الموضوع: حوار من القلب للقلب - الجزء الأول

المشاركة الأصلية كتبت بواسطة baskota

انا ما بدأتش الحلقة يا نور من غيرك انا بس عملت الاعلان

هم بقا ما صدقوا لقوا شنورى وبدأوا الاسئلة واللى قص شريط الاسئلة العضو الهارب من البرنامج استاذ احمد سو

ولحد دلوقتى دى كلها اسئلة خفيفة واحنا فى انتظار اسئلة مذيعة البرنامج المتالقة نور القمر
انا كمان كنت هسأل نفس السؤال ده يا شنورى ليه لما بتشارك فى موضوع بتسوده حالة صمت لفترة ومحدش بيدخل يرد بعدك؟؟؟؟؟؟؟؟؟؟
احنا فى انتظار اجابة الاعضاء على سؤالك....

واستغلالا لعدم وجود شنورى وانشغاله بأعمال مقابلة اسكندرية
ومادام هو احد ضيوف البرنامج وبعد اذنك يانور انا هسيبله نموذج اسئلة بسكوتة لضيوف حوار من القلب مع تجنب الاسئلة اللى حضرتك جاوبت عليها وههرب بعد كده
وانتى بطلى هرب وارجعى بقا وورينا اسئلتك

اتفضل عشان تركز وانت بتجاوب



بيتهيالي اني محتاج حاجه اقوي من كده علشان اركز في الموضوع ده
شوية اسئلة صغننين

1- ماهى طموحاتك فى حياتك الشخصية والعملية؟
طموحي اني اعمل مشروع اكبر من اللي انا فيه او حتي اوسع مشروعي الحالي شويه
بس ظروف السوق مش مشجعاني اني اخد قرار اثق فيه بصراحه
2-ماهو الحلم الذى حققته والحلم الذى تسعى الى تحققه؟ جاوبت علي السؤال ده قبل كده
والحلم الي بسعي لتحقيقه حقولكم عليه لما احققه
3-مامعنى هذه الكلمات لديك

• الوطن ..... هو كل حاجه حواليا بحلوها ووحشها ولو كنت نشات قس بلد غير مصر ككنت حتعايش معاها برضه زي ما انا متعايش في مصر
• الغربة ...كرهتها لما لقيت ناس بترمي نفسها في التهلكه علشان تسافر (تزوير -تنازل عن اخلاقيات -ذل)طبعا كلامي عن حالات معينه شوفتها بكتره مش لاي حد بس في النهايه الغربه بتقسي القلب
• المستقبل..... في علم الله
• الاسرة......هي صله الدم اللي ما بعدها اي صله ولا تعوض بكنوز الكون
• الامان.......بحاول اوفره وبتمني احس بيه علطول
• العمل.......اثبات للذات
• الحياة.......امل
• الحب.......لو انتهي حنتحول لصخور صماء
• نايل موتورز.....حبيب قلبي وواخد وقتي وادماني وبيتي التاني

4-متى تكون اتلوحدة هى اختيارك؟ ....ساعه حساب نفسي وفي الاخر بنصب علي روحي ومش بدفع الحساب ...ساعه اكتئابي ....ساعه عصبيتي وبختار الوحده لما بكون في حاله ممكن كلامي يزعل حد مني ودا بيكون دايما وانا متعصب جدا
5-فيما تفكر وانت وحيدا امام البحر؟.... شريط حياتي
6-ما الحب الذى لا ينساه محمد الشنورى؟ ....مفيش حب نسيته بنسي الجروح وصعب افتكرها او بمعني تاني بتناساها
7-هل انت الان فى حالة حب؟انا دائما في حاله حب بشتغل بدافع حبي لشغلي بخرج بدافع حبي لاصحابي
8-ما الذكرى التى لا ترغب فى نسيانها؟..... كل ذكري اتعلمت منها حاجه الذكريات هي الخبرات فلوس نسيتها يبقي انا متعلمتش حاجه في الدنيا
9-ما الذى لا تتخلى عنه بكنوز الدنيا؟ ....وما الذى تتخلى عنه بدون ثمن؟حاجات كتير مكن اختار منها كمثال الصداقه وممكن اتخلي عنها بدون ثمن بعد استنزاف كل المحاولات للبقاء عليها
10-ماهى اولويات الحياة عند محمد الشنورى؟ ....بتختلف باختلاف الظروف والموقف وتخضع للمرونه
11-اذا اختيرت لمنصب وزير اى وزارة تختار ولماذا وماهى خطة العمل لديك؟....وزاره التخطيط العمراني وانسف كل المدن المزدحمه ونخطط الاماكن الي محدش معبرها في بلدنا اللي زي ما تكون فيها نفايات مشعه زي الصحاري اللي ماليه بلدنا ماهي اصلا المدن دي كانت صحرا يبقي مش مستحيل لما نعمل من الصحراي الكتير اللي عندنا مدن تانيه ونعمرها ونستغل كل المساحه في حاجه مفيده
12-بما انك من مدمنى نايل موتورز ماهى طموحاتك لنايل موتورز؟....ان ييجي يوم ونلاقي مكتوب في الجرايد تغطيه مقابله نايل موتورز وتم الحديث مع فلان وفلان وتدت دعوه فلان من ققبل رجل الاعمل الفلاني
ووجه فلان من نايل موتتورز ردا شديد اللهجه لفلان مدير توكيلات السيارات الفلانيه
13-الصداقة عند محمد الشنورى؟ جوهره بحاول احافظ عليها
14- من هم اصدقاءمحمد؟ هما نفسهم اللي محمد صديقهم اخاف يسقط اسم من ذاكرتي مش حسامح نفسي ساعتها
15-كيف تقضى وقت فراغك اذا كان فى وقت فراغ اصلا؟ انا علطول قاعد في الشغل ووقت الفراغ بيكون في نفس المكان لو مفيش حاجه ممكن تتعمل بره المحل وطبعا كل وقتي بقعده علي ناييل موتورز حتي لو مفيش وقت فراغ
16-ماهى هواياتك ورياضتك المفضلة؟ وانا عندي 8 سنين كنت بعشق الرمايه بابا الله يرحمه جابلي بندقيه رش ولحد النهارده بعشق الرمايه ومع نايل موتورز حبيت السياراتوكنت زمان بحب صيد الاسماك واحيانا بتهف عليا اقري شعر وبعشق قصائد الغزل والهجاء والتفاخر خصوصا في الشعر الجاهلي
17-هل تؤمن بالفكر الرأسمالى ام الاشتراكى زلماذا؟اؤمن بالراسماليه لما يكون فيه حسن اتخاذ للقرار
والاشتراكيه مع جزء كبير من شعبنا والدكتاتوريه لما يكون كل واحد بيحاول يقلد فلان علشان فلان عمل مشروع وشغال يبقي انا اعمل زيه واحاربه في اكل عيشه وساعتها بيبهدل الدنيا علي فلان اللي شغال وعلي نفسه
18-كيف تشارك فى الحياة السياسية؟ محايد بتحفظ
19-لو رشحت لوزارة الاقتصاد هتكون ايه خطتك؟ولو وزارة الصناعة؟....لا كفايه عليكي كده
يلا جاوب على دول لحد ما باقى الاسئلة توصل

كفاااااايه حرااااااااااااااااام
انا اول مره في حياتي اتسئل الاسئله دي والعجيب اني برد عليها
يلا كل واحد وليه يوم
وعموما هو واحد بس اللي حيحاسب علي كل اللي بنتم بتعملوه فيا ده وهو عارف نفسه كويس
واول حرف من اسمه نور واخر حرف القمر