الموضوع: حوار من القلب للقلب - الجزء الأول

المشاركة الأصلية كتبت بواسطة معاذ الشرباصى

ايمن حبيب قلبى فى كرسى الاعتراف

على فكرة يا جماعة ايمن قريبى, و اتعرفنا على بعض عن طريق المنتدى, يعنى مكناش نعرف بعض قبل كده :)

انا بقى عاوزكم تتوصوا بيه فى موضوع الابراج ده, لأنى عارف انه مهتم بيه زيادة حبتين

أوزى بــــاشــــا...ايه الاخبار ان شاء الله كل حاجه تمام

كلنا تبع العائله -الشرباصيـــه-...الصراحه المنتدى حصلى فيهم كام صدفه واتعرفت على معاذ ... المفروض كلنا عيله واحده بس ماتشرفتش بمعرفته غير هنا...


اوزى بـــاشـــا تحب اقولك على كام صفه عن برج القوس والمتوافقين معك ونسبه توافقك مع الابراج الصينيه وبرجك الطالع.....



بجد انا سعيد جدا جدا جدا جــــــــــــــــــدا بمرورك>>>مش قريبى بقى


وبجد نورت الموضوع يا أوزى باشا

وهأبقى ازورك لما تتزنق فى الكرسى ان شاء الله:k10:

المشاركة الأصلية كتبت بواسطة Noha.M

انا حسيت برده انه مينفعش ميبقاش قريبك


معلش يا ايمن معاذ وصانا عليك اهو و بصراحة انا مقدرش أأخر لمعاذ طلب

فأنا هسألك كام سؤال كدة صغننين بخصوص الابراج عشان انا كمان بحب اقرا فى صفات الابراج و كدة , بس مش بقرا الكلام بتاع حظك اليوم و كدة اكيد عشان حرام ....

ها...

يلاا بيناا؟؟؟ .... يلااا بينااااااااا:k49:

اولا انا برج الثور , ممكن اعرف ايه مواصفات البرج دة و ايه سلبياته و ايجابياته و لو حبيت واحدة و طلعت برج الثور ممكن تكمل معاها ولا لأ ؟؟

اوكى نبدأ بقى ...توكلنا على الله

اولا ..الشخصيه تتضمن البرج الغربى +البرج الصينى + برج الطالع + طبعا النشأه والتربيه = الصفات الشخصيه

برج الثـــور : برج من الفئه الترابيه...وتتميز الابرج الترابيه بالواقعيه والهدوء والصبر

انثى برج الثور: عندها من الصبر والاحتمال ما يُـثير العجب ...إذا اضطرت إلى تحمّل المسؤوليات قامت بواجبها على أتم وجه وبالرغم من قوة شخصيتها الا انها تحب تأخد راى الرجل فى كل امورها انها تحب تهتم وتحافظ على انثوتها.....من ميزاتها سهولة التكيـّف مع الناس شرط أن يكونوا بسطاء وصادقين مع أنفسهم وبعيدين عن الادعاء , عندما تحب تقف بجانب حبيها فى الحزن والفرح...وعندما تكره تبتعد فى صمت . أي بكلام آخر لا مكان في نفسها للحقد أو الكراهية أو الحسد ....امرأة برج الثور ذكية فطنة , تستطيع المشاركة في الأحاديث الجدية والمناقشات العلمية والسياسية , لكنها قلما تطمح إلى خوض هذا الميدان >>>>يعنى بالرغم من امكانياتها العلميه والعمليه إلا انها تحب الاستقرار والبيت والعيله....بتحب اللون الازرق ومشتقاته واللون الوردى ....فنانة , تهوى الموسيقى والرسم والغناء , وتزور المعارض والمتاحف باستمرار . تستهويها الأماكن الطبيعية الجميلة ....ثم إنها لا تعرف الميوعة أو الشكوى ... فهي من النوع الذي يصبر على الشدائد ولا يتخلى قيد شعرة عن التفاؤل والطموح . وهي أيضا من النوع الذي لا يُضنيه عمل النهار أو سهر الليل . يُمكن الاعتماد عليها كما يُعتمد على الساعة الدقيقة أو الآلة الحاسبة التي لا تخطيء . بيتها فسيح كقلبها , فيه مكان للأقارب والأصدقاء والجيران ....عصبيه وساعات كتيره ممكن تفجر غضبها فناس مالهمش علاقه بأى حاجه...بس الناس بيتغاضوا عن الصفه دى لما تمتلكه من قلب طيب....ماديه قليلا...بتحب تصرف على نفسها كويس اوووى...وبتحب تجيب احسن حاجه لنفسها

