حماتى ومراتى والشقه

**بحار** · 24-09-2014 04:56 PM

الناس اللى تديلك فلوسهم وبنتهم ووقفو جنبك .. وقت ماطلبو حاجه زى كده .. كان لازم يلاقو منك قبول وترحاب فورا
ده كان هايبقى له مفعول السحر فى نفوسهم وهايحسسهم انك تستاهل كل حاجه حلوة عاملوها علشانك ..
هل جزاء الاحسان الا الاحسان ..
انما كتر الكلام والاخد والرد منك فى الموضوع اكيد قلقهم زياده .. ده حقهم اعمله فورا دون تردد ..
انا سمعت عن اهل زوجه كل مشكلة معاها لاقدر الله يقولك اكتبلها كذا والزوج مش مديون بأى حاجه لحد ..

**ahmedwagdy03** · 24-09-2014 05:04 PM

المشاركة الأصلية كتبت بواسطة horas3000

لو ينفع اكتب الشقه باسم الطفل

سبقتنى فيها

**3mr Farrag** · 24-09-2014 06:05 PM

رأيي مع الناس اللي بتقول انك غلطان طبعا
في مين دلوقتي بيدي فلوس لجوز بنته اللي لسه اصلا ماتجوزوش و من غير ضمانات

مهما هتعمل حتا لو رجعت في كلامك و كتبت جزء من الشقه لمراتك ليهم حق اهلها يقلقوا منك لان المفروض يجي منك او علي الاقل لو قلولك مره و كمان مش مباشر تديهم حقهم

ماسمعتش عن حد اهل العروسه هي اللي بتجيب العفش كله سلف الصراحه

انا مش عارف انت ازاي داخل تشتكي منهم اومال هما المفروض يقولوا عليك ايه!!!!!!!

**MaZaGAngeE** · 24-09-2014 06:23 PM

لو كتبت نص الشقة باسمها و جد في الامور امور و انفصلتم ايه الوضع?
و بعدين الناس اللي شايفين ان اهل مراته وقفوا جنبه و ساعدوه… لو قريتوا كويس همه اتسببوله في الازمة المالية دي انهم اضطروه يبيع شقته الاصلية و يشيل ديون الله اعلم هيسددها امتي ..
ولما همه شارينه قوي كده .. ايه الصر في حوار كتابة نص الشقة للست ?
لو اتخانق معاها هتقوله دي شقتي واطلع بره و الحريم مخها صغير و تعملها عادي و بعد ساعتيث تقولك مش قصدي انا كنت متنرفزة…
اياك تمشي وراهم لتغرق…

**3mr Farrag** · 24-09-2014 06:37 PM

المشاركة الأصلية كتبت بواسطة mazagangee

لو كتبت نص الشقة باسمها و جد في الامور امور و انفصلتم ايه الوضع?
و بعدين الناس اللي شايفين ان اهل مراته وقفوا جنبه و ساعدوه… لو قريتوا كويس همه اتسببوله في الازمة المالية دي انهم اضطروه يبيع شقته الاصلية و يشيل ديون الله اعلم هيسددها امتي ..
ولما همه شارينه قوي كده .. ايه الصر في حوار كتابة نص الشقة للست ?
لو اتخانق معاها هتقوله دي شقتي واطلع بره و الحريم مخها صغير و تعملها عادي و بعد ساعتيث تقولك مش قصدي انا كنت متنرفزة…
اياك تمشي وراهم لتغرق…

مايكتبش الشقه طبعا بالنص
يقدر الفلوس اللي عليه و يكتب جزء من الشقه
و يتفق معاهم ان ربنا لما يكرمه يسدد الفلوس و ترجع الشقه ليه تاني كلها
المفروض لو ناس محترمين و حسوا انه مش بيتهرب هيقولوا خلاص لما ربنا يفرجها هات الفلوس من غير ما يكتب جزء من الشقه لمراته
او لو ينفع يرهن جزء من الشقه يبقي افضل

