الموضوع: حوار من القلب للقلب - الجزء الأول

المشاركة الأصلية كتبت بواسطة معاذ الشرباصى

طيب نسيبنا من السؤال الصهب اللى لم احصل على اجابة كاملة له

و نسأل سؤال تانى

دول شوية الاسئلة اللى افتكرتهم متأخر كده و الستارة بتنزل, معلش بقى يا دوك هنتعبك معانا

ليه بس يا دكترة ما أنا جاوبت :)... بص تاني : أيوه عليك مسئولية قصاد العيانين بس في نفس الوقت مش حتقدر تعمل حاجة قصاد الفساد اللي موجود ... ممكن تلاقي نفسك بتغضب ربنا ... رأيي انك ما تغضبش ربنا و تساعد الناس بطريقة تانية .... و لو شايف إن شغلك ما فيهوش أي شبهة تغضب ربنا يبقى كمل فيه .... أنا شخصيا وصلت لمرحلة حاسس إن اللي بيحصل حرام و أني مش قادر أكمل

دلوقت كنت سمعت اشاعات ان ابتداء من تطبيق اتفاقية الجات, هيبداوا يسمحوا للدكاترة بفتح عيادات فى غير بلادهم من دون اخذ موافقة نقابلة الاطباء او حاجة زى كده
مش اشاعات الكلام بجد بس مش عارفين حيطبق ازاي

لو سلمنا جدلا ان المووضع ده صحيح
حضرتك شايف فرصة الناس اللى موجودة فى البلد ايه؟
فرصة ضعيفة لو استمر الحال على ما هو عليه .... أي منتج محلي ... في حالتنا ديه منتج بشري إن جاز التعبير ... تخيل امكانية انه ينافس منتج عالمي لو ما فيش حماية داخلية للمنتج المحلي


طبعا فرصتنا فى منافسة اى دكتور فى بلده صعبة جدا, عكس الحال هنا فى مصر: يعنى مرة كان فى ناس اسيويين, قالوا عليهم دكاترة و انهم بيعالجوا السكر, و فتحوا عيادة فى مدينة نصر, و لك ان تتخيل الزحمة الرهيبة عليهم و الحجوزات بالشهور, و فى الاخر اتضح انهم نصابين
يعنى المريض بتاعنا عنده برضه عقدة الخواجة, فهل ده هياثر على الدكاترة المشهورين او الاكفاء هنا؟
حيأثر طبعا بس مدي التأثير حيختلف من شخص لاخر و من تخصص لاخر برضه


هل فعلا دور الطبيب بدا يقل بأستخدام الاجهزة و التكنولوجيا الحديثة؟ يعنى دلوقت فى روبوت فى غرفة العمليات يقوم بدور طاقم التمريض, فهل ممكن فى يوم من الايام الاستغناء عن الطبيب تماما؟
الدور ما بيقلش بس بيتغير و متطلبات المهنة بتتغير .... مثلا حاجة زاي مهاره اتخاذ القرار و مهارة التعامل مع الأجهزة الحديثة بقت ضرورية أكتر من الأول ... لا أعتقد إنه يمكن الأستغناء تماما عن العامل البشري ...على الأقل في المستقبل القريب

لو مضطر تمارس الطب فى مصر, تختار تمارسه فى اى مكان؟ حضرتك اذكر محافظة معينة و مستشفى معينة مع ذكر الاسباب طبعا
سؤال صعب ....... القاهرة....وادي النيل و دار الفؤاد ...مستشفيات فيها أمل انها تتحسن و امكانيات معقولة

هل فى سهولة فى التأقلم مع النظام الطبى فى كندا؟ يعنى هنا فى مصر زى ما حضرتك عارف مفيش نظام اصلا..... ازاى قدرت تتغلب على الموضوع ده؟ يعنى على سبيل المثال الدكاترة هنا فى مصر فى غرفة العمليات مبيحبوش يحطوا الماسك, لأنه بيضايقه , و اكيد انت عارف اكتر منى...... فهل من السهل بعد اما الواحد اتعلم او اتاسس على حاجات مش صح تماما, يتأقلم بسهولة مع الوضع الجديد
لا مش سهل طبعا ....و كل ما كبر البني أدم كل ما قدرته على التأقلم بتقل ...علشان كده اللي ناوي يطلع يبقى يطلع بدري بدري ;)