ايه رايك ...كفـــايه كده...ولو كنتى جبتيلى السنه واليوم والساعه ومكان الميلاد...كنت جبيتلك حاجات مفصله اكتر ونسبه توافقك مع الابراج

هو عموما مع برج العذراء فى توافق كبير ...العذراء بيحب فيكى الطيبه والعقل ...وانتى بتحبى فيه قلبه الطيب واهتمامه بيكى

وانا فعلا بنات برج الثور...وهابقى استنى رايك فى الكلام ده...وكام نسبه الصح اللى فيه

ملحوظه:انا ياحماعه مش مجنون ابراج اووى كده<<<والله كل ده ومش مجنون دانت جبيتلنا الصداع:k20:


انت ممكن فعلا تقفش من حد لو طلع نسبة التوافق بينه و بين برجك ضعيفة ولا مش بتحط في دماغك و المهم الشخصية ؟



هو انا بدات احاول دلوقتى اشيل الموضوع من دماغى لانى فعلا جالى وقت قبل ما اسأل حد على اسمه اساله انت مولود شهر كام...بس بالتجارب فى بعض الابراج مش هينفع اتعامل معاهم فلما بعرف حد من تلك الابرج مش بتعدى حد معين معاه...واكيد فى الاول والاخير الشخصيه وممكن تطلع مختلفه خالص عن اللى كنت متوقعه


مين الابراج اللى فعلا نسبة التفاهم بينك و بينهم ضايعة و كل شوية الايام تثبتلك انه فعلا مفيش فايدة فى التفاهم مع اصحاب البرج دة؟؟ ( اوعي يطلع الثور )


اوكى الميزان...السرطان(مع انهم طيبين يقال انهم رومانسيين جدا) بس مش عارف مافيش توافق...

وفى توافق مع الجدى بنات و اولاد...الحوت والثور بنات....الدلو ولاد احيانا...والباقى عادى

وفى ناس بتكرهنى زى الحوت ولاد. او مش يتظرفنى مثلا...والبنت******...لا خلاص كده ... انا شكلى قولت كلام كتير مش ظريف:k41:

نسيبنا بقا من الابراج و نرجع للاسئلة التانية:k47:>>>احسن خلى اللى فى القلب فى القلب


يا ترى ايه اكتر لون بتحبه فى الجين 2؟ و هل دة اللون اللى حجزته فعلا؟
000000

اى لون مكتوب جنبه -جيــــن2- بحبه....انا بس مش بحب الاسود والاحمر مش على الجين2 ...بس انا مش بحبهم من نفسى كده...وانا حاجز لون رمادى بس الرمادى اللى جه مصر مش دا اللى كنت عاوزه...هنقول ايه فى عمايل -عز- دى بقى0




مين اللى اقنعك بالجين 2؟ و ايه اللى حببك فيها اوى؟ و ايه عيوبها من وحجهة نظرك؟



اولا استاذ/تــــوت عنخ امـــون هو اللى خلانى اقتنع واعشق حاجه اسمها جين2...وبعدها حصل توافق معاها ومن ساعتها بحبها...مافيش سبب معين خلانى احبها بس انا فجاه لقيتها قدامى وفجاه لقتينى بحبها وبعد كده بقى بقيت ادرس مميزاتها وعيوبها...ولقيتها مناسبنى تماما ليا....

عيوبها...تقفيلها من جوا مش ظريف اووى...بس عاجبنى...الواحد وهو واخداها لازم يبص ويجرب اى حاجه عشان فيها مشاكل كتيره فى التقفيل.....من كتر حلاوتها محسوده ياعينى دايما...بس كده...وكل العيوب دى لاتمثل اى اهميه ليـــا


بتفضل المانيوال ولا الاوتوماتيك؟ و ليه؟؟


اوتو ..عشان الزحمه

مين اكتر ممثل/ ممثلة بيستفزوك ؟ و ليه؟



استغفر الله العظيم ...اللى اسمه #محمد سعد#..بكرهه من ساعة ماطلع ومش نازلى خالص وكمان -محمود قابيل-تامر هجرس-ابن المخرج اسماعيل عبد الحافظ...اثار الحكيم لما كبرت بقيت تعمل حاجات غريبه مش زى زمان...انا كنت بحبها زمان

