الموضوع: ملاك الجيتا الكرام ، انا مقبل على شراء السيارة وارجو المساعدة

المشاركة الأصلية كتبت بواسطة monamize4

انا مش مالك بس اقدر افيدك باذن الله عن كتير من اسألتك

يعني كده موديلات 2009 وما قبلها مفهاش اي مشاكل خالص في الفتيس ؟؟ بس انا اعرف واحد معاه 2008 وغير الفتيس برده !!
وموديلات ال 6 سرعات سحبها وحش ؟ زي الاوكتافيا مثلا ولا افضل شويه ؟
وبصراحة المواضيع اللي في المنتدى هنا اللي بتتكلم على الفتيس مقدرتش ارسى بيها على بر ، ناس بتقول الفتيس فيه مشاكل وكله يبعد عنه وناس بتقول مشاكله اتعالجت وناس بتقول مشاكله بقت سهل تصليحها وبتكلفه مش كبيره ،،
وانا بصراحه تهت من كل الاراء دي ومش عارف استقر على رأي واخد قرار في الموضوع ، وخصوصا اني كنت بستخدم ياباني ( هوندا سيفيك ٢٠٠٧ و مازدا ٣ ٢٠٠٨ ) ومكانتش بتواجهني المشاكل دي خالص ،
وفي رأيك ايه افضل عربيه في رنج ال 130 الف ؟
وشكرا على ردك واهتمامك

لا مستعمله ، مش عايز زيرو عشان بغير كل فتره صغيره فمش عايز اخسر كتير

واحتياجاتي في العربيه الثبات والفرامل والاعتماديه وشكل حلو طبعا :)

المشاركة الأصلية كتبت بواسطة monamize4

كلامك متفصل ياباشا على الفانتازيا
بتجمع مابين ثبات و فرامل الاوروبى و ما بين مميزات سوق اليابانى
و ف نفس الوقت اعتماديتها كويسه لكن هتضطر انك تعلى بالمبلغ عن 130

لو الزيادة مش متاحة يبقى الانسب طبعا هى الكورولا قبل الاخيرة
و دى سوقها حلو اوى و مش هتخسر فيها ان شاء الله بالعكس دا انت ممكن تكسب فيها
و دا مناسب جدا للى بيغير كتير و اعتماديتها ممتازة و عالية عن الارض و تكيفها ممتاااااز
بس خلى بالك ان ثباتها اقل من السيفيك و ابعد عن الموديلات ال mmt منها

الفانتازيا جميله طبعا بس الاسعار اللي انا شوفتها الايام دي كرهتني في العربيات كلها ، الفانتازيا اعلى فئه سعرها معدي اكتر من سعرها لما كانت زيرو ، طبعا انا صرفت نظر عنها
اما بالنسبه للتويوتا الشكل اللي قبل الجديد ، فانا بصراحه بكره الشكل ده من ساعت ما نزل في ٢٠٠٨ وانا مبطقش شكلها ، ممكن تبقى عربيه كويسه ( ده لو موديلاتها الاخيره اتظبطت ومفهاش مشاكل ) لكن مش هعرف اركبها بسبب شكلها ،،
والله الواحد دامغه وجعته من الموضوع ده و وصلت لأني افكر في السيراتو الشكل الجديد مستعمل عشان اريح دماغي