مفاجأة فلوانس 2015 الخليجي بقت نفس الفيس لفت وحيرتي

**elostaz13** · 29-09-2014 06:58 PM

النهاردة قولت اتصل بوكيل رينو في الكويت علشان في عرض على فلوانس 2014 وانا كنت متردد لانها تختلف عن مصر في الشكل وافاجاء انه يقولي 2015 نزلت الشكل بتاع مصر الفيس لفت روحت طاير على هناك اتفرجت على فئتين الاقل مواصفات والفل اوبشن ماعدا الفتحةالمهم قول خلاص الفل اوبشن وبسال عن السعر لاقيت الفرق مابينهم حوالي 30 الف جنيه ودا طبعا رقم خزعبلي ولسة فرق جمارك كمان حوالي 10000 باجمالي 40 الف فمش عارف اجيب الفضية وخلاص والا الوبشن هاتفرق مواصفات الفاضية
1- وسادتين هواء
2- abs +ebd
3-اشارات بالمرايا
4- تحكم بالكاسيت من الدريكسيون + بلوتوث + يو اس بي
5- احتمال يكون فرشها بيج
الفل اوبشن تزيد التالي
1- 6 زسائد هواء
2- مثبت سرعة بالدريكسيون
3- تكييف تاتش
4- فتحات تكييف خلفي
5- سنسور خلفي + شاشة صغير امامية تعرض الساعة وكلمة رينو والحرارة
6- رنجات الومنيوم 16
7- حساسات للمطر وللضوء
8- اضواء نهارية مع حلية نيكل حول كشافات الضباب
9- كشافات ضباب
10- اضاءة خلفية ال اي دي
11- استارت انجن بدون مفتاح
12- فرش كامل بيج
13- كنبة خلفية تطوى مع مسند خلفي
14- فرامل اليد كهرباء اليكترونية
15- الكاسيت 6 سماعات والمريات الجانبية بها مزيب للضباب والداخلية بها تعتيم تلقائي بس خلاص
ارائكم شايفي ان الاوبشن دي مهمة وتستاهل ادفع اربعين الف فرق والااجيب الفاضية واستفيد بالمبلغ خصوصا ان السناسر الكتير دي ممكن متكونش عملية ومشاكل العربية تكتر بسببها والا رايكم ايه وكمان ان الفاضية فيها الاساسيات تحكم بالكاسيت وبلوتوث واشارات بالمرايا واساسيات الامان محتااااااااااااااااااااار ياريت تقولولي ارائكم وانا ميال للون الرصاصي الفاتح لان الموكا منزلش هنا والابيض العاجي حاسه تاكسي ايه رايكم في اللون الفيراني عليها انا رايح بكرة ووعد مني ليكم تقرير محصلش لما اجبها

**ALi Hamdy** · 29-09-2014 07:16 PM

لو مش هتسببلك ازمه ماليه يبقي تجيبها وش

ال40 الف مش فرق جامد وكفايه تشغيل المحرك من غير مفتاح والتكييف الخلفي

علي فكره اعلي فئه في مصر جنوط 17 وزينون

**Hunting_Eagle** · 29-09-2014 08:04 PM

الأسعار ايه بالظبط للفاضية و الفل اوبشن ؟

الحاجات الزيادة دي ما اعتقدش تعمل 10 الاف فرق جمارك

**elostaz13** · 29-09-2014 08:20 PM

المشاركة الأصلية كتبت بواسطة hunting_eagle

الأسعار ايه بالظبط للفاضية و الفل اوبشن ؟

الحاجات الزيادة دي ما اعتقدش تعمل 10 الاف فرق جمارك

الاسعار 3950 للفاضية حوالي 100 الف مصري
و 4750 للفل حوالي 125 الف مصر وانا سمعت ان الفل بتفرق عن الفاضية حوالي 10 الالاف مصر انا ناوي استخدمها هنا كام سنة وبعدين انزلها مصر وايه رايكم في االالوان

**Hunting_Eagle** · 29-09-2014 09:01 PM

كده الفرق 800 دينار .. و دول يعملوا حوالي 20 الف مش 30

و بفرض ان جمارك الفاضية 70 الف و الفل اوبشن 80 الف

مثلا .. بعد 5 سنين جمارك الفاضية هتبقى 50 الف و جمارك الفل اوبشن هتبقى 55 الف

يعني الفرق هيبقى حوالي 25 الف .. لو هتقسط يبقى هتدفعهم على مدار كذا سنة .. مش هتحس بيهم يعني

رأيي لو ماديا مش فارقة معاك هات الفل اوبشن .. انا دايما بشوف العربية الفاضية دي المفروض أساسا لا تشترى و لا تباع

ابقى اسال على الأجزاء الميكانيكة هل الخليجية زي المصرية و لا لأ ؟ انا سمعت قبل كده في اختلافات .. اتاكد كويس