المشاركة الأصلية كتبت بواسطة 2hmed_7osam

مستر شيكو معلش اني جيت متأخر بس بجد قريت الحلقة من الاول كلها
واتمنى اني اتعرف على حضرتك اكتر مع الوقت ان شاء الله
مسز شيكو منورة المنتدى
عقبال ما نشوف الشيكوهات الصغنين ان شاء الله

تصبحو على خير كلكم ونشوفكم بكرا ان شاء الله

تصبح على ألف خير يا باشا و ألف شكر على تحليل الشخصية ... بجد أسعدني جدا ... ربنا يخليك يا جميل ... تحية مشتركة مني و من مسز شيكو

المشاركة الأصلية كتبت بواسطة نور القمر

غلطة في الموضوع وغلطة في المطبخ وغلطة في العجة وغلطة في تاريخ كأس العالم وما خفي كان اعظم هههههههههههههه ان شاء الله نعرف كل ما خفي في حلقة مسز شيكو قريب

كل بني أدم خطاء يا نور باشا .... ربنا حليم ستار

تحية خاصة عطرة مخلصة مني و من مسز شيكو :k10:

المشاركة الأصلية كتبت بواسطة Chicco

العفو يا باشا .... سعادتك بس أنوي و شرفنا في أي وقت صاحب بيت ..... للاسف يا صديقي الدنيا يمكن أسوأ من كده شوية و ما تزعلش من معاذ باشا .... أصلي أنا اللي بزن عليه و مش عايزه يضيع وقت :)

يا باشا ربنا يخليك...ذوق دايما...و مين عارف يمكن يحصل فى يوما ما...انا عارف الوضع اسوأ من كده بكتير..ومش مشكلة اجهزة و لا امكانيات ...مشكلة بشر قبل اى حاجة ..بس الواحد بيحاول ينسى او بمعنى اصح يتناسى عشان يقدر يصمد اطول فترة ممكنة...معاذ باشا انا مقدرش ازعل منه ..ده اول واحد شوفته فى المنتدى....اشوفك ع خير يا باشا

المشاركة الأصلية كتبت بواسطة MoToRiZeR

we die hard شهاب باشا ولا يهزنا برضه

I am sure you wiil...:k20:
Hard & very slowly

شكرا لدكتور شيكو ومسز شيكو على الحوار الراقي
وشكرا لكل من ساهم في اخراج هذه الحلقة بهذا المستوى الجميل الراقي

وانتظرونا بعد قليل مع ضيفنا الجديد

المشاركة الأصلية كتبت بواسطة نور القمر

شكرا لدكتور شيكو ومسز شيكو على الحوار الراقي

:)
فعلا كان حوار جميل جدا
شكرا يا نور علي اتاحة الفرصة للاعضاء ( لطحن و فحت ) أخوهم العضو الغلبان :K15:
بس بصراحة .. زي ما كانت الحلقة حلوة .. كان ظهور مسز شيكو مفاجأة رائعة
ربنا يباركلهم في بعض
و في انتظار حلقة خاصة لمسز شيكو

وانتظرونا بعد قليل مع ضيفنا الجديد

Hello Moto
....

دائما اجي متأخر كده ..... شكلي وحش قوي .....

أنا أسف انني لم أشارك في هذه الحلقه الرائعه ..... بس كالعاده قرأت كل مشاركات الرجل المحترم جدا .... شيكو المعدني ....... سعيد جدا اني أتعرفت بيك ...... و أتمنى أتعرف عليك أكتر ان شاء الله

مشاركات مسز شيكو كانت مفاجأه حلوه ...... ايه رأيك يا نور يبقى نستضيف كل واحد مع المدام لو معانا في المنتدى ....... فكره شريره قوي مش كده