محتاج رأيكم في الجولف2

**madawbs** · 30-10-2008 03:01 PM

نسيت اقوللك فى حتة العربيات المتلحمة وكدة اكشف على اى عربية هاتشتريها فى محطة شل الهرم بيفصصوا العربية ومش هاتخسر حاجة لما توديها لسمكرى يبصلك عليها الاول علشان لو طلعت وحشة ماتبقاش دفعت فلوس كتير للبنزينة ولو قاللك حلوة اكد الكلام فى المحطة بس فعلا للامانة بيفصصوها حتة حتة ويعملولها فحص شاسيه وفحص موتور وtest drive علشان يختبر الفتيس والعفشة فعلا يستاهلوا ال70 جنيه الى بياخدوها

واوعى تشترى عميانى او تروح محطة جنب الراجل الى بيبيعلك لانه احيانا بيتفق معاهم (حصلت لواحد صاحبى اشترى متسوبيشى كولت وطلعت مصفة بالرغم انه فحصها فى محطة التعاون الى عند مسرح البالون وقالوله 100 100 والراجل كان ساكن فى الزمالك)

ونصيحة ماتشتريش من السوق الا لو معاك واحد حريف وتكون ضامنه مايبيعكش بغمزة (بتحصل كتير جدا) اشترى عربية حد معرفة احسن او عربية واحد واحد صاحب صاحبك علشان فى السوق بتبقى الدنيا زحمة وعلشان تطلع حد تجرب عربيته لازم تكون فاهم كويس علشان ماتطلعش حد على ان عربيته كويسة وتجرب وتكشف عليها فى المحطة وتدفع فلوس وتكتشف انها شرك وممكن كمان يقوللك هات 100 جنيه عربون علشان اطلع معاك ومايرضاش يرجعها

**tservers** · 08-11-2008 06:00 PM

المشاركة الأصلية كتبت بواسطة madawbs

نسيت اقوللك فى حتة العربيات المتلحمة وكدة اكشف على اى عربية هاتشتريها فى محطة شل الهرم بيفصصوا العربية ومش هاتخسر حاجة لما توديها لسمكرى يبصلك عليها الاول علشان لو طلعت وحشة ماتبقاش دفعت فلوس كتير للبنزينة ولو قاللك حلوة اكد الكلام فى المحطة بس فعلا للامانة بيفصصوها حتة حتة ويعملولها فحص شاسيه وفحص موتور وtest drive علشان يختبر الفتيس والعفشة فعلا يستاهلوا ال70 جنيه الى بياخدوها

واوعى تشترى عميانى او تروح محطة جنب الراجل الى بيبيعلك لانه احيانا بيتفق معاهم (حصلت لواحد صاحبى اشترى متسوبيشى كولت وطلعت مصفة بالرغم انه فحصها فى محطة التعاون الى عند مسرح البالون وقالوله 100 100 والراجل كان ساكن فى الزمالك)

ونصيحة ماتشتريش من السوق الا لو معاك واحد حريف وتكون ضامنه مايبيعكش بغمزة (بتحصل كتير جدا) اشترى عربية حد معرفة احسن او عربية واحد واحد صاحب صاحبك علشان فى السوق بتبقى الدنيا زحمة وعلشان تطلع حد تجرب عربيته لازم تكون فاهم كويس علشان ماتطلعش حد على ان عربيته كويسة وتجرب وتكشف عليها فى المحطة وتدفع فلوس وتكتشف انها شرك وممكن كمان يقوللك هات 100 جنيه عربون علشان اطلع معاك ومايرضاش يرجعها

الف شكر يا باشا على نصايحك انا قدامي جولف 2 موديل 89 موتور 1800CC RV ِاوتوماتيك وجميع الكماليات اية رايك في الموتور ده؟