اداء الاسكورت في السفر

**followlight** · 18-09-2014 12:41 PM

بسم الله الرحمن الرحيم
انا عضو جديد في الفورد بشرائي سيارة اسكورت 1300 موديل 99
العربيه انا شاريها عاملة 86000 حالتها ممتازة دواخل وخوارج فابريكة متركبلها تكييف
زجاج عاده
العربية جميلة جدا من الداخل والواحد وهو في الداخل مش سامع حاجه
العربية سافرت بيها مرتين مطروح
اداء العربية في السفر مريح جدا
اقصي سرعة مشيت بيها كانت 140 مش عارف اذا كانت بتجيب اكتر ولا لا
واستهلاكها في البنزين رائع انا سافرت مطروح من اسكندرية وانا راجع مكنش في بنزين 92 حطيت بنزين 80 ب 30 جنيه بس من مطروح وانا راجع
انا من ساعت ما خدتها معملتش غير صيانة سريعة كده تشييك علي كل حاجة في العربية
انا عندي العربية محتاجة تغيير الاكصدام الخلفي ووممكن الامامي يتصلح وعايزه مساعدين امامي
وفي حته بارومه في الرفرف الخلفي غير كده لا
بس بجد عربيه تحفه
بس العيب الوحيد انا بطيئه في التجميع والجري هل من الممكن مفاداه العيب ده بايه

**aYaBooY** · 19-09-2014 12:11 PM

ديه طبيعة العربية
تجميع بطيئ بس قدرتك على تزويد السرعة من بعد الغيار الثالث بيكون كويس
لو الموضوع مضايقك اوي يبقي تغير العربية و متسمعش لحد يقولك هايعمل ايه و يسوي ايه و هيا هاتظبط
مش هاتتغير

**mohamede002e** · 24-09-2014 01:43 AM

بالعكس خالص علي فكرة احسن حاجة في العربية ان تجميعها سريع وجدا كمان انا مغير ديسك واسطوانة قريب علي فكرة وقبلها كنت بحس العربية كسلانة بس دلوقت احسن كتير ورجعت زي الاول بس نصيحة مدام استهلاك البنزين كويس فبطأ التجميع دا مش قصة وماتنساش انك راكب عربية بقالها ١٦ سنة كتر خيرها فسيبها علي وضعها احسن

**mido51eg** · 24-09-2014 10:00 AM

العربية دي موتورها 1300 cc قدرته 59 حصان بس على الحجم ده والوزن ده
فطبيعي انها تكون على قدها شوية في التجميع خصوصا على الغيار الأول والثاني انما غير كده فعلا زي الزملاء ماقالوا لك بعد الثالث تجميعها كويس
بخصوص ان اقصى سرعة عرفت تجيبها بيها 140 كم/س ده طبيعي وهي مش هتجيب اكتر من كده ، يمكن تجيب 150 مثلا لو الطريق نازل وفي نفس اتجاه الهواء.

**ahmed_said_13** · 08-10-2014 03:23 PM

انا معايا نفس الموديل و جبت بيها 170 و ده كان قبل ما اغير ديسك و اسطوانه بحوالي 8 شهور و اخر سفر بيها جبت بيها 155 و كنت هزود ل 160 لولا الطريق كان زحمه شويه