حب بعد الزواج قد يؤدي لزواج ثان ، ماذا أفعل

**Imhotep** · 04-10-2014 01:21 AM

لفت نظرى نقطة الخلاف على نسبة من تحدث لهم ازمة منتصف العمر من الرجال
بعد البحث. . . النسبة تتراوح بين 10-20 % فى الفئة السنية من 35 - 50 سنة
على عكس المعتقد من انها تحدث لمعظم او لكثير من الرجال

**engmody32** · 04-10-2014 01:33 AM

المشاركة الأصلية كتبت بواسطة بحار

ياعم ارحمنننننننننى ... سن الاربعين عندهم ازمه .. سن الاربعين عاوز يرجع شبابه .. أكلت ودانى ..
سمعت التعليق كذا مرة وكبرت دماغى ..

أنا ياستاذى عديت الأربعين ..
والمفجأة لا عندى هسهس ولا حاسس ان شبابى ضاع وعاوز ارجعه .. ولا بمشى ورا الستات فى الشارع .. والله مابشوف غير بيتى وشغلى ..
وأى مشكلة وأى حاجه بعد كده بتهون ..

ثانيا هوه النصيحه أنى أقول للراجل على ست عاوز يتجوزها ( سرير - لبانه - ...... -.......)

ممكن اقولة الناس دى اخلاقها وتربيتها غير مجتمعنا ومش هتتوافق معاها ..

يا باشا معرفش و الله ان انت كمان 40 سنه
اسف اني جيت علي الجرح

بس انا 33 و هحصلك قريب مش بعيد عنك قوي يعني
و مش شرط كل الناس يجيلها ازمه منتصف العمر طبعا
متقولي يا باشا ان الكلمه ده زعلتك و انا اعتذر ليك علي طول
بس الكلام اصلا مش موجه لحضرتك موجه لصاحب الموضوع
و بعدين هي كلمه لبانه دي بقت قله ادب
لو قله ادب انا بعتذر برضه اني قولتها
بس دي اكثر وصف مؤدب قدرت اوصف بيه حال كثير من الاجانب
و بعدين ان قاصد اني اذكر الموضوع ده بالشكل ده علشان اخليه يفكر فيه
لانه واضح انه متناسي الجزء ده و او هامله علشان ميشوف عيب في صديقته البرتغاليه
و لحضرتك يا باشا اذكرك بالذي كان بين الرسول عليه الصلاه و السلام و زوجته السيده
عائشة رضي الله عنها قالت قلت يا رسول الله أرأيت لو نزلت واديا وفيه شجرة قد أكل منها ووجدت شجرا لم يؤكل منها في أيها كنت ترتع بعيرك قال في الذي لم يرتع منها تعني أن رسول الله صلى الله عليه وسلم لم يتزوج بكرا غيرها

**طارق _عبد السلام** · 04-10-2014 01:50 AM

يا اهل الخير النصيحه لا تكون بالتنفير من قائلها

الرجل بيعرض مشكله .. تؤرقه لو هو مقتنع 100 % لن يعرض مشكلته علينا

وبالنسبه للافاضل اللى بيقولوا انه حوار والذى منه ليثبت لنفسه انه لسه شباب .. كان الرجل دخل بالنك نيم الاصلى بتاعه ومعملش عضويه جديده لطرح الموضوع

النصح يكون برفق ياأخوه يعنى ممكن واحد مش بيصلى وواحد حب ينصحه باسلوب فيه تنفير هيخليه يكره الصلاه من الاصل ومن داخله هيقول دى اخلاق الملتزمين .. وممكن واحد يتعامل معه بالنصح وبرفق يحببه جدا فى الصلاه

وانا هقول كلمه لاخى الفاضل صاحب الموضوع ... عايزك تبدل الاماكن... يعنى لو زوجه حضرتك هى من طلبت منك عدم الاستمرار واستكمال حياتها مع رجل آخر .. ولم توافق انها زوجه ثانيه .. نفرض جدلا انها طلبت منك ذلك .. فكر كده فى احساسك ومشاعرك ... وتخيل انت هتعمل ايه فى ام ولادك بارتباطك ..فكر ؟!!!

**طارق _عبد السلام** · 04-10-2014 02:13 AM

المشاركة الأصلية كتبت بواسطة mk3

هو ليه الردود متحوره حول الزواج التانى ؟ يعنى لو كانت من مصر وسنها كبير شويه كان عادى ولا انتم مشكلتكم مع الزواج التانى عموما

مفيش مشكله مع ما احله الله زواج ثانى او ثالث

المشكله كل واحد بيعرض رأى بطريقته او بطريقه تناسبه

**A7MED_PHARMA** · 04-10-2014 01:11 PM

عقده اوديب عندها

**S O P H O S** · 05-10-2014 04:51 AM

بصراحة مسألة تحير
اهم شئ متعملش اي خطوة تظلم بيها حد تاني

**h_shahin** · 05-10-2014 11:32 AM

ممكن أسأل شوية اسئلة
الراجل اللى عايز يتجوز جوازة تانية لأى ظرف لما يتعرف على زوجته المستقبلية الجديدة و يروح يخطبها و يخرج معاها يبقى كده خاين أو بيخون من وجهة نظر المجتمع؟

هل نموذج الزوج الأربعينى و الزوجة العشرينية محكوم عليه بالفشل المحتوم؟
هل الزواج من اجنبية عيب و لا حرام؟
هل الدخول فى الإسلام من اجل الزواج مش محسوب عند ربنا؟
هل الزنا السرى للمتزوج أفضل من الزواج الثانى العلنى؟
هل تعفف الرجل المتطلب جنسيا بالزواج المتعدد خيانة لزوجته الأولى الكاملة الأوصاف؟

للأسف معظم ردود الأخوة الزملا كانت فى اتجاه مش صحيح من وجهة نظرى

الموضوع لازم يتناقش من ناحية اثر الزواج التانى على الأسرة و استقرار الأولاد و كمان مدى عدالة الخطوة دى تجاه الزوجة الأولى فإذا كانت مكفية بيتها و اولادها و زوجها قبل منهم يبقى فى الزواج التانى ظلم كبيرر ليها و انانية من الزوج.
ممكن نلوم على صاحب الموضوع فى حاجة واحدة فقط (بفرض إنه غير شره جنسيا و زوجته مكفياه من كل النواحى) إنه سمح لنفسة بالإنزلاق لإن علاقة الصداقة تطور لحب و ارتباط و مشروع زواج.

أخيرا و على حسب معلوماتى البسيطة و ياريت حد يصححلى لو غلط السرطان درجات فى الحدة و الشراسة و بيعتمد فى الشفاء بنسبة كبيرة على الإكتشاف المبكر و بالتالى ممكن يكتشف فى مرحلة مبكرة جدا و يكون من النوع الخامل مثلا و يتم السيطرة عليه