الموضوع: مشكلة عائلية وقراري ، شاركوني إياه

المشاركة الأصلية كتبت بواسطة elpilot

والله يا اخي انا شايف من كلامك انك انت اللي غلطان
من الاول اساسا المفروض كل شغلك يكون علي انك تغير طباعها وتخليها تسمع كلامك يمين يمين شمال شمال يعني باختصار تلغي شخصيتها خالص وتستشيرها في بعض الامور لو حبيت لكنت انت سبتها من الاول تعند معاك وتعند وكل مرة بتعند فيها بتذيد ثقتها في نفسها وبتفتكر انها كده صح
اهم حاجه حاول في الاول تفكر مع نفسك هل اللي هي بتعمله ده صح وهل عادي وهل هي ليها حق فيه لو لقيت الاجابة ان ده غلط في غلط وان لازم تتصلح انا لو مكانك همشي المراحل دي
الحل الوحيد حاليا من وجهة نظري
اولا لازم وقفة معاها وتحط النقط علي الحروف انت الراجل وهي الست وبعد الكلام تشوف هتتغير ولا اية ماتغيرتش
هتخش علي المرحلة اللي بعدها وهي انك تقعدها من الشغل طالما هو اللي مفرعنها كده هددها في الاول انها تقعد من الشغل ماتظبطتش قعدها غصب عنها
ثالثا هنخش علي مرحلة الشكوي لاهلها نعرفهم في المرحلة دي كل حاجه ونشتكيلهم بنتهم لعل وعسي يشدوها ولو اني اشك اصلا انهم هيطلعوا الغلط عليها
رابعا ابدأ امنعها من زيارة اهلها علي قد ما تقدر لحد ما دماغها تتظبط
خامسا لو مظبطتش بعد كل ده هتبدأ تهددها انك هتتجوز عليها علشان مش مستريح معاها
مع العلم انك مش هتطلقها وهتسيبها كده زي البيت الوقف لامنها متجوزة ولا منها مطلقة و
لو عديت المرحلة دي وماتظبطتش خدها من ايديها وديها علي بيت اهلها وسيبها شوية لغاية ما دماغها ترد وفي نفس الوقت تكون اديت نفسك فرصة تفكر هل انت صح ولا غلط وتاخد قرارك وتفرم بعد كده
وميصعبش عليك اي حاجه حتي الاولاد كده كده هيتربوا متقلقش المهم انك تعرف ان الرجولة مش بسهولة.

فى البداية اسمحلى ارد الاول على اخونا اللى كاتب الرد ده وبعدين ارد على حضرتك

اولا اخونا قال الغى شخصيتها تماما و المفروض انها تسمع الكلام يمين يمين شمال شمال كأنها ريموت كنترول فى ايدك . للأسف ثقافتنا كمصريين و عرب عموما غلط عن الجواز . ياريت نتعلم من النبى محمد فى الجواز فى صلح الحديبية لما النبى أمر المسلمين انهم يتحللوا من الحج ورفضوا ودخل على ام سلمة وقال هلك المسلمون لا يريدون اطاعة رسول الله ام سلمة ساعتها هى اللى قالت لسيد الخلق معلم البشرية كلها ازاى يتصرف وفعلا عمل اللى قالت عليه و رأيها انقذ المسلمون كلهم . الست ربنا خلقها من ضلع اعوج اذا حاولت انك تعدله زى ما انت عاوز حتكسره وده لان الست طبيعتها مختلفة عن الراجل .

حضرتك بتقول انك شتمتها . مش هى برضه انسانه وليها شعور وكرامة ولا حضرتك بس اللى عندك كرامة موضوع اصل انا الراجل . الراجل مش بالفلوس اللى بيصرفها . يبقى لو هى غلطانة مرة انها شتمتك تبقى حصرتك غلطان 100 مرة لانك شتمتها .


برضه الرسول لما مرة اختلف مع السيدة عاشة و سيدنا ابو بكر راح يصلح بينهم الرسول بيقول لها احكى انا ولا تحكى انتى قالت له احكى انت بس متقولش الا الحق . تخيل ام المؤمنين بتقول كده لأشرف الخلق ساعتها ابو بكر كان قايم يضربها والرسول هو اللى حاش عنها .

الستات كلهم تفكيرهم مختلف عن الرجالة تمام . حضرتك لو عاوز تستريح ممكن تتجوز واحد صاحبك لانه حيكون فاهمك لحد كبير . ياريت تكون فهمت قصدى الجواز تكامل مش تماثل .

