انا جيت
حمد لله على السلامة اسفه اتأخرت عن افتتاح الحلقة وفي البداية احب ارحب بحسن خليل صديقنا العزيز اللي غايب بئالو كتير
اضم صوتى ليكى بالترحيب بحسن باشا حبيبى
ودلوقت احلى ترحيب بضيفنا الجديد اللي استناناه كتير
ahmed_su
اسمح لي اقدم لك احلى باقة ورد
باقة ورد جميلة شكرا على الترحيب الجميل طبعا بما انك بلدياتي اول حاجة احب اسألك عنها هي عروس الصعيد (( المنيا )) ماذا تمثل لاحمد اسماعيل
أجمل ايام الطفولة وبداية الشباب والذكريات الجميلة ومقر الاهل
ياترى تتمنى تعيش فيها لو لقيت فرص عمل مناسبة ولا شايف ان القاهرة افضل
اه ياريت اعيش هناك بس المنيا محافظة طاردة لاهلها فرص العمل هناك
محدودة للغاية ومش فى كل المجالات كمان
حضرتك اصلك من قرية ولا المدينة نفسها؟؟ ولومكنتش من قرية .. تتمنى لو تقدر تقيم فترة في احدى قرى المنيا الجميلة
لاء يافندم من مدينة المنيا نفسها ومن اسرة يمتهن اغلب افردها التدريس
بكافة مراحله من الابتدائى الى الجامعى وان كان البعض منهم
يمتلك بعض الاراضى الزراعية على حدود مدينة المنيا ولكن
لايمتهنو الزراعة وكنت اتمنى ان يكون لدى ارض زراعية
فهى تعنى الخير والنماء واكيد احب ان اقيم فترة من الوقت فى
احدى القرى للتمتع بالجو النقى ومنظرالخضرة الرائع بس بكره الناموس جدا
ربيت ابنائك على حب اصولهم الصعيدية ونميت فيهم الانتماء لبلدهم .. ولا الموضوع مش بالك؟؟ عادة انت بتربى ابنائك على مادرجتى عليه من قيم وتربية غرست فيك من والديك
وما اكتسبته فى نواحى عديدة من الحياة والتعليم والثقافة ومحيطى الاجتماعى
والاولاد لسه صغيرين شوية على ادراك حب والانتماء للاصول واعتقد انها بتكتسب مع
الوقت ولما يكبرو وتتضح ملامح شخصيتهم حضرتك قلت في مشاركة في موضوع تاني ان زوجتك اعجبت بالمنيا .. ياترى ممكن يكون عندها رغبة في الاقامة الدائمة هناك؟؟ ولا بتكتفي بالفسحة
كل من يرى هذه المدينة الجميلة يعجب بها وكل من يتعامل مع اهلها يرى منهم الود والدفىء
وفى كل شارع نمر به نجد من يعرفنى ويرحب بنا فكان عجبها الموضوع ده جدا
وكانت بتقولى ياريتنا كنا عيشين هنا جيت القاهرة وانت عندك كام سنة .. ولا مولودهنا اساسا؟؟
لاء يافندم انا من مواليد القاهرة ووالدى جاء هو وجدى الى القاهرة لما كان عمره 9 سنوات
للعمل والاقامة
بتروح المنيا كام مرة في السنة؟؟
كنت بروح مرة فى السنة دلوقت فى المناسبات فقط كزواج احد الاقارب المقربين اوى
الدنيا مشاغل
ايه اكتر حاجة بتحبها في نايل موتورز ؟؟ وتعتقد ايه سر ارتباطنا الغريب بالمنتدى ده بالذات؟؟
كل حاجة بحبها فى نيل موتورز كل الناس بشخصيتها المتابينة والمختلفة ....عالم جميل
بيجلى لحد البيت وانا قاعد مأنتخ بالشورط ... سر ارتبطنا بيه مجهول حتى الان
عندك انتى تفسير....؟؟؟؟!!!!!
بدون ردود دبلوماسية عايزة 5 اسماء لاعضاء بالمنتدى اقربهم الى قلبك
فى ناس اكتر من 5 بكتير شويتين ولكن احترما للسؤال
1-أحمد ابراهيم
2- نهى -اوننا (عضو سابق)
3-كريم منير
3-نور القمر
3- حسن خليل
4-أحمد سامى
5-أخيرا وليس اخر الاستاذ شنيورى
في مين من الاعضاء متعرفتش عليه شخصيا وتتمنى تشوفه ؟؟ برضو عايزة اسماءءءءءءءءء
حسن خليل - شنيورى -نادر-شاركى-نادرنبيل-أحمد سامى -نيل ستورم
ايه رأيك في القسم الاجتماعي .. في اعضاء مش قليلين ضد وجوده في منتدى متخصص بالسيارات.. تقولهم ايه
انا كنت ضده بس لما بقيت اقراء بعض موضوعاته حسيت بانى خدت عليه حكم مسبق
وان كانت فيه بعض الموضيع المستفزة واخرى اقل ماتوصف به انها هايفة بس مش وهبى
وفعلا انا الان مع الرأى اللى بيقول انه لولا الاجتماعى لتحول نيل موتورز الى ورشة كل
واحد يجى يشوف مصلحته ويخلع ومش هيتكون المجتمع التخيلى الجميل ده
لو كنت ادمن للمنتدى هتغير فيه ايه؟؟ اكيد اول حاجة هتغير كريم منير هههههههههه
مش هغير فيه حاجة بس هخلى فيه راى لنيل موتورزلانه للاسف فيه ناس كتير جدا بتفتى
عن جهل فى امور فنية والمنتدى له مصدقية كبيرة عند الناس فحرام حد ياخد الفتوى
وتكلفه جهد ومال وممكن تؤذيه كمان - فامتبقاش الامور على علتها واعتقد ان الادارة ابتدت تعمل حاجة زى كده
كلمة مش موجزة عن كل عضو
شنوري - كريم منير - احمد ابراهيم - حسن خليل - bee
شنورى ....الدم الخفيف وجدعنة ولاد البلد
كربم منير .... راجل محترم ومخلص لنيل موترز لاقصى درجة
أحمد إبراهيم.... الدنيا لسه بخير طالما فيها ناس من نوعيته
حسن خليل ....صديقى الجميل اللى مشوفتش رؤية العين
bee الدم الخفيف والموضيع اللذيذة
حضرتك اكيد تابعت معانا بعض من الحلقات السابقه .. ياترى في سؤال معين اتسأل لضيف اتمنيت انه ميجيش في بالي ولا بال حد من الاعضاء علشان مش عايز تتسأله؟؟
تابعت طبعا واكيد فيه واكيد مش هقول!!!!!
