الموضوع: حوار من القلب للقلب - الجزء الأول

واضح عشان بروح متاخر كل يوم هاسيب الشغل شوية وارد

المشاركة الأصلية كتبت بواسطة نور القمر

بما انك كنت شقي جدا زي ما قلت
احكي لنا شوية من ذكريات الطفولة الشقيه و شاركنا في موضوعي ذكريات الطفولة
هاحاول اشوفه فين واشارك فيه ان شاء الله
انت استخدمت الصاعق قبل كدة
اكتر من مرة للاسف سواقين الميكروباصات مستفذين فعلا
ايه اكتر حاجة ممكن تستفزك وانت سايق
التغابي
تلاقي الطريق رايح جاي وقف في طريقنا يجي واحد من ورايا يطلع في وش اللي جاي
خلصت وانتهى الطريق لانه لما الطريق يبدأ يتحرك يصاب بالشلل بسبب الغباء اللي عمله صاحبنا هو واللي وراه واللي وراه وفي الغالب اللي جنبه بيدخلة قدامه عشان الطريق يمشى لكن انا لو ادغدغ عربيتي مش هادخلة قدامي
وايه اكتر حاجة بتستفزك في الشارع المصري عموماً
الفوضى
نمتلك اكبر كمية فوضى وتتمثل في في شوارع مصر والناس عندها لا مبالاة بشعة
ايه رايك في سواقة الستات
حسنه حسن وقبيحه قبيح
اعرف بنات وستات كتيييير بيسوقو اجدع من اجدع راجل
من اول بنات خالتي لغاية زميلاتي في العمل
واعرف عربيات بتتطوح وتعمل حوادث وتوقف شوارع واحياء بسبب سواقة ست(ست اشهر)

ممكن لو شوفت ست عربيتها عطلانه في طريق مقطوع ممكن تساعدها ولا هتخاف يكون كمين عصابة
ماقدرش امشي ماتسالنيش ليه حتى لو متوقع انه كمين بنزل عامل احتياطي بقفل عربيتي كويس وبسلح نفسي باي حاجة وانا نازل(صاعق-امريكان ستيك-اللي يجي في ايدي هو وبختة
وببص كويس لان كتير قوي الوضع بيبقى بيقول انا كمين يا غبي افهم
واسواء موقف لما كنت فوق كوبري المطار وكليو عطلانة بواحدة عند الملف وموقفة صلاح سالم وراها لغاية كوبري الجلاء
طلعت القاطرة وهاقطرها وكنت مرعوب في المنزل تلبس فيا
هل انت متسامح .. ولا بتشيل في قلبك ؟؟؟
مابعرفش اشيل في قلبي بخلص اول باول
امته ممكن تكدب؟؟
اولا عشان محرجش اللي قدامي او احسسه انه اقل مني
لو واحدة ست (وحشة) قالتلي هو انا وحشة-لازم ابص الاسلحة اللي في ايدها او المنصب بتاعها
عامة المواقف اللي زي دي
تحب المظاهر .. يعني بتحب تلبس ماركات في الملابس والساعات مثلا ولا المهم حاجة كويسه وخلاص
مابعرفش حاجة كويسة وخلاص للاسف نفسي اعرف اعمل كدة
بس عادة بستغل فترة التنزيلات (بيتخرب بيتي فيها) ومش اي ماركة وخلاص
بس عامة الحاجات دي تمنها فيها
بس ساعات الواحد بيجي حاجات من دي بتسد عن الميكانيكي والمشاوير اللي مالهاش لازمة
واما مش هانزل عند الميكانيكي بالتمبرلاند والاديداس
ده يشتغلني وش
لو عندي هدوم مقطعة بلبسها عشان اصعب عليها
نيييههههههههههههههه

شوية كدة بسيطة على ما افكر لك في غيرهم

يا رب ما تفتكري تاني

المشاركة الأصلية كتبت بواسطة ahmed_su

حبيبى كريم منير ....

انت وقعت ولا الهوا اللى رماك ....

أقدر اقول ان نور الصعيدية بلدياتى لبدتلك
فى الدرة وجابت رجلك - برافو عليها والله

الحقيقة انا مابعرفش أختار اسئلة زى بقيت الاخوة الافاضل

بس ممكن اقولك انى بجد حبيتك فى الله ...

