أولا شهاده لله محمد شنورى من أجدع الشخصيات اللى قابلتها مش فى المنتدى بس لأ فى حياتى عموما ولإنى مش شايف كلمه جدعنه دى توفيه حقه نعتبر كلمه جدعنه تعادل رجوله وإخلاص وأخلاق وتواضع وخفه دم !!
نيجى بقى للمهم...
شنورى....
بتحب مصر ؟ بعشق تراب مصر
أيه هى مصر وايه هى أسكندريه بالنسبالك ؟ مصر هي العماره واسكندريه الشقه اللي قاعدين فيها علي البحر وانت في القاهره تعتبر قاعد عندنا علي السطوح ولا منك طايل البحر ولا منك منتمي لاسكندريه هههههه
ليه مكونتش أسره لغايه دلوقتى؟ على رأى زكيه زكريا ..إنت مرتبط ؟ مكونتش اسره لحد دلوقتي علشان لسه مجاش النصيب كمان انا من النوع اللي بيتعلم من غلطات غيره ههههههههههههههههه وكفايه عليك كده وبلاش اسئله محرجه انا حاولت اكون اسره بس محصلش نصيب
يا ترى لو جاتلك فرصه سفلر هتسافر؟ جالي كتير ورفضت
لو إتعرض عليك مرتب محترم ومكان مرموق تبقى وموظف ولا برضه تحب تبقى حر؟ علي حسب نوعيه البني ادمين اللي حتعامل معاهم سواء حيكون اعلي مني او اقل مني في المنصب
إنت راضى عن نفسك؟ احيانا
كان نفسك تكون ايه وانت صغير؟ كبير
أيه من أحلامك اتحقق وايه ما اتحققش؟ 90% من احلامي اتحققت حتي لو بجزء بسيط كان نفسي يكون عندي عربيه غاليه وبقي عندي عربيه معقوله كان نفسي يكون عندي مشروع كبير وبقي عندي مشروع معقول نوعا ما وقيس علي كده كل احلامي
تقبل تتجوز واحده مستواها الاجتماعى اعلى او أقل منك بكتير؟ انا اللي حتجوزها يبقي تعيش في مستوايا ايا كان طالما وافقت يبقي تستحمل الحلو والوحش
تقبل تتجوز واحده مستواها العلمي أقل او اعلى منك بكتير؟ اتجوز واحده مستواها الفكري كويس بغض النظر عن شهادتها بس يكون مستوي تعليمها وثقافتها معقول
لو والدتك حكمت عليك بواحده معينه ترضيها وتتجوزها حتى لو مش عجباك؟ اولا انا والدتي متفاهمين لدرجه كبيره وبعتبرها اختي وصاحبتي وعموما انا مبعملش حاجه غصب عني مهما حصل اللي جايبلي عروسه ومش عاجباني وشايفها لقطه يتجوزها هو وغير كده احنا متفقين في البيت ان كل واحد يختار علشان يستحمل نتيجه اختياره ههههههههههههههههههههههههه
إمتى تحس بأنك مش لاقى رد وعاجز عن الكلام؟ دلوقتي
امتى تحس بالعجز وقله الحيله؟ وانا بجاوب علي اسئلتك ومش طايل رقبتك يا اشرف ومفيش مقابلات بكره إمتى تبقى فى أحسن حالاتك؟ لما اعمل حاجه بحبها او اشتري حاجه عاجباني او ارتاح نفسيا واكيد لما بقعد معاكم في المقابلات بكون مرتاح جدا
تعمل ايه لو كنت مخنوق ومتضايق؟ بسكت ومش بتكلم مع حد علشان منفجرش وازعل مني حد ملهوش زنب لو ليه زنب وغالي عليا بسكت برضه
فكرت تبطل سجاير؟ فكرت ابطل سجاير بس السجاير مرضيتش تبطلني ومره قولت ابطلها والعب رياضه فلقيت الرياضه متعبه فبدل الوقت اللي بيضيع في الرياضه اهو اشرب فيه سجاير واعمل اي حاجه تانيه
لو النت فصل عندك اسبوع تعمل ايه فيه؟ حصلت مره قبل كده وروحت الشركه واتفاهمت معاهم بكل هدوءوحلولي المشكله
لو مسكت الحكومه لمده يوم تعمل ايه وتمنع ايه؟ حقتل كل اللي ممكن يسيبني منصبي حته المنع دي صعبه شويه لاني لما اشوف الدنيا من فوق غير لما اشوفها من تحت زي ما ممكن تمنع ابنك عن الشيكولاته وهو مش فاهم انت منعته ليه وحاسس بالظلم بس لما يكبر حيعرف فاكيد ساعتها حقدر اقرر لان ممكن امنع حاجه وتطلع زي الحديده المصديه اللي شكلها وحش بس سانده مصيبه كبيره ممكن تقع علي دماغي
دي بقا تصبيرة كدة على الماشي
لحد ما تيجي باقي الاسئلة
اتغذى كويس
عشان عقلك يستوعب ويعرف يجاوب
تسلم ايدك يا نور والله يا ريت لو تضربيهم كلهم في الخلاط وتحطيهم في برميل واشرب انا واتظبط
المشاركة الأصلية كتبت بواسطة baskota