بما ان حضرتك تزوجت زواج تقليدي تنصح الشباب الاعزب بالزواج التقليدي ام الزواج عن حب
كل زيجة ليها ظروفها واللى ينطبق على حد مش ضرورى ينطبق على غيره
والزواج عن حب كويس والتقليدى كويس لان لو الامور طبيعية الحب هيجى باسرع ماتتخيلى
ممكن الرجل يحب اكثر من امرأة في وقت واحد
الراجل قلبه كبير - ممكن - بس انا مجربتش
ايه اللي ممكن يقتل الحب في قلب الرجل
حاجات كتيرة اوى وممكن يجاوب على دى ابو الشننانير
من وجهة نظرك ممكن في ظروف معينة انسان يحب شخص ويكرهه في نفس الوقت
ممكن
.. مثال....
مش فاكر دلوقت
لو عندك بنت وارتبطت عاطفيا بشاب كويس من كل النواحي هتوافق على زواجهم ولا هتعمل زي بعض الصعايدة اللي لسه موجودين وترفضه لمجرد ان كان بينهم عاطفة بريئة؟؟
الزمن اتغير ...وكمان بتقولى كويس من كل النواحى ايه المانع
وكمان البنت لسه عندها 6 سنيين
ايه اكتر 5 صفات ممكن تلفت انتباهك في امرأة سواء صفات شكلية او صفات في الشخصية
مافيش شك ان الجمال عامل اساسى فى لفت الانتباه للمراءة الوجه الجميل له فعل السحر
وبعد كده بتلاقى صفات حميدة كتير
زى الذكاء والحياء وان تكون مصغية جيدة لا متحدثة طول الوقت وان تتمتع باقل قدر ممكن من الزن والورعلى الودان لكل انسان ذكريات معينة يتمنى نسيانها .. ياترى سيادتك تتمنى تنسى ايه؟؟
ايه كتر حاجة بتحس انك مخنوق منها؟؟
ظلم الضعيف الغير قادر على رد الاذى سواء طقل اوسيدة او رجل كبير او حتى طيراو حيوان
ياترى سيادتك ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟
مابحبش يكون عندى مناطق مظلمة فى حياتى وعادة بأشرك من اثق بهم فى بعض الامور وان كان ده
لايمنع من احتفظ ببعض الاشياء لنفسى لانهم قديما قالو "السربين اتنين ضاع وبين تلاتة شاع"
جات عليك اوقات كنت تبكي وتضحك في نفس الوقت؟؟
اه جت بس ذهنى مش حاضر فيه حاجة اذكرها حاليا ....بجد
اوصف لنا نفسك بذكر 5 صفات حميدة و 5 صفات سيئة من وجهة نظرك
صعب اقول ..الصفات الحميدة هى يقولها من يتعامل معى مش انا
اما السيئة فكتير
العصبية الشديدة - العند فى بعض المواقف (بس الموضوع ده بدء يخف تدريجيا)
بأخذ الامور على اعصابى فبتعب لما ابتدى عمل معين بأبقى تنشن جدا حتى ينتهى بالصورة المطلوبة - انسان قلوق
ياترى بتتقبل نقد الاخرين ليك بصدر رحب ولا بتتضايق
مكدبش عليكى باتضيق بس بحاول مظهرش انى متضايق
بتحاول تصحح عيوب انت شايفها في نفسك او الاخرين شايفنها فيك .. ولا لأ
كتير جدا وكل مابيمر على الوقت بأحول اكون أفضل السن عليه عامل فى الحتة دى
كنت قلقان قبل بداية الحلقة من الاسئلة المحرجة ولا مش بيهمك؟؟
الاسئلة فى حد ذاتها مش بقلق منها
بس عادة انا مش ميال للظهور بحب اكون ورا الكواليس
احب اكون المخرج او المصور مش المذيع او الضيف يعنى اكون خلف الكاميرا مش امامها
ايه اكتر سؤال سألته لك حسيت انك محرج تجاوبه بصراحة وياترى جاوبته بصراحة
محستش باسئلة محرجة الحقيقة وانا صريح فى كل ما اقوله
كنت متوقع سؤال معين مني ومجاش في الامتحان
بعد كل ده ؟؟؟؟ معتقدش ان فيه اسئلة تانية ممكن تتسئل
المفضلات