بدون ان اراك ولما شوفتك فى فترة لم تتجاوز الساعة وجدت انسان دمث الخلق

خدوم ويضع الله نصب عينه فى كل تصرفته والمقبلة دى اكدت انطباعى اللى خدته عنك

من قبل ماشوفك .....

كل ده احراج يا عم كفاية بقي انا اقل من كدة بكتير

ماعلينا علشان ما نخرجش عن موضوع الحلقة المميزة ... خد ياسيدى عندك

دراستك ايه؟ وهل هى كنت ما تتمنى ان تدرسه ؟ واذا كانت الاجابة نعم يبقى ليه؟
انا خريج تربية كمبيوتر وتكنلوجيا معلومات جامعة الازهر ولو كنت
وفعلا هيا اللي كنت بتمنى ادرسه بس كان نفسي في هندسة كمبيوتر بس الحمد لله ربنا يسامحها الفيزياء
ليه بقي عشان انا من عشاق الكمبيوتر وكنت بشتغل فيه من زمان شغل بجد من وانا في ثانوي
واول ما دخلت جامعة المعيدين في اولى كليه كانو بيسبولي السكاشن ويقعدو جنب الطلبة يسمع اللي بقولة
وكنت رئيس الشعبة بتاعتي 3 سنين ورا بعض ورابع سنة سبتها زهق وقرف
وكنت الوحيد اللي بياخد الدرجات النهائية في العملي
في النظري بقي ربنا المعين عشان مابعرفش احفظ

واذا كانت لاء طيب كان نفسك تدرس ايه؟
مبيعات وتسويق

ونفس الكلام السابق بس عن الشغل ؟
الحمد لله اشتغلت في مجال دراستي لكن حاليا سبته عشان زهقت من اليوزرز وقرفهم ودلعهم كأن الناس بتوع ال IT فاضل يعملوهلم مساج
مانت في الليلة وعارف

لو كان فيه امكانية تعيش بره مصر ... تفضل تكون البلد ايه؟ وليه؟
سبق الاجابة عنه

بتحب القطط ؟ هل ربيت قط قبل كده ؟ وايه شعورك تجاهه اذا مرض او فقد ؟

ربيت جميع انواع الحيوانات من الكلاب والعصافير للتماسيح والورل والحرابي والاسماك
والقطط بشكل خاص ماليش ميل ناحيتها قوي بس كانت عندي لمدة سنتين
بس كان اغلى حاجة ربيتها العصافير والحمام وخاصة الحمام
نفسي ايامه ترجع تاني
كان عندي شوية فصايل
الحمد لله دوام الحال من المحال

عربيتك التيوتا بتمثلك ايه؟ وهى دى اللى كان نفسك فيها؟ ولا كان ليك رغبات اخرى؟
عربيتي ايدي ورجلي لاني كتير الحركة
كان نفسي في حاجات تانية زي مازدا 3 والنترا وبيمر 2001 وغيرهم
بس الكرولا كانت ابعد اختيار اختارتة لانها بتعني (راحة واعتمادية واعادة بيع جيدة) وكل كلمة يتكتب فيها سطور

الجواز والمسؤليه تجاه البيت والاولاد بعدتك عن هوياتك ؟ ولا فيه توازن بينهم؟
هوايتي الاساسية القراءة والكمبيوتر وما يخصة
المسئولية بعدتني عن الكمبيوتر لكن القراءة لاء
دي ادمان
حقنة لازم اخدها يوميا

بتلاقى وقت تقراءة كتاب؟ امتى؟
بلاقي
فين (امنعو الضحك)
في التواليت
ربنا يكفيك شر زن العيال

ايه اقصى مايمكنك عمله لانقاذ انسان فى محنة او ورطة مثلا؟ يعنى ممكن توصل لحد فين؟
توصل لغاية فوق ما تتخيل بكتير
وقت وراحة وفلوس مش مهم
ده بني ادام في ورطة
لدرجة خناقات في البيت عشان انزل في وقت متاخر او وانا تعبان او او
وتاجر بالنيات بقي واحتسبها عن المولى

