الموضوع: حوار من القلب للقلب - الجزء الأول

المشاركة الأصلية كتبت بواسطة bee

أستاذ حسن
في البداية أحب أقولك انا بحب اسم حسن جداااااااااا ربنا يباركلك فيه :)

* ربنا يباركلك .. و انا شاكر جدا لذوق حضرتك .. و اشكرك علي مشاركتك في اللي بيحصلي :(

ونقول بسم الله
بسم الله

بما اننا في منتدى عربيات ..

1- ايه أكتر عربية نفسك فيها (وربنا يوعدك بيها) ؟؟
عموما انا بحب المفهوم اللي بيقول
Small But Loaded
و موضوع اكثر عربية بحبها بيختلف من وقت لاخر .. لكن حاليا .. المرسيدس 280c


2- مين عرفك ع المنتدى ؟؟
عرفته من جوجل .. :)

3-من أحب شخصية على قلبك من المنتدى ؟؟؟
ااااااااااااااه ..و لا اي حد :k41:
لا لا طبعا ...
كل المنتدي احبابي ..صعب اقول اسماء .. علشان محدش يزعل و ازعل انا بعد كده ...لكن كل قسم هنا ليا فيه ناس باحبهم و احترمهم ..
حتي و ان لم يكن بيننا حوار او اهتمام مشترك

قسم المطبخ :

1-بتعرف تطبخ ؟؟
كلا بتا

2-إيه الأكلة اللي ممكن تنافس أي حد في عمايلها لو بتعرف ؟؟
باسلق بيض .. باسلق خضار في ميه مش شوربة .. باسلق مكرونة .. باحرق العيش... باحرق المطبخ .. باولع في الشقة
. 3- مقتنع ان الرجالة بيطبخوا أحسن من الستات ؟؟؟
النقطة دي بشهادة الستات نفسهم .. و بص علي الهيد شيف في الفنادق و المطاعم الكبيرة .. و انت تعرف ...
عموما هما الستات بيتنططوا علينا بموضوع الطبيخ ده .. لكن احنا لو اتعلمناه .. خلاص .. لن يقف امامنا شئ بعد الان ..حيبقي بس فاضل علينا الغسيل و المواعين بس :)


قسم الاجتماعي :

1-بتحب الافلام العربي ولا الاجنبي ؟؟
الاجنبي ..و قليل من العربي

وليه؟؟
قصة افضل .. مخدومة اكثر .. موسيقي افضل .. حبكة درامية افضل ..اداء افضل ..تمويل افضل ..امكانات افضل ..الخ الخ

2- إيه الفيلم الي مهما اتفرجت عليه بيضحكك ؟؟
شغلتك علي المدفع بروروروم يا عسكري :)
high school high

3- عاجبك حال السينما دلوقتي إجمالا ولا لأ ؟؟ ؟
السينما في مصر الان حالها افغضل كثيرا من فترة الثمانينات و اوائل التسعينات .. حيث انه يمكن ببساطة القول علي افلام تلك المرحلة انها افلام ... هابطة..
الوضع دلوقتي احسن كتير ..
فلوس كتير دخلت للمجال ..تكنولوجي افضل .. و ادوات اخراجية جديدة .. و البعض بيحاول ينقل التجارب الامريكية و الاوروبية عندنا .. و ساعات الموضوع بينجح .. و ساعات لأ ..
لكن اجمالا .. اعتقد ان الوضع الان افضل ..

احلي حاجة عندك انك عامل اقسام للاسئلة ...
ايوه كده .. انا باقدر الشخص المرتب ..تسلم يا كبير البورسعيدية ..

اديني حبة و ارجع اكمل باقي الاسئلة
شكرا علي مشاركتك الجميلة يا بي :)

صديقي كبير البورسعيدية .. معلش اخدت اسئلتك علي مرتين ..
و الان اسمحلي ادخل علي القسم العاطفي :k1:

المشاركة الأصلية كتبت بواسطة bee

قسم العواطف :

1- أخبار الحب الأول إيه ؟؟ حقيقي ولا مراهقة ؟؟
مراهقة ... بس كان حلو بحلوه و ارفه.. و الحمد لله .. ظبطت نفسي سريعا و مخلتهوش يطول . :)

2- هل الإنسان العاطفي ضعيف في هذا الزمن ؟؟
لا .. الانسان العاطفي مش ضعيف ..الا لما يسيب العاطفة فقط هي اللي تمشيه .. بمعني اغفال العقل تماما... ساعتها حيكون ضعيف تماما.. و غير قادر علي اتخاذ اي قرار صحيح لأنه لا يري حقائق .

3-هل الرومانسية تتغلب على المال لدى بنات اليوم من وجهة نظر حضرتك ؟؟
:) :)
موضوع بنات اليوم ده تسأل عليه رجال اليوم ..انا من رجال الامس ..:)
لكن ..اعتقد .. ان كل بنت مهما كانت واقعية و بتفكر بعقلها ..فيها جانب رومانسي مش قليل ..
الفرق بين بنت و التانية .. امتي الجانب الرومانسي ده يظهر ؟؟
عند البعض ..الجانب ده بيظهر اول ما بتقابل الولد او تتعرف عليه . و دي انسانة علاقتها معاه مش حتعمر .. لانها بتستنزف جانبها العاطفي بدري بدري .. و في نفس الوقت مش بتحط اساس قوي للعلاقة يمكن الاتكاء عليه اذا غابت الرومانسية ...
و عند البعض الاخر .. اتزان ما بين العاطفة و العقل .. و لا مانع من تغليب العاطفة علي العقل ( بمقدار ) لطبيعة كونها انثي ..و عاطفتها هي ما تزيدها جمالا ..
هذه الحالة هي اللي حياتها مع رفيق حياتها حتعمر و حتعيش .. لانها مدركة ان الحياة مش كلها رومانسية .. و في نفس الوقت قادرة علي تعويض هذا الجانب لزوجها لما ( يتطحن ) في الحياة .
( مش عارف انا قدرت اوصل الفكرة و اللا لأ ..عموما ده رأي شخصي مبني علي خبرة ضعيفة )


كفاية كده دلوقتي :k41:
في انتظار حضرتك وحلقة سعيدة بإذن الله

اشكرك علي مشاركتك الجميلة يا بيييييييي
بس انت لسه ما خلصتش .. في انتظار الباقي
تحياتي .. و تشكراتي

المشاركة الأصلية كتبت بواسطة Noha.M

اهلااااااااااااا اهلاااااااااااااااا حسن باشااااااااااااا ايه دة هو انت النهاردة؟؟ :k18:

بجد فرحت جدا لما عرفت انك انت اللى منورنا النهاردة , بجد برافو عليكي يا نووور انك عرفتيه تجيبلنا حسسن باشاااا

انا لسة صاحية و معملتش الاست مورنينج بتاعتى هعملها و اجيييلك

ربنا يبارك فيكي يا اونا .. و شكرا علي الترحيب الحااااااار
و لغاية ما اوصل للاسئلة بتاعتك ..
عايزك تحضريللي كام سؤال جامدين كده .. الاسئلة اللي انتي حطاها دي تؤتؤ خالص
اتوصي كده بكام سؤال جامدين .. بس الله يخليكي ما تتوصيش اوي

المشاركة الأصلية كتبت بواسطة Noha.M

ههههههههههه

قدها يا حسن؟؟؟؟

و قدرتي تقولي قدها يا حسن ...
ده تحدي بأه
ايه ده ..
انتي نسيتي انا مين .. دا انا برج الاسد .. فين الاسد اللي عندكم ييجي يشوف اللي بيحصل لصاحبة الاسد ..

طيب بصي بأه .. اعملي اللي انت.........

و اللا اقولك ....
امممممم
اديني عينة من الاسئلة كده الاول ...
و اللا لما اجاوب اللي انتي كاتباه الاول ابقي اشوف الباقي ...

شوفتي خرجت من التحدي منتصر ازاي ... هع

المشاركة الأصلية كتبت بواسطة SE_coralsea

ممكن أخر الطابور يبقي أوله

ههههههههههههه في تار بايت بينكم ولا حاجة

سبعاوي باشا اخيرا شرفنا بالحضور
حقيقي الموضوع نور بوجودك
وعلى فكرة يا جماعه انا وعدتكم بمفاجأة قريب
هي بصراحة لغاية دلوقت مفاجأتين ان لم يجد جديد
قريب اوي هنستضيف الاستاذ كريم منير وسبعاوي باشا
يعني سنوا السكاكين وحضروا الرشاشات