الموضوع: * * * كنت بتوضى غلط وبصلي غلط وللأسف محدش نصحني * * *

سلام عليكم

زي العنوان ما بيقول

للأسف كنت بتوضى غلط و بصلي غلط اكتشفت ان كان عندي اغلاط كتيره واكتشفت ان 70 % من الي بيصلوا طلع عندهم نفس الغلطات ديه بس ميعرفوش وبعضهم كبار في السن 50 ولا 60 سنه

نسال الله العفو والمغفره

عموما الغلطات كانت كالاتي


الوضوء كله تمام ما عدا موضوع استنشاق الماء طلع الصح لازم عن طريق ايدك اليمين وتطلع الميه بيدك الشمال

الراس طلع لازم بداية المسح من عند الجبهه لغاية ورا وترجع تاني (انا كنت لغاية ورا وخلاص مبرجعش لقدام)

الاذن كنت يدوب مبسح شوية ميه من فتحة الودان وخلاص طلع غلط لازم اللودان كلها بالصوان بكله

وديه صوره توضح الوضوء الصحيح



نيجي للصلاه

كله تمام ولله الحمد ما عدا وضع اليد كنت بحطها على بطني او تحت شويه طلع غلط لازم على الصدر او تحت الصدر بشويه بدون مبالغه وكنت احيانا احب اردد ورا الامام القران بصوت منخفض طلع مينفعش

كنت لما اركع او اسجد اتأخر شويه واطول الركوع او السجود طلع مينفعش لازم تكون مع الامام او ديلاي ثانيه واحده بالكتير

عند الركوع لا تنحني اوي ولا العكس خليك وسط

نيجي بقى للي كل الناس بتعملها لما يقول سمع الله لمن حمده كله كان بيرفع ايده على شكل الدعاء

طلعت ديه غلط لازم كفك يكون للقبله محادب الاذنين ولا تبالغ ولا تنزل اوي (حتوضح في الصوره)

واخيرا عند التشهد وضعية جلوس القدم اليمنى واليسرى (حتوضح في الصوره)

واللهي الواحد كان حزنان لما عرفت ان كل الوقت ده بتوضى وبصلي غلط بس الفتره الي فاتت ديه كنت بحاسب نفسي في الدنيا وارجع كل حاجه في حياتي ووجدت اخطاء كتير وصلحتها وبكتشف واصلح ولله الحمد

انا قلت احط الموضوع يمكن حد يستفيد منه ويكون كان زي ودعواتكم للعبد الفقير الى الله ... وشكرا

الدين يسر لا عسر وهناك فارق بين السنة والفرض وأقوال العلماء كثيرة في هذا الشأن فلا تحمل نفسك أكثر مما تحتمل فإن الله غفور رحيم