"اتقى شر من احسنت اليه" ...هل هذه المقولة تحققت معك؟ وكان ايه شعورك تجاه من احسنت اليه واساء اليك.
كتيررررررررر
هو بيبقى في شعور وقتها
بتبقى عايز تقلع اللي في رجلك وتديلة فوق دماغة بس هانحسبها دنيا ولا اخرة عشان وقتها تفرق

ماهى اسوء طباعك ...التى تخلصت منها ؟ والتى لم تتخلص منها؟

اعتذر عن الاجابة عشان محدش بيشوف عيوبة صح
انا شايفها تافهة وهيا عندك كبيرة
والعكس
بس بحب اللي ينقدني نقد بناء مش نقد اعابة

انتهت الاسئلة ......جاوب

الاسئلة اللى فاتت مش فذلكة , بقدر ماهى بتنورلنا الطريق لمعرفة شخصيتك.

تمنياتى لك بدوام التوفيق

ربنا يجازيك كل خير

المشاركة الأصلية كتبت بواسطة BASKOTA

انا سكت خالص اهو اكتر من كده هبقا سوابق

اتفضل حاجة بسيطة لحد ماتفكر فى الاجابات

ممكن كام سؤال بسيط كده

21-هل تؤمن بالفكر الراسمالي ام الاشتراكى ولماذا؟
باومن بالفكر الاسلامي في المعاملات

22-كيف تشارك فى الحياة السياسية؟
بحاول بس مش كتير
23-هل فكرت فى انشاء حزب؟
اطلاقا
24-ايه رايك لو اقترحت عليك انشاء حزب باسم نايل موتورز؟
لاء طبعا عشان هايفقد هويته
ممكن جمعية غير هادفة للربح
حزب لاء
25-انت اهلاوى ولا زملكاوى؟
اهلاوي بس مش متابع لاني لي ميول تانية غير الكرة
26-لو رشحت لوزارة الاقتصاد هتكون ايه خطتك وهتغير ايه؟ولو وزارعة الصناعة ؟
الاقتصاد ليه ناس وانا مش منهم
الزراعة في مصر بتمر بكارثة حقيقية ونفسي احوالها تتعدل بس انا اصولي مش من ارياف عشان كدة مش هاحس بيهم قوي زي واحد منهم
الصناعة لاء
لو وزارة التجارة وخاصة لو تجارة خارجية اعمل فيها احلى شغل ان شاء الله
الزهيمر مش راضى يسيبنى هحاول افتكر...

ماتنساش تقنع نور بالحلقة القادمة الجمهور مستنى الاعلان المؤكد عن الحلقة اوعى تزوغ منك.

يا رب تفضلي زهايمر
نور هاتيجي هاتيجي هاتروح مننا فين

المشاركة الأصلية كتبت بواسطة muslimah_dentist

بقالى كتير ماردتش على موضوع فى نايل موتورز بس علطول بأدخل و أطمن على الجميع من بعيد لبعيد ، بس بصراحة أما شوفت موضوعى المُفضل و لقيته كمان مع الأستاذ الفاضل كريم منير قلت لازم أشارك.

أحيى نور على انها قدرت تستضيف الأستاذ كريم منير و أحيه هو شخصيا على اجاباته المتميزة .
.

ربنا يجازيك كل خير يا مسلمة ونتمنى نشوف مشاركاتك المتمبزة منورة المنتدى دايما

المشاركة الأصلية كتبت بواسطة Hassan Khalil

كريــــــــــــــــــــــ ـــم
لقيت حلقتك قلت اخش اسلم عليك و علي الحبايب
و طبعا سلام قوي جدا لصاحبة البرنامج نور باشا
:)
تحياتي للجميع

حبيب قلبي حسن باشا
واحشنى والله
ايش حال ازهرية زي بعض
نفسي اشوفك يا اخي واقعد معاك شوية
اشوفك على خير

المشاركة الأصلية كتبت بواسطة Moh.Abdelbaset

منور الحلقة يا أ/كريم
معنديش أسئلة أسئلها
بس حبيت أقولك والله إتي أحبك في الله
وأتمنى أحضر مقابلة علشان أتشرف بمعرفتك
وربنا يجمعنا مع بعض في الجنة مع كل الأعضاء إن شاء الله

محمد باشا
احبك الذي احببتني فيه
وانا كمان اتنى اشوفك قريب ان شاء الله واتشرف بيك