى تفرح انك تعرفه و لو حتى معرفه سطحيه فما بالك لو تحت سطحيه فى الاعماق يعنى لب الارض
للأسف ممكن ما اعرفش اسأله غدا
و كمان لا اجرؤ ان اسئله اليوم لسببين
اولهم ان وكيل النيابه الحاج احمد "اللى بجد بحبه كل يوم اكتر و اكتر" قفل بابا المناقشه
لذا لا اجرؤ على قول بم
او بم بم الا اذاا كان بيقدم جوايز
ثانيا
لا يوجد عندى سؤال محدد لكريم
كل ما اريد ان اقوله له
جزاك الله عنا خيرا

بجد جزانا واياك وانا اللي كسبت كتير قوي بمعرفة شخصية جادة ومحترمة ومؤدبة ولا تخاف في الحق لومة لائم زيك
اشوفك على خير

المشاركة الأصلية كتبت بواسطة bee

نايل موتورز .. كان اقصى طموح ليك يكون ايه ..
وبقى اقفصى طموحك ليه ايه ؟؟

كان اقصى طموحي منتدي سيارت
وحاليا اقصى طموحي انه يكون مؤسسة ضخمة تهتم بتوعية الفكر بالمرور والسيارت في مصر
مقابلة اسكندرية ..
اتوقعت ايه وحصل .. ومتوقعتش ايه وبردو حصل ههههههه ؟؟؟
توقعت حضور قوي وصحبة حلوة ويوم ظريف زي كل مقابلات نايل موتورز
متوقعتش حضور ناس حلوة كتير زي احمد ابراهيم باشا واستاذ جمال وجم وكانت احلى مفاجأة

اكتر فترة تعبت فيها عشان خاطر المنتدى ؟؟
الفترة الماضية دي خاصة اخر 9 شهور

اكتر عضو بتحس انه بيشيل عنك ؟؟
بصراحة مفيش دايما بفضل شايل الهم على دماغي

احب عضو إلى قلبك .. ؟؟
كل نايل موتورز وكل شخص احبني في الله
كفاية وهرجع تاني

يا ريت مفيش تاني بقي

المشاركة الأصلية كتبت بواسطة نور القمر

بسكوتاية يا جميلة انا معنديش مانع خالص اكون ضيفه في البرنامج
ان شاء الله هانت كلها حوالي 3000 عضو وابقه ضيفة بعدهم

لاء يا فندم
كما تدين تدااااااااااااااااااان
نييييييييهههههههههههههههه ههه