الموضوع: كان عندي حق لما قلت عندي مشكلة في الفرامل و ادي النتيجة :(

بص يا باشا..
في علامه في شفه الطمبوره اما تلاقيه بروز او تلاقيها محفوره فيها , لو التاكل وصل للعلامه دي , اذن لازم تغير الطمبوره , لو التاكل كان بعيد يبقي لسه في امل .. نصيحه لوجه الله. ماتخرطهمش نهائي لانهم لو سلام هيبوظوا .
مفيش مخرطه في مصر هتطلع السطح مستوي 180د . علي وضعهم كده صنفرهم وغير التيل وخلاص.ده لو ينفعم

المشاركة الأصلية كتبت بواسطة ameros

ولا يهمك يا فداك وبسيطه ان شاء الله طب انا هحكيلك علي موقف حصل عند صابر وبرده تيل وطبعا كان هينصب عليه فيه (تركي وبيوهمني انه مصنع الماني فتركيا) وبعد ما ركبت ومشيت رجعتله بعدها باسبوع لاني مكنتش بستخدم الفيكترا كتير وجبت معايه تيل جديد لان الفرامل كانت ضايعه بعد تغيير التيل من عنده وانا بغير بالصدفه جه واحد عنده نفس المشكله بس فعربيه استرا وكان صابر واقف وسألني الاخ دا عن سبب تغيير التيل فقولتله ابدا اشتريته من صابر وزي الزفت واديني اهه برجعه واوعي تشتري التيل دا لا من هنا ولا من بره لقيت صابر راح باصصلي شزرا ................. فبصتله واخدت التيل مالارض وفايده وهات تمنهم يا برنس .......... قالي مينفعش كده قدام الناس قولتلوا يبقي تحترم الناس هات الفلوس مش فاضي عاوز امشي وخلص الموضوع
دلوقتي بجد انا بفكر اني ابدا افرغ نفسي لصابر عشان اربي اللي خلفوه وكله قانوني بس متردد مش عاوز اعمله مشكله بسببها ناس كتير عنده هتتضر وخلي بالك ان محمد علي واسماعيل الاتنين دول همه اللي بيجيبوا قطع الغيار وتعاملهم شويه مع خسن عبد الطيف وخد تاني لسه مجاليش علومات عنه بس هعرف انا شايف ان صابر لازم يتعمل معاه واجب فحتتت مش عرف انتوا رايكوا ايه
انا بجد الواد دا زهقت منه ولازم يتربي

فعلا لازم يتظبط شوية عشان كده حرام بصراحة
التيل في الاول كان كويس جدا لحد فترة معينة و قعد يصفر فيها

طب متعرفش تيل يكون نوعه كويس ؟

المشاركة الأصلية كتبت بواسطة ameros

بص انا كنت مركب الرود هاوس كان كويس جدا جبته من عند اميريكان ستارز وبعدها سألت عليه من حوالي اسبوعين قالي معنديش بس عندي بوش قولتلوا شكرا وجبت جي ام مالتوكيل واشتريت دماغي
السوق زي الزفت يا عبده علي فكره اوعي تجيب اي حاجه جديده بره التوكيل نصيحتي انك تحاول تشوف حاجتك يا عند حسن عبد اللطيف يا طارق حموده والاتنين خبايبي لو احتجت حاجه قولي وممكن تشوف طه بتاع الوطنيه غالي ونصاب بس بيبقي عنده حجات لقط غالبا والمصريه كويسين برده غير كده التوكيل ثم التوكيل انا عارف انه غالي بس اريح ما تخش فطريق مجهول من قطع غيار مضروبه ويحصيل مشاكل لحجات تانيه احنا فغني عنها.
البيه صابر بالمناسبه جابلي قاعده شمال وقالي ان دا حكايه وللاسف كنت مضطر اخدها عشان كان فك بتاعنها تخيل ان الجي ام اللي طالعا مالعربيه مقطوعه وبعد ماركب القاعده رجعتهاله فعنيه لانها بوظت الدنيا عندي ورجعت كالمقطوعه تاني وماشي بدون مشاكل.
عارف ليه لان المصنه بيعمل حاجه الفبريكه انها حتي لو باظت بتشتغل ومتقولش لاء انما المضروب اللي عند صابر حتي مينفعش تقارنه بالبايط الاصلي

كان بكام من التوكيل لأني سمعت من عضو امبارح انه بقى ب 900 جنيه و انا عن نفسي مش هشتري من ه حاجة بعد كده هو اخره يركب و خلاص

ده غير ان لسة عندي لافيه عايز يتغير و مش هعمله عنده بالمناسبة و طاهر كان بيقول لوالدي التوكيل هفيرلك الفتبس كله و حاول يقنعه بس طبعا الاقناع مجبش نتيجة لأني سائل مهندسين في التوكيل و عرفت انه بيتعمل عادي و سعره 1200 جنيه و عند صابر ب 800 فهشتري دماغي و اركبه في التوكيل على الاقل لو اي مشكلة حصلت هيدبسو فيهم و اقدر اخد حقي منهم بكذا شكل من الاشكال

ده غير ان البطارية عندي شكلها بتودع لما باجي ادور بلاقي الانوار بتاعة الطابلوة فصلت و العربية فيها صعوبة في الدوارة حبتين