مين المطرب/ المطربة اللى مش بتحبهم ؟



العربى اوووف اللى البتاعه دى اللى اسمها -سعد الصغير-وكل بتوع الشعبى الجديد دوول..مطربه -دينا حايك-

مطرب تركى اسمه سيردار ....ومطربه تركيه اسمها داميت

ايه رأيك فى الكيا السيراتو( اشكر فيهاااا ) و الماتيريا؟
(تكلم بلااا خوف :k20:)

سيراتوسيراتو سيراتو سيراتو...هو فى زى السيراتو... دانا ماجبيتش غير السيراتو<<<ايه رايك

الماتيريا...شكلها غريب وظريف ودا يخلينى ممكن اقتنيها..بعد دراسه مميزاتها وعيوبها


ايه اكتر اماكن ( كافيهات )بتحب تخرج فييها مع صحابك؟ ولا بتحب أعدة الاكشاك اكتر؟ ؟ و ايه هو الكشك المفضل عند ايمن؟؟




هو انا مش من هواة قعدة الكافيهات اووى..بس فيه كافيه لذيذ فى مصطفى النحاس...وفى كام مطعم وكافيه فى ابو داود بحب اقعد فيهم...والاكشاك حسب الظروف فى واحد عند -عمر افندى- دايما مش عارف ليه بقعد عنده ...بس مافيش حاجه عندى رسميه ..وفى كشك باردوا فى ابو داود...وفى كمان محل بقاله صغير قى ابو داوا بحب اقعد قدامه


بتعرف تطبخ؟؟ عمرك عملت اى اكلة قبل كدة؟ طلعت حلوة ولا وحشة ؟؟

انا قعدت لوحدى 4 سنين لحد دلوقتى ...واكيد ارغمت انى اتعلم اعمل اى حاجه عشان لما ننتزنق.....انا ممكن تقولى كل انواع الطبيخ والرز والمكرونات (من غير باشميل طبعا) ...واللى نفسك فيه...وبعرف اعمل -اندومى بالفراخ- اكلتى المفضله لما مايكونش فى حاجه تتأكل...وبصفه عامه اكلى حسب راى الناس اللى اكلوه مش وحش ومش حلو يعنى يسد وخلاص

عمرك دخلت ديسكوتيك ؟؟

لا خـــالــص...

ايــــه ده الاسئله خلصت

لا انا عاوز تــــانـــى

الف شكر يانهى بـــاشـــا على الاسئله الجامده...ويارب ماكونش خرفت عشان انا دلوقتى عينى عماله تقفل لوحدها ومش عارف انا بكتب ايه بالضبط

تحيــــــــــــــــــاتــ ــى لحضـــــــــــــــــرتـــ ـــــــك

وعلى انتظـــــــــــــــــــا لو فى اى اسئله للأعضاء الكـــرام

المشاركة الأصلية كتبت بواسطة Ayman_52

ايــــه ده الاسئله خلصت

لا انا عاوز تــــانـــى

الف شكر يانهى بـــاشـــا على الاسئله الجامده...ويارب ماكونش خرفت عشان انا دلوقتى عينى عماله تقفل لوحدها ومش عارف انا بكتب ايه بالضبط

تحيــــــــــــــــــاتــ ــى لحضـــــــــــــــــرتـــ ـــــــك

وعلى انتظـــــــــــــــــــا لو فى اى اسئله للأعضاء الكـــرام

على فكرة انت حاطط مواصفات كأنك بتوصفنى وحياة ربنا انا فعلا كدة سواء بالعيوب او المميزات انا مش عارفة انت جبت الكلام دة ازاى اول مرة فعلا الاقي وصف دقيق كدة . معلم والله يا ايمن

ربنا يباركلك و يكرمك و يفرحك بالجين و انت تستاهل كل خيرو اتمنى انى مكنش زهقتك بالاسئلة و بجد موش عاوزين الحوار يخلص معاك بس تقريبا انت منورنا بكرة


بجد يا ايمن انت راجل زى الفل و انا بجد عاوزة اشكر بودي عشان عرفنا بشخصية جميلة كدة زيييك

أيمن باشا
السلام عليكم ورحمة الله وبركاته

مش هطول عليك

إيه معنى النجاح عند أيمن ؟؟؟


تفتكر الفلوس ولا المنصب أهم في الشغل ؟؟؟


مين اكتر إنسان أثر في حياتك سلباً ؟؟


نفس السؤال الي فات بس إيجاباً ؟؟ ؟


لو مصر بلد محترمة وفيها قطارات سريعة زي أوربا كان ممكن متشتريش عربية ؟؟


وأخيراً وليس آخراً ..
ايه رأيك في فكرة الجواز في ظل الظروف المطينة طيييين دي ؟؟

شكرا يا باشا في انتظار ردودك الممتعة

المشاركة الأصلية كتبت بواسطة OlaOsman

و انا باقول برضه ياخوانا صعب يكون فيه اتنين شرباصي في المنتدى و مش قرايب

صــــــــــباح الفـــــــــل يــا استاذه / عــــــــلا

انا بس حبيت القـــى التحيه على حضرتك...والصراحه مرورك نور الموضوع

ولـــو عند حضـــرتـــك اى اسئـــله...هـــاكون سعيد جدا

تحيــــاتــــى لحضــــــــــرتــــك

ايمن انت كنت مش متشجع اوي تشترك معانا
بس حقيقي والله يا ايمن حلقتك مميزة وجميلة فعلا وردودك في منتهى الجمال والتلقائية والصدق
يارب متكنش قاعد تضحك على كلامي دلوقت زي ما كنت بتضحك على كلام مدرس الانشاء
وان سعيدة ان البرنامج كان سبب انك تتعرف على زميل قديم


ايمن اسمح لي عندنا يوم السبت فاضي لان حسن خليل عايز حد واثنين لحلقته علشان يكون متفرغ
ان شاء الله السبت تكلمة للحلقة الرائعه بتاع ايمن
اللي نفسو لسه اسأله يتفضل


معاذ الشرباصي ان شاء الله هيكون معانا قريب في الحلقات الجديدة كفاية انه صاحب فكرة يومين لكل ضيف وخلانا نستمتع اكتر مع ضيوفنا
في انتظار ايمن للاجابة على باقي الاعضاء

الف شكر بجد على كلامك الجميــــل

واحلى ماكان فى الحلقه اسئله حضـــرتــك...والاعضاء بجد اللى اتشرفت بيهم جدا ...ويـــارب ماكنتش خنيق على حد


طب كويس انى قاعد يوم كمان...اصل الصراحه الكرسى مريحنى...شكلك جايبه من الغــــالى....هو انا ممكن اخده وانا مــــاشى ...ولا فى حد حاجزه قبــــلى

حوار جامد يا أيمن باشا ....... بجد البرنامج بيخلينا نتعرف اكتر على أعضاء المنتدى ....... يا خوفي يا نور تروحي قناة دريم و لا O-tv

منـــــــــور يابــــاشـــا والله ...ومرورك اسعـــــــدنــى

وانا بجد اللى سعيد جدا بأنى وسط الناس الجميله دى كلها...

بس ايه مافيش اسئله ولا ايه...لا لا لا لازم سؤالين عالماشى كده<<<<انت مابتشبعش

تحيــــــــــــــــاتــــ ـــــــى لحضـــــــــــــــرتـــــ ــــــــــــــك

أيمن باشا
حقيقة أجوبتك زي العسل و الضيوف قايمين بالواجب معاك وزيادة انا مش لاقي أسألة ..
بس فيه سؤال صغير .. تفتكر الموضوع اللي أحرجك في الإنشاء كان عن إيه و لو تقدر تكتبلنا باختصار انتا كتبت فيه إيه ؟؟

زميـــــــــــل الكفـــــــــــــــــاح

ربنا يكرمـــــــك على ذوقك وكلامك اللى زى العســـــــــل (اسم عسل دايما يتكرر بينا ..عاىف ليه؟؟؟)......وبخصوص الموضوع الصراحه ولا الهوا انا فــاكر الموقف نفسه انما مش فاكر الموضوع عن ايه....اللى فاكره انى انا اسلوبى بيضحك فى الكتابه...تحس اسلوب واحد بتاع حضانه كده....وهو بقى شغال يفسر كلامى على انه كلام مهم وكل شويه يقول شوف ترابط الموضوع ..

وانا ولا كلمه من اللى بيقولها كنت قصدها....بس الصراحه كـــان استاذ طيــــب ...ومحترم...

انت صحيح اتزنقت هنا قبل كده...ولا لسه هتتزنق...اصل الصراحه عندى اسئله نفسى اسئلهالك وانت مزنوق هنــــــــــــا؟؟؟

الــــــــــــف شكــــــــــــــر ياباشا على اسئله حضرتــــــــك ..اللى بتفكرنـــا بأيـأم الجيزه

وعلى انتظــــــــــار اى اسئله من الاعضـــــــــــاء الكـــــــــــــــــرام