الموضوع: المساعده فى شراء عربيه جديده ومعايا بالكتير من 30 الى 35 الف

وعليكم السلام ورحمة الله وبركاته
اهلا بحضرتك فالمنتدى
بالمبلغ ده ممكن حضرتك تشترى عربيات كتير بس انا ارشح لحضرتك ماروتى لانها هتكون موديل حديث ان شاء الله و مش هتصرفى عليها غير المصاريف العاديه بتاعت اى عربيه مستعمله
عموما لازم حضرتك تحددى ايه المهم و ايه مش مهم فالعربيه
قصدى محتاجه تكييف او كماليات فالعربيه العربيه و لا لأ
فكره عربيه صينى مقبوله ولا و هكذا

المشاركة الأصلية كتبت بواسطة هاله محمود

الماروتي ناس كتير اشتكت منها معرفش ليه يمكن عشان 800 cc انا فكرت ف الصيني زي سبرانزا وجريت وول وفكرت ف السترويين وكمان فيات بونتو لكن لقيتهم بالسعر ده معديين ال 100 الف كيلو ومش عارفه اعمل ايه
انا بدخل على دوبيزل وبلاقي بالثمن ده عربيات كتير لكن مش عارفه احكم مين الكويس من الوحش

لو الأستخدام داخل المدينه الماروتى هتكون مناسبه جدا و موفره جدا فالأستهلاك
100 الف كم مش مقياس للحكم على حاله العربيه لازم تقارنى بين الكم و الموديل لان متوسط استهلاك العربيه من 20 لـ 30 الف كم فالسنه
تقدرى تزودى المبلغ شويه لـ 40 او 45 و تشترى لانوس اعتقد هتكون افضل بكتيير

المشاركة الأصلية كتبت بواسطة هاله محمود

فعلا اللانوس حلوة لكن عربيه زي سبرانزا 113 ساعات بشوفها ب 35000 هل هتكون كويسه وكمان سيات ابيزا ؟ وازاي احكم على العربيه المستعمله اصلا؟

بلاش ابيزا لانها هتكون موديل قديم و قطع غيار غاليه و هتصرفى كتير
الأسبرانزا مقبوله بس مش عارف اللى بـ 35 هتكون حالتها ايه, اكيد اللى عندهم 113 معلوماتهم و خبرتهم اكبر منى
الحكم على العربيه المستعمله
حكم على حاله و كفاءه الماتور - جسم العربيه (حوادث - فابريكا - رشه خارج - رشه دواخل) - دهان العربيه (محتاجه رش او لأ) - - العفشه (جيده او محتاجه تغيير) - الكاوتش و البطاريه (جيده او محتاجه تغيير)

ما تاخديش الاسعار من موقع دوبيزل او اي موقع على الانترنت لأن اللي بيعلن على النت بيحط سعر اعلى من اللي هو عايزه و إلا كان باعها بره
و الأفضل تكون عربية من حد معرفة او مكان مضمون