اسباب سخونة العربية

**zizotito85** · 10-10-2014 06:48 PM

عربيتى لانوس موديل 2011 عامله 110 الف العربية اولا موشر الحرارة بتاعها مش بيعدى النص لكن العربيه بحس وانا فيها بحراره عاليه جايه من ناحية الموتور الميه بتنقص من القربة بمعدل مثلا كوبايه كل الف كيلو طبعا باحط مية حنفية حتى لو مشيت مشوار صغير بالعربيه 5 كيلو مثلا اجى افتح الكبوت ماقدرش احط ايدى على المكنة من سخونيتها الصاجة اللى حوالين البوجيهات بتبقى سخنة مولعة

السؤال هل ده طبيعى ولا المشكلة ممكن تكون فين

هل ممكن يكون فية ثرموستات بيتظبط على درجة حرارة معينة بيخلى المروحة تشتغل لانى لاحظت قبل كدة وانا باغسل دورة الميه ان الصنايعى علشان يشغلى المروحة بعد ما غسلى الدورة قعد ولا ربع ساعة يزود لدرجة انى افتكرت انة بوظ المروحة

واسف للاطالة

**aelmohamady** · 10-10-2014 07:05 PM

كل اللى بتقولوه ده طبيعى مافيش اى قلق

Sent from my samsung GT-I9152 using Forum Runner

**Optiplex** · 10-10-2014 07:25 PM

المشاركة الأصلية كتبت بواسطة aelmohamady

كل اللى بتقولوه ده طبيعى مافيش اى قلق

sent from my samsung gt-i9152 using forum runner

هو اية دة الى طبيعى يا هندسة بيقول لحصرتك كوباية مية كل الف كيلووو و سخونة جامدة الاستاذ صاحب الموضوع ما تسكتش عالموضوع دة ووريها لناس فاهمة الاحتمالات كتيررررر و بلاش تتوةنفسك

**aelmohamady** · 10-10-2014 07:33 PM

كوباية ماية كل الف كيلو ده طبيعى

Sent from my samsung GT-I9152 using Forum Runner

**aelmohamady** · 10-10-2014 07:39 PM

العربية طالما وصلت درجة الحرارة العادية بتاعته حتى لو مامشيتش بيها خالص يبقى مش هاتقدر تحط ايدك على الموتور من السخونية وده طبيعى

Sent from my samsung GT-I9152 using Forum Runner

**Mazin Tag** · 10-10-2014 07:45 PM

شوف ترموستات الكوع ممكن يبقى عاوز يتغسر او حاجة لان دة لوحده مشكلة كبيرة بس حتة القربة دى انا معرفش اشراحة وبالنسبة لمصر الجو اصلا كدة كدة حر وديها لحد فاهم وعنده ضمير ان شاء الله هيظبطك وربنا يكفيك شرها ومش هتلاقى فيها حاجة باذن الله المهم انك متسكتش على عربيتك مدام حاسس انها مش طبيعية ومحدش هيخاف على عربيتك اكتر منك :)

**Zing0** · 10-10-2014 09:21 PM

بالنسبه لتزويد كوباية مايه كل 1000 كيلو, ده غالباً غطاء غير محكم (ريداتير أو قربة) هتغيره و خلاص
لإن لو فيه تسريب هيبقى معدل النقص أكتر من كده
و برضوا للإطمئنان , ممكن بعد مشوار طويل شوية و المكنه تزيد سرعتها عن الـ 80 كم/س (يعنى يبقى فيه ضغط مياة فى دورة التبريد), تفتح الكبوت و تتابع كل الأفايز (الكوليهات) و الخراطيم و الريداتير و طبات المياة فى جسم البلوك (المكنة) لو فيه تسريب هيظهر بسهولة ساعتها.

بالنسبة للحرارة
أدام مؤشر الحرارة مبيعديش النص (90 درجة تقريباً) يبقى كل شئ تمام بفضل الله

**zizotito85** · 11-10-2014 06:42 PM

باشكر كل الناس اللى اهتمت وردت بس خلينى اسال السؤال بشكل تانى هل لو غطا القربه بينفس والمية كل الف كيلو باذودها الكوباية اللى قلت عليها مش اكتر من كده وفى نفس الوقت انا متابع الميه باستمرار ومش باسيبها تنقص عن الحد المسموح بيه خالص ده يخلى العربيه تسخن بالشكل اللى وضحته

**aelmohamady** · 11-10-2014 06:53 PM

المشاركة الأصلية كتبت بواسطة zizotito85

باشكر كل الناس اللى اهتمت وردت بس خلينى اسال السؤال بشكل تانى هل لو غطا القربه بينفس والمية كل الف كيلو باذودها الكوباية اللى قلت عليها مش اكتر من كده وفى نفس الوقت انا متابع الميه باستمرار ومش باسيبها تنقص عن الحد المسموح بيه خالص ده يخلى العربيه تسخن بالشكل اللى وضحته

بصرف النظر عن موضوع القربة انا مش شايف ان فيه سوخنية بالشكل اللى انت وصفته

Sent from my samsung GT-I9152 using Forum Runner

**Abo Yasso** · 12-10-2014 03:30 PM

اعتقد انك محتاج تغير حساس الحراره
لو بايظ ممكن ميشغلش المراوح فى التوقيت المناسب عشان المياه متوصلش لمرحله الغليان وتفور من غطا القربه او اضعف مكان فى الدوره
طريقه بلدى شويه بس سهله
دور العربيه وافتح الكابوت وخليك قدام الماتور وشوف هل هيحصل غليان للمياه ؟؟
المراوح هتبتدى تشتغل بعد الغليان ولا قبله
حساس الحراره ده 35 جنيه وممكن تغيره بنفسك (لازم العربيه تكون بارده) او عند اى مكنيكى وممكن ميرضاش ياخد منك فلوس
ربنا معاك وابقى قولنا عملت ايه