هى نور القمر فين؟؟؟؟؟؟؟؟
هربت من ارض المعركة قصدى البرنامج
منور الحوار والبرنامج يا محمد
اتفضل حاجة حلوة
سمعت ان نور القمر هربت بره البلد لما حست بفرق الاغتيال بتحوم حوالين بيتها
تسلم ايدك يا بسكوته علي الحلو
بس هل دا ايس كريم ولا جاتوه علشان شكله يدي بين ده وده
وهل لو هو ايس كريم ليه معليهوش بسكوت وعليه شيكولاته
والله انتم عملتولي هسهس
لاول مره من سنين اقعد في سيبر
جيت البيت قولت انزل اشوف مقطعينني بانهي اسئله بس لاقيتكم كلكم نايمين
عموما اشوفكم يوم السبت لان بكره المقابله حيث الماء والاكل والوجه الحسن
حسالكم سؤال قبل ما امشي ويا ريت لما ارجع تكونوا جاوبتوني عليه
ليه لما برد في مواضيع كتير محدش بيرد بعد مني
اتمني الاجابه حتي لو كانت حتزعلني بس فعلا عاوز اعرف ليه
يلا اسيبكم مع سؤالي واشوفكم يوم السبت علي خير
بعد مناوره الاسكندرانيه
ماشاء الله ماشاء الله انزل وسط البلد كام ساعه اجي الاقي الحلقة شغاله انتم مايتخافش عليكم والله خلاص انا عينت بسكوتة مذيع على دكة الاحتياطي الله يرحم زمان متوريزر بدأ حلقة قبل ما ابدأها انا هريته شوك شنوري هقعد امزمز في الساقع والفيشار واشوف ايه ناقص واسأله انا وبعدين صحيح انت جهزت الفيشار لحلقة احمد سو بس هيروح مننا فين وحياتك بعديك مباشرة
انا ما بدأتش الحلقة يا نور من غيرك انا بس عملت الاعلان
هم بقا ما صدقوا لقوا شنورى وبدأوا الاسئلة واللى قص شريط الاسئلة العضو الهارب من البرنامج استاذ احمد سو
ولحد دلوقتى دى كلها اسئلة خفيفة واحنا فى انتظار اسئلة مذيعة البرنامج المتالقة نور القمر انا كمان كنت هسأل نفس السؤال ده يا شنورى ليه لما بتشارك فى موضوع بتسوده حالة صمت لفترة ومحدش بيدخل يرد بعدك؟؟؟؟؟؟؟؟؟؟ احنا فى انتظار اجابة الاعضاء على سؤالك....
واستغلالا لعدم وجود شنورى وانشغاله بأعمال مقابلة اسكندرية ومادام هو احد ضيوف البرنامج وبعد اذنك يانور انا هسيبله نموذج اسئلة بسكوتة لضيوف حوار من القلب مع تجنب الاسئلة اللى حضرتك جاوبت عليها وههرب بعد كده وانتى بطلى هرب وارجعى بقا وورينا اسئلتك
اتفضل عشان تركز وانت بتجاوب
شوية اسئلة صغننين
1- ماهى طموحاتك فى حياتك الشخصية والعملية؟ 2-ماهو الحلم الذى حققته والحلم الذى تسعى الى تحققه؟ 3-مامعنى هذه الكلمات لديك
الوطن
الغربة
المستقبل
الاسرة
الامان
العمل
الحياة
الحب
نايل موتورز
4-متى تكون اتلوحدة هى اختيارك؟ 5-فيما تفكر وانت وحيدا امام البحر؟ 6-ما الحب الذى لا ينساه محمد الشنورى؟ 7-هل انت الان فى حالة حب؟ 8-ما الذكرى التى لا ترغب فى نسيانها؟ 9-ما الذى لا تتخلى عنه بكنوز الدنيا؟ وما الذى تتخلى عنه بدون ثمن؟ 10-ماهى اولويات الحياة عند محمد الشنورى؟ 11-اذا اختيرت لمنصب وزير اى وزارة تختار ولماذا وماهى خطة العمل لديك؟ 12-بما انك من مدمنى نايل موتورز ماهى طموحاتك لنايل موتورز؟ 13-الصداقة عند محمد الشنورى؟ 14- من هم اصدقاءمحمد؟ 15-كيف تقضى وقت فراغك اذا كان فى وقت فراغ اصلا؟ 16-ماهى هواياتك ورياضتك المفضلة؟ 17-هل تؤمن بالفكر الرأسمالى ام الاشتراكى زلماذا؟ 18-كيف تشارك فى الحياة السياسية؟ 19-لو رشحت لوزارة الاقتصاد هتكون ايه خطتك؟ولو وزارة الصناعة؟ يلا جاوب على دول لحد ما باقى الاسئلة توصل
مش هربانه يا بنتي وهاهرب ليه ده كله الا شنوري معقولة يعني اضيع حلقته هوقعد يجمع في فيشار وساقع لكل ضيف يجي ولازم نرد له واجب الضيافة انا بس قلت لسه عندي وقت مدام مش هايقدر يدخل النهاردة عشان مقابلة اليكس وبعدين عايزة امخمخ له في اسأله سبيشيال وخصوصا ان اسئلة كتير اتسألها هروح امخمخ ورجعالكم
المفضلات