السلام عليكم يا شباب
كل سنه و انتم بخير بمناسبه عيد الاضحي
انا عضو جديد معاكو في المنتدي....انا فعلا استفدت كتير جدا من الناس هنا في قسم الرينو و احب اشكرك علي مجهودكم الرائع.
انا الحمدلله ربنا كرمني و استلمت فلوانس e3 2015 أوتوماتيك
العربية ما شاء الله ممتازة من ناحية العفشة و الثبات علي الطريق و تقفيل الصالون و الامكانيات
العربية مكملتش لسه 300 كيلو
بس انا عندي استفسار يا ريت تساعدوني فيه
صوت الموتور عالي مقارنة بإنها عربية زيرو و اوروبي و ده حاجة مضياقني جدا
برضو لما بدور العربية بسمع صوت الموتور واضح في الصالون و برضو بيبقي في صوت زي صوت العربيات النص نقل كده :) :) (هو بيبقي الصوت واضح لما العربيه بتبقي بارده و بيقل شويه لما العربيه تسخن انا مش عارف اوصف الصوت كويس بس هو بيبقي ظاهر في الطابلوه)
بردو صوت مروحه التكييف عالي و باين في الصالون لما بتشتفل و خصوصا لما تيجي تفصل الصوت بيبان كأن صوت محرك طيارة فصل :) :)
انا عارف التشبيهات عجيبة شويه بس ده اللي عرفت اجيبو هههههه
هل ده طبيعي و هيختفي مع اول صيانه و هل حد معاه فلوانس قابل الموضوع ده
المفضلات