الحل ان حضرتك حتعاملها كويس جدا الست بتحب الرومانسية اكتر من اى حاجه اما بالنسبة لموضوع العلاقة الزوجية الست تفضل الرومانسية فى العلاقة عن العلاقة نفسها واعتقد ان حضرتك لا تهتم بالموضوع ده . اعتقد ان الحل حيكون فى اجازة ليكم فى مكان هادئ ممكن بره مصر رحلة تجددوا فيها شهر العسل . و لو هى فعلا بتعرف ربنا و بتحافظ على الاولاد يبقى تمسك بيها جدا . علشان معدش فيها منها كتير ولو اتجوزت مش حتلاقى اللى فى دماغك الزوجة مش بدلة بتتفصل على المزاج

اخي العزيز الموضوع كله باختصار ومن غير رتوش
اساس مشاكلكم العلاقة الجنسية وعدم تقبلها منك او بعدها عنك وهذا يؤثر علي علاقتك وتعاملك معها
وللعلم من الممكن ان تكون هي غير مرتاحة في العلاقة ممكن تكون اناني في ذلك او يوجد لديها مشكلة برود

عمتا كل المشاكل او اغلبها تأتي من الفراش
ان اصلحت الفراش اصلحت كل شيء والعكس صحيح

لابد ان تتحاور معها بصراحة دون خجل فيما يزعجك وتفتح قلبكم لبعض

وصدقا حينما تتواجه معها في اساس مايجعلكم عصبيين سيتفهم كل شخص الاخر وهنا سيتضح الحب ان كنتم ستستمرون في الحياة الزوجية ام لا

وان شاء الله ربنا يهدي سركم

الأخوة الأفاضل
أشكركم جميعاً على وقتكم ومحاولتكم النبيلة لتنبيهي لأشياء عدة ربما أغفل عنها ، وهناك فعلا مشاركات رائعة، وأود بعد قراءة ردودكم توضيح بعض النقاط:
* عاب على بعض الاخوة ذكر موضوع العلاقة الزوجية وأنه كان من الأفضل عدم الاشارة إليها ، وأنا لم اكن اتخيل أنني قد أكتب شيئاً كهذا يوماً ما ، ولكن للأسف كنت مضطراً لأنكم قد ترون معظم الأسباب تافهة وعادية وأنني أريد الزواج بدون سبب قوي ، أردت أن تكون الصورة أوضح للحكم بشكل أفضل. وأعتذر لذلك.
* أنا لا أريد فرض مبدأ السيطرة ، بالعكس في كثير من الأحيان رغم رفضي لبعض آراءها أدعها تفعل ما تريده حتى لا يكون الموضوع هو مجرد فرض راي من جانبي وإنما أوضح رفضي وأترك لها أن تنفذه أو لا.
* أنا لست شتاماً وحدث ذلك مرات قليلة عندما أراها قد أخطأت في طريقة كلامها معي وأقصى ما أقوله كما قلت سابقاً (دي قلة أدب أو مش عاوز قلة أدب) ، ويحدث ذلك في عصبيتي الشديدة أثناء نقاش حاد ولكني لا أرى أنه يجب على المرأة أن ترد على زوجها إن أخطاْ وخصوصاً لإن كان هذا ليس المبدأ ويكون كرد فعل على طرقتها في الحديث.
* سأل أحد الإخوة إن كنت أعرف أخرى واتفقت أو أخطط للزواج بها ، في الحقيقة أن قرار الزواج قد اتخذته عدة مرات خلال السنوات الخمس الماضية ، وكل مرة أتراجع بسبب حرصي على الحفاظ على الأسرة والأولاد ، وبسبب عهدنا القديم معاً أنا وهى ووفاءاً للحب الذي ربط بيننا في الجامعة حيث تخرجنا سويا من نفس الكلية ونفس الدفعة ونفس المشروع.

هذا للتوضيح ، وأنا أقول لكم أن زوجتي سوف تعتذر عما قالته ، كما فعلت من قبل في كل مرة يحدث فيها مشكلة ، وولحق فى من يبدأ بالتصاح دوماً حتى غندما أكون أنا المخطيء ، أحيانا تعتذر بسرعة ، وأحياناً تتركني حتى أهداْ ، ولكن المهم ألا نستمر في هذا المسلسل من الخطأوالاعتذار ، المهم أن تقل هذه المشاكل والخلافات ، رزقم الله الصحة والعافية وراحة البال.