حب بعد الزواج قد يؤدي لزواج ثان ، ماذا أفعل

**newborn** · 03-10-2014 12:29 AM

متزوج وأحب زوجتي وعندنا أطفال ونحن على مستوى تعليمي عالي
أحبتني طبيبة برتغالية من على الانترنت بجنون ، وهى على استعداد للانتقال للعيش في مصر لتتزوجني وتعيش معي للأبد ، عمرها 25 عاما فقط وعمري 39 وفي منتهى الجمال وتقدس الزواج وعندها استعداد أن تسلم من أجلي ، زوجتي لن تقبل بذلك بالطبع ، وأنا أحببت البرتغالية لاشياء كثيرة رائعة فيها ، وقد أصيب هذه الطبيبة البرتغالية بسرطان الدم بعد ان ارتبطنا عاطفياً في مايو الماضي (ارتبطنا في فبراير) وتعرضت لعلاج مكثف وشفيت الآن والحمد لله ، قد وعدتها أن نتزوج ولو في السر ، وأخشى أن أصدها حتى لا تتتعرض لصدمة عاطفية بعد أن أحبتني بجنون ، وفي نفس الوقت لا أستطيع أن أجازف بأسرتي وأعرضها للانهيار ، هل من حل لذلك ؟

**إنسانة** · 03-10-2014 12:48 AM

40 سنة ومتزوج وعايز تتجوز 25 سنة وسري البنت هتغير رأيها بعد الجواز
40 سنة كبير عليها أوي ولا يمكن تفضلك على شاب في سنها
هتندم على ظلمها لنفسها كل لحظة
ولكن مفيش سبب يخليه سري خلاص مراتك لازم تعرف ولو هتتقبل كان بها -ولا اعتقد وحدة عندها كرامة تقبل- والا ربنا ييسر لها حياتها مع شخص اخر افضل

بالتوفيق

**prof2013** · 03-10-2014 12:49 AM

المفروض حضرتك ما كنتش سمحت لنفسك تدردش مع امرأه اجنبيه عنك طالما انت متزوج
خوفا من الوصول لهذا الموقف

**prof2013** · 03-10-2014 12:54 AM

المشاركة الأصلية كتبت بواسطة إنسانة

40 سنة ومتزوج وعايز تتجوز 25 سنة وسري البنت هتغير رأيها بعد الجواز
40 سنة كبير عليها أوي ولا يمكن تفضلك على شاب في سنها
هتندم على ظلمها لنفسها كل لحظة
ولكن مفيش سبب يخليه سري خلاص مراتك لازم تعرف ولو هتتقبل كان بها -ولا اعتقد وحدة عندها كرامة تقبل- والا ربنا ييسر لها حياتها مع شخص اخر افضل

بالتوفيق

ههههههههههههههههههههه هو حضرتك عندك عقده من كبار السن للدرجه اللي تخليكي تفشي غلك في الراجل !!!
احب اقول لحضرتك خلي نصيحتك لنفسك ولا تتحدثي في هذه الاشياء بدون علم
لان عقول الغربيات تختلف 360 درجه عن العربيات
ممكن تلاقي دكتورة ومتجوزة شخص عادي وبتحصل كتييير والسن مش بيفرق معاهم خالص بل بالعكس عندهم الكبير افضل من الشاب لانه بيبقى ناضج وهكذا .....
الكلام ده عن تجربه
حضرتك قاعده بين اربع حيطان ومش داريه باللي بيحصل بره

**إنسانة** · 03-10-2014 01:05 AM

المشاركة الأصلية كتبت بواسطة prof2013

ههههههههههههههههههههه هو حضرتك عندك عقده من كبار السن للدرجه اللي تخليكي تفشي غلك في الراجل !!!
احب اقول لحضرتك خلي نصيحتك لنفسك ولا تتحدثي في هذه الاشياء بدون علم
لان عقول الغربيات تختلف 360 درجه عن العربيات
ممكن تلاقي دكتورة ومتجوزة شخص عادي وبتحصل كتييير والسن مش بيفرق معاهم خالص بل بالعكس عندهم الكبير افضل من الشاب لانه بيبقى ناضج وهكذا .....
الكلام ده عن تجربه
حضرتك قاعده بين اربع حيطان ومش داريه باللي بيحصل بره

حضرتك عندك عقدة من العربيات : )
عشان عارفة مساوئ السن دا تحديدا
مفيش وحدة طبيعية هتقبل الوضع دا
40 سنة فعلا كبير والكبر كمان بيكون في العقل صحيح وكل سنة بيكبر اسرع بكتير وبيبان على كل مابدى منه
عيون جلد شعر صحة ودي سنة الحياة
بس هيا وجهة نظر
ومن كذا وحدة عايشة وضعي وأنا بشوف كتير في سني وحصلهم اللي حصل معايا ونفس الكلام
كبر السن لايمكن يعوضه رجاحة العقل ولا الطيبة
دي مش عقدة النفس البشرية كدا
المشيب لايمكن إصلاحه بالكلام وخصوصا من اللي عايشه
بتبقى نفسياتهم مش متقبلة وضعهم

**mk3** · 03-10-2014 01:09 AM

عالعموم الزواج الثانى حلال...وبالشرح اللى انت بتقوله اعتقد لازم تجرب

**الفجر** · 03-10-2014 01:21 AM

اولا

احساسى من كلامك انك متزوجها شفقة نظرا لمرضها بسرطان
ثانيا
لازم تختبر نفسك هل انت فعلا بتحبها ام مجرد نزوة طارئة ومراهقة سن الاربعين المعروفة مع الاعتذار فى اللفظ الجارح لك

ثالثا

اذا اتاكدت انك ما تعيشة هو حب صادق حقيقى وليس مجرد نزوة فتزوجها فى الحلال خيرا من ان تنزوى بك الامور الى الزنا فتخسر دنياك واخرتك وزوجتك واخيرا وهو الاهم رضا ربك عليك

فاستخير ربنا اولا واخيرا

**foxhonda2008** · 03-10-2014 01:24 AM

فكر في اولادك يا راجل و ليا سؤال
هل تسطيع العيش بعيد عنهم
خد اسرتك في حضنك و بلاش تفتري عشان هتندم كتير لكن بعد فوات الاوان

**pioneerahmed** · 03-10-2014 01:50 AM

انت كدة هتدمر اسرتك كلها عشان نزوة

انت دلواتي مش ملك نفسك انت ملك اسرتك
خد اجازة مش شغلك و خد اسرتك و سافرو اتفسحو في اى مكان و قرب منهم شوية هتنسي اي حاجة تاني

**طارق _عبد السلام** · 03-10-2014 01:50 AM

تقريبا اخوك كان فى نقس وضعك كده بالظبط لكن مصريه وتقريبا نفس سنها .. وكانت بترفض ناس كتير جدا .. بسبب استماتتها فى الارتباط والزواج طبعا .. والموضوع كان مسيطر جدا جدا على تفكيرى وكنت شبه مهىء للزواج الثانى .. وحتى عرضت الامر على زوجتى ... والامور كانت شبه منتهيه .. ولكن وقفه مع النفس منى .. ووضعت بعض اشياء كثيره امامى
اولا انا اكبر منك سنا لكن وده موضوع مؤرق فعلا لى اللى يشوفنى يقول سنى صغير وبفارق كبير كمان يعنى تلاتينات كده... لكن فعلا انا وقتها كان سنى 46 وهناك فارق سن كبير بينى وبينها وطبعا فيه حاجه اسمها الشيخوخه يعنى لو فيه عمر ووصلت لسن 55 مثلا هتكون هى 33 مثلا ... مينفعش طبعا ؟؟؟

تانى حاجه زوجتى ... وجدتها غير مقصره اطلاقا معى ... (ربنا يبارك فيها)طبعا حسيت بانى انسان انانى جدا.. وبفكر فى نفسى فقط .....

وبعدين اولادى ..اكيد اكيد الزيجه الجديده ستجعلنى اقصر فى بيتى لانها الاصغر والاجمل مثلا وعايزه اكيد تعيش شبابها وفسح والذى منه ... كده هقصر مع اولادى

طيب معيشتى انا .. هكون انسان مقسوم نصفين ده غير شغلى

حسبتها بكل الطرق لقيت الموضوع هيكون فيه ظلم لناس لم يكن لهم ذنب.. فقررت الابتعاد وكان صعب جدا
ومساعدتها على الزواج ومع الايام كأن شىء لم يكن وهو ده الوضع الطبيعى بيتك واولادك

فكر بالله عليك .. وربنا يهديك للصواب