**محمد يوسف** · 24-09-2014 09:15 PM

المشاركة الأصلية كتبت بواسطة 3mr farrag

مايكتبش الشقه طبعا بالنص
يقدر الفلوس اللي عليه و يكتب جزء من الشقه
و يتفق معاهم ان ربنا لما يكرمه يسدد الفلوس و ترجع الشقه ليه تاني كلها
المفروض لو ناس محترمين و حسوا انه مش بيتهرب هيقولوا خلاص لما ربنا يفرجها هات الفلوس من غير ما يكتب جزء من الشقه لمراته
او لو ينفع يرهن جزء من الشقه يبقي افضل

يعنى انت شايف انه يرهن نص الشقة (ماعرفش ممكن تتعمل ازاى) لحد غريب أفضل مايكتبها باسم مراته اللى مأتمنها على اسمه وشرفه وعياله؟
سبحان الله

**طارق _عبد السلام** · 24-09-2014 09:35 PM

المشاركة الأصلية كتبت بواسطة mazagangee

لو كتبت نص الشقة باسمها و جد في الامور امور و انفصلتم ايه الوضع?
و بعدين الناس اللي شايفين ان اهل مراته وقفوا جنبه و ساعدوه… لو قريتوا كويس همه اتسببوله في الازمة المالية دي انهم اضطروه يبيع شقته الاصلية و يشيل ديون الله اعلم هيسددها امتي ..
ولما همه شارينه قوي كده .. ايه الصر في حوار كتابة نص الشقة للست ?
لو اتخانق معاها هتقوله دي شقتي واطلع بره و الحريم مخها صغير و تعملها عادي و بعد ساعتيث تقولك مش قصدي انا كنت متنرفزة…
اياك تمشي وراهم لتغرق…

لو زى ماحضرتك بتقول وانفصلوا وربنا مايجيب انفصال

الشقه بالكامل من حق زوجته الحاضنه حتى لو لم يكتب نصف الشقه لها

ليه اصلا الامور تصل لكده هو اب وهى ام اولاده وهم اهل اولاده واهله

وبعدين لما هما ساعدوه فى شقته الجديده ..لاحظ انه قال ان شقته القديمه كانت بردوا مش عجباه كمان... وكتر خيرهم انهم وقفوا مع زوج ابنتهم محدش جابرهم على حاجه..وده مش تقليل من صاحب الموضوع انه اقترض من اهل زوجته عادى جدا الحياه مشاركه .. لكن بالبلدى كده بنقول المشروطه مربوطه .يعنى فيه اتفاق بالسداد بطريقه معينه.. وحدث خلل فى السداد بسبب الظروف الاقتصاديه.. والفلوس دى لازم تترد بطريقه او باخرى

**أحمد كمال** · 24-09-2014 09:38 PM

شوف يابن الحلال

تقدر ترد لهم فلوسهم امتى؟

1- قريب؟ 2-بعيد؟ 3- الله اعلم؟

لو الاجابة ب 1 ...... رد الفلوس و سك عالموضوع و شيل ده من ده يرتاح ده عن ده

لو الاجابة 2 ......اديهم ميعاد و شوف يقبلوا بيه و لا لأ .....

لو الاجابة 3 ....... اكتب لبنتهم نسبة في الشقة تساوي نسبة الفلوس لتمن الشقة وقت شراءها ........حقهم برضه الناس ما غلطتش لان غالبا هما حاسين انك مش هتقدر تسد ......

حط نفسك مكانهم و قول لي رايك ايه لو المشكلة بالعكس

**engmody32** · 24-09-2014 11:22 PM

يا باشا الناس دي كانت محترمه معاك و سلفوك بالبلدي علشان تتجوز بالله عليك روح اقري اخر موضوع انا كتبه و انت تعرف قيمه الناس اللي معاك
متنساش حضرتك اني لو اديتك 100 الف النهارده و خدتهم منك بعد 4 سنين هيبقي خسروا من 30% الي 40% من قيمتهم يوم ما خدتهم فمتقولش اللي فاضل ربع تمن الشقه لأن بحسبه بسيطه لو كانوا رموا الفلوس دي في اي بنك كان زمانها عملت فيهم 40% زياده من غير ما يتعبوا في اي حاجه
استهدي بالله و اوصل لحل معاهم و ممكن لو مش عايز تكتب لمراتك اكتب بأسم طفلك و تبقي كده كده في بيتها