**elostaz13** · 29-09-2014 10:35 PM

كلام حضرتك وحسبتك مظبوطة بس اختلافات ايه اللي سمعت عنها الموتور والفتيس نفس الفيس لفت ودا نازل الخليج من زماان قبل الفيس لفت مينزل مصر وعشان كدة كان في فروق في الموتور بي الخليجي وبين الشكل القديم في مص لكن دلوقتي نفس الموتور تعاون نيسان ورينو وكمان الفتيس اكسترونيك سي في تي زالشكل اتغير بقى زي الفيس لفت فكدة بقت نفس العربية الا لو في حاجة تانية معرفهاش ورايك موضوع السناسر الكتير دا مش هايسبب مشاكل كتيير اكتر من العربية العادية ؟؟؟
اصل انا مش واخد على الدلع بزيادة فرامل يد كهرباء وتكييف تاتش ومساحات اوتو واضاءة اوتو كله توماتيكي كدة

**Hunting_Eagle** · 29-09-2014 10:52 PM

المشاركة الأصلية كتبت بواسطة elostaz13

كلام حضرتك وحسبتك مظبوطة بس اختلافات ايه اللي سمعت عنها الموتور والفتيس نفس الفيس لفت ودا نازل الخليج من زماان قبل الفيس لفت مينزل مصر وعشان كدة كان في فروق في الموتور بي الخليجي وبين الشكل القديم في مص لكن دلوقتي نفس الموتور تعاون نيسان ورينو وكمان الفتيس اكسترونيك سي في تي زالشكل اتغير بقى زي الفيس لفت فكدة بقت نفس العربية الا لو في حاجة تانية معرفهاش ورايك موضوع السناسر الكتير دا مش هايسبب مشاكل كتيير اكتر من العربية العادية ؟؟؟
اصل انا مش واخد على الدلع بزيادة فرامل يد كهرباء وتكييف تاتش ومساحات اوتو واضاءة اوتو

كله توماتيكي كدة

و الله مش قادر افيدك اوي

انا كان عندي معلومة قرأتها هنا في المنتدى .. ان الشكل القديم بتاع الفلوانس اللي كان نازل الكويت كان فيه اختلافات عن الشكل اللي في مصر حاليا .. الاختلافات في ايه مش فاكر

علشان كده نقلت لك المعلومة .. علشان تتأكد مش أكتر

موضوع السنسورز اللي في الفل اوبشن ده عادي ما تقلقش من حاجة

السنسورز بتوع الاضاءة و المطر موجودين في معظم العربيات و لو مش عايزهم ممكن تفصل عملهم
سنسورز الركن ده شيء مفروغ منه طبعا

مفيش حاجة فيها تكنولوجيا معقدة يعني

**midofox5** · 30-09-2014 10:45 AM

توكل على الله العربية تستاهل و خليك فى الفل اوبشن لو مش هيعمل معاك مشكله
تستاهل فرق السعر و ربنا يوفقك

**Astra Lover** · 30-09-2014 03:47 PM

المشاركة الأصلية كتبت بواسطة elostaz13

الاسعار 3950 للفاضية حوالي 100 الف مصري
و 4750 للفل حوالي 125 الف مصر وانا سمعت ان الفل بتفرق عن الفاضية حوالي 10 الالاف مصر انا ناوي استخدمها هنا كام سنة وبعدين انزلها مصر وايه رايكم في االالوان

الفل بتفرق عن الفاضية فى مصر 33 الف جنيه مش 10 تلاف.

**Astra Lover** · 30-09-2014 03:54 PM

المشاركة الأصلية كتبت بواسطة hunting_eagle

و الله مش قادر افيدك اوي

انا كان عندي معلومة قرأتها هنا في المنتدى .. ان الشكل القديم بتاع الفلوانس اللي كان نازل الكويت كان فيه اختلافات عن الشكل اللي في مصر حاليا .. الاختلافات في ايه مش فاكر

الاختلاف كان شكل الشبكة الامامية والموتور كورى مش نيسان وتقريبا الفتيس القديم مش cvt.

الموضوع: مفاجأة فلوانس 2015 الخليجي بقت نفس الفيس لفت وحيرتي

LinkBack

أدوات الموضوع

عرض

-

-

-

-

-

المواضيع المتشابهه

تويوتا كورولا 2015 ولا رينو فلوانس 2015؟ و ليه؟

فلوانس 2015 (عيوب الفلوانس) (استفسار لملاك رينو فلوانس)

رينو فلوانس 2015 ولا تويوتا كورولا 2015؟ و ليه؟

كورولا 2015 ولا فلوانس 2015

الكلمات الدلالية لهذا الموضوع

المفضلات

المفضلات

ضوابط المشاركة