وســـــقــطــت الامـــــــــــطار

**ahmedfawzy14** · 27-10-2008 11:25 PM

ربنا يسترها معانا جميعا

الحتة دى برده كان فيها حادثة فظيعة يوم الجمعة بليل
كنت معدى من هناك بليل وشفت منظر جثث وجرايد عليها وعربيات عمالة ترش رملة على منظر الدم فى الارض

منه لله اللى وسع الطريق بالشكل ده
خلى المنطقة بقت عاملة زى الصحراوى

**Mohamed_Ibiza** · 27-10-2008 11:26 PM

المشاركة الأصلية كتبت بواسطة mohraga2y

ربنا يستر طريقنا كلنا يا جماعه ان شاء الله

يارب يا باشا

وشكرا لمرورك

**Mohamed_Ibiza** · 27-10-2008 11:29 PM

المشاركة الأصلية كتبت بواسطة ahmedfawzy14

ربنا يسترها معانا جميعا

الحتة دى برده كان فيها حادثة فظيعة يوم الجمعة بليل
كنت معدى من هناك بليل وشفت منظر جثث وجرايد عليها وعربيات عمالة ترش رملة على منظر الدم فى الارض

منه لله اللى وسع الطريق بالشكل ده
خلى المنطقة بقت عاملة زى الصحراوى

يارب يا احمد

لا حول ولا قوة الا بالله

بص يا احمد انا مش معاك في حكاية ان منه لله اللي وسع الطريق بالشكل ده

توسيع الطريق مش شيء يعيب ده شيء يفيد :

بيقلل الزحام وخصوصا ان المنطقة ابدت تزدحم بعض وقود منطقة الحرفين والموقف الجديد وانتقال السوبر جيت هناك وكمان توكيلات بعض السيارات

العيب فينا احنا

مفيش نظام

حتى انظمة الردع والعقاب وقانون المرور الجديد

مفيش حاجة محوءة فينا

ربنا يستر يارب

**ahmedfawzy14** · 27-10-2008 11:37 PM

الناس بتنزل من الميكروبصات والاتوبيسات الناحية التانية
وبيعدوا السكة بعشوائية
عشان هما اغلبهم مش من اسكندرية

وطبعا الطريق واسع والغالبية ماشية فوق ال60

واحد يقطع الطريق كله يضرب فرامل اللى يلبس بقى واللى يتزحلق من الشتا

وعلى فكرة الحتة مش حيخلص منها الحوادث الا بعد ما يعملوا مطب صناعى زى اللى عند مستشفى طلعت مصطفى اللى على طريق المطار السريع

بس للاسف برده المطش اتعمل غصب عن المحافظ والمرور لما الاهالى قطعوا الطريق يوم الحادثة اللى مات فيها 4 فى رمضان

اسكندرية على قد ما الشوارع وسعت واتسفلتت
الشتا ده حيحصل فيها كوارث مرورية رهيبة

ربنا يسترها معانا جميعا

**Mohamed_Ibiza** · 27-10-2008 11:40 PM

فعلا معاك حق

هو لازم يكون فيه مطب صناعي زي اللي عند طريق المطار

انا فاكر برضه موضوع طريق المطار ده

ربنا يستر علينا بجد

**badblood** · 28-10-2008 12:41 AM

لا اله الا الله استهتار غير عادي البلد رقم واحد في اللامبالاة

**badblood** · 28-10-2008 12:47 AM

امال هتعملوا ايه لو حد سمع او قرأ الحادثة بتاعة مترو حلوان اللي الباب اتقفل عليها وهي نازله والسواق معدوم الاحساس والضمير مرضيش يوقف بشهادة كل الناس اللي كانوا في المترو
والمصيبة الاكبر هي فرامل الطوارئ وحدة قلعت الجازمة وكسرت الوش البلاستيك بتاع الفرامل لقت الدراع مش شغال يعني اهمال مسؤلين من اصغر عامل في المترو لغاية احمد نظيف طبعا المترو فرم البنت المسكينة دي اللي فرحها كان فاضله تقريبا اسبوع
حسبي الله ونعم الوكيل