الموضوع: المساعده فى شراء عربيه جديده ومعايا بالكتير من 30 الى 35 الف

المشاركة الأصلية كتبت بواسطة elkingg36

انا كمان بدور من شهور علي عربيه تقريبا بنفس السعر ولاقيت ان المشكله ان الواحد بيجيب عربيه بكل فلوسه اللي معاه علشان كده الواحد بيخاف انه يضيع فلوسه في عربيه تكون معيوبه وتكرهه في العربيات كلها

هو طبعا اكبر غلط شراء عربيه بكل الفلوس لان حتى بفرض ان العربيه سليمه هيبقى فيه مصاريف كتير زى الترخيص و الصيانه الكامله بعد الشراء
و الشراء مش بالأمكانيات الحاليه فقط لازم تفكر فالمستقبل كمان بمعنى ان حضرتك معاك 30 الف بس ده مش معناه ان اى عربيه بـ 30 الف هتكون مناسبه
لازم حضرتك تفكر فعربيه سعرها مناسب و مصاريف تشغيلها و صيانتها مناسبه
بس فرأى الشخصى ان المشكله فشراء عربيه مستعمله ان اللى بيشترى مش عارف يحدد هو عايز ايه و عايز يشترى عربيه فيها كل حاجه و ده طبعا صعب جدا لان الكمال لله سبحانه و تعالى و مفيش حاجه بدون عيوب كل حاجه لها مميزات و لها عيوب و المفروض كل واحد يحدد ايه الأهم و ايه المهم و ايه اللى ممكن الأستغناء عنه

المشاركة الأصلية كتبت بواسطة elkingg36

كلام حضرتك مظبوط بس الخوف الاكبر فى فحص العربيه المستعملة ممكن يكون شكلها معقول بس فيها مشاكل كبيرة وطبعا للاسف اغلبية البائعين بيخبى كل العيوب

تمام, فحص العربيه هو اخطر مرحله فشراء سياره مستعمله لان لأسف سوق السيارات فيه غش و نصب كبير و معظم الناس بتقنع نفسها ان الغش شطاره و النصب تجاره
لكن انا كنت اقصد ان تحديد سياره مستعمله مناسبه هو المشكله فمرحله ما قبل الشراء

المشاركة الأصلية كتبت بواسطة هاله محمود

احسن قرار ان الواحد يفضل كده حر نفسه بدون عربيه اه والله :( :d

كلام حضرتك سليم فحاله ان مفيش خروج من البيت نهائيا لكن خروج بأستمرار و الواحد يتعامل مع المواصلات او التاكسيات فكده هو مش حر خالص
العربيه نعمه و رحمه
بلاش يأس ممكن تكون العربيه المناسبه لحضرتك قدامك بس